Page Text
________________
२२०
मणोरमा-कहा
ता सयणा ताव मित्ता गुरुत्तणं ताव वासणा ताव । जाव न पत्थइ पुरिसो अह पत्थइ तु तिणसमो होइ ।।४५३।। सो पुरिसो जस्स करो दूरं वित्थरइ दाण-समयम्मि। संकुडइ गहण-समए ससि व्व सिय-पक्ख-विगमम्मि ।। विहिवस-विहडिय-विहवो वि देहि देहि त्ति जो न जपेई । निय ववसायविलग्गो विसमदसं गमइ सो पुरिसो।। भणियं चअवहत्थिज्जउ तं दियह अच्छउ निसि म विहाउ । जहिं जोइज्जइ परह मुहु छड्डिवि निय-ववसाउ ।।४५६।। जइ धणु फिट्टा विहि-वसिण तउ विवसाइ विलग्गि । मेल्लिवि माणुस मसयणघरि हत्थु पसारि म मग्गि। दियह कर वि न सक्किया ससि-सुरिहि संपुण्ण । विहलिय कवणु समद्धंरइ जसु अप्पणा न पुण्ण।।४५८।। किंचकलिकालसहावेणं संकडहियया निरप्पणा हुंता । तो ताण पत्थणाए अप्पा विह लहइओ होइ ।।४५९।।
अओ सयणाइजण-परिभूयस्स अलं मे इहट्ठि एण जेणदालिद्दपरिभवो सव्वाण परिभवाण चेव जेट्टयरो। जीवंता वि हु जेणिह मय व्व पुरिसा गणिज्जति ।।४६०।। वरि देसंतरु वरि मरण वरि तउ वरि वणवासु । धणहीणह वह-परिभवह वलि-क्रिउ सग्ग-णिवासु ॥४६१।।
___ एवंविहचिंताचवक-समारूढमाणसो गमिऊण वासरं अकहितो चेव सयणाण रयणीए निग्गओ गुणदत्तो। जाव थेवंतरं गच्छइ ताव पत्तो तक्करहिं । नीओ कतारं । मग्गिओ दविणजायं । जाहे न किंचि पडिवज्जइ, ताहे चिरं कयत्थिऊण विक्किओ सुवेलाउले पारसउलनिवासिणो नाइत्तगस्स समीवे । तम्मि चेव दियहे सिद्धपओयणो चलिओ नियदीवाभिमुहं नाइत्तगो । चितियं गुणदत्तसेट्रिणा--"चिरं कयत्थिऊण अज्जवि न कयत्थो विही । अणारियजणकरगयस्स कि मे जीविएण?" एवं चिंतिऊण अत्थमिए दिणयरे, वियंभिए समंतओ तमंधयारे, वहंते पवहणे, सणियमेव मुक्को अप्पा समुद्दमज्झे गुणदत्तसेट्ठिणा । तओ उब्बुड्डु-निब्बुड्डणं कुणंतेण पत्तं पुव्व-विवण्ण-जाणवत्त-फलय-खंडं । मच्छ-कच्छभाईहिं कयत्थिज्जंतो पत्तो पक्खावसाणे समुद्दतीरं । चलिओ पुव्वाभिमुहो । थेवंतरगएण दिळं तं चंडिया-भवणं । तयभिमुहमणुसरंतेण दिट्ठो मढाओ निहरंतो विमलहंसो । तेण वि सेट्ठी । मिलिया दो वि परोप्परं । सारिच्छया जणियसंका 'असंभावणिज्जमेवं'ति अकयनिच्छ्या अण्णोण्णमुहमवलोयंता ठिया खणमेगं । नीओ मढे विमलहंसेण सेट्ठी । मक्खिओ घएण । संवाहियाणि सव्वअंगाणि भोयाविओ घयखंडसहिएण कलमोयणेण । दिण्णं सरस-पूईफलमसरिसं तंबोलं । भुत्तावसाणे सुहासणत्थो पुच्छिओ विमलहंसेण सेट्ठी-"महाभाग ! तुमम्मि दिठे वियसइ लोयणज्यलं, उल्लसइ आणंदभर-निब्भरं समुल्लसंतसुहकल्लोल-मालाविलं, महिमंडले वि न माइ मे माणसं, सव्वहा गुणदत्तसेट्ठिसरिसो तुमं लक्खीयसि । कहेसु नियनाम जेण महमणे-निव्वुई होइ ।" सेट्ठिणा भणियं-- "मुणियं चेव भयवया किं पुणरुत्त-कहणेण?" तओ बाह-जल-भरियलोयणो परुण्णो जोगिओ । सेट्ठिणा चितियं--"अहो ! मे पाव-परिणई जमरण्णवासिणो पडिवण्ण-वयविसेसस्स वि दुक्ख-कारणं जाओ?' कह कह वि सेट्टिणा संठाविओ चिरओ रोवियवाओ जोगिओ। सेट्टिणा भणियं-"भयवं ! को तुमं किमभिहाणो वा?" जोगिएण भणियं---"महाभाग ! सो हं कुकम्मकारीकुविय-कयंत-भिउडि-भीसणाऽऽरक्खिय-पुरिसेहितो विमोइओ जो भवया अगहिय-नामधेयो जण द्दणो । भवंतं वसण-सागरे छोढूण निय-पाणे गहाय पलाणो । साहिओ सव्ववो वि वय-गहणावसाणो नियवइयरो। सेट्ठिणा वि तप्पुच्छिएण नियबुत्तंतो । जोगिणा भणियं-- "अवहिओ विही उन्नयमाणभंग-करणे, करिकण्ण-चला लच्छी, सच्चो य पवाओ किलेसायास-बहुलो गिहवासो, जेण भवओ वि कप्पायवस्स विय परहिय-संपाडण-पत्त-फल-जम्मस्स ईइसी अवत्थ'त्ति । अहवा थेवमेयं--"खीणो वि ससीकलावो कालजोगओ पुणो वि संपुण्णय पाउणइ । विवरीए विहिम्मि इंदाइणो देवा परिकिलेसभाइणो भवइ । निच्चपच्छण्णो पुरिसयारो । न सिहि-संजोगमंतरेण कालागरुस्स सव्वहा गंधोवलद्धी भवइ । वसण-समावडिया वि वज्जकढिणहियया चेव महापूरिसा हवंति । किं च उवयारिणी चेव य आवया, जओ-"नज्जइ इमीए सज्जणासज्जणविसेसो, लक्खिज्जइ पडिकूलाणुकूलो परियणो, गम्मति अत्तणो भागधेयाणि, [...] पयडीभवइ । थेव-कालावत्थाइणी तुह एसा आवय"त्ति लक्खणओ.
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |