Page Text
________________
समत्त-लंभो णाम बीओ अवसरो तत्थ य कणसारसेटिठकहाए उमावइमाहणकहा
२१९
जं जीविज्जइ दह-कढिण-मूलस्स, आउयतरुणो माहप्पं । अहवा कि महमिमाए चिताए । नियकज्जं चितेमि । न एसो कालो परिदेवियव्वस्स । अवि य-- साहसममुंचमाणो पुरिसो तयणरूवफलं पाउणइ । अईयत्य-चितणं विलावं च चयंति वियक्खणा ।।४४७।।
तओ अवलंबिऊण साहसं उट्टिओ हं तरुमूलाओ । गओ थेवभूमिभागं । दिट्ठो तत्थ भिण्ण-पोओ मए एगो वाणियगो । गओ तस्स समीवं । पुच्छिओ सो मए--"कओ भवं ? कि नामधेयो ? कहं वा एत्थागओ ?" तेण भणियं--"पोयणपुरनिवासी-मंगलालओ नाम सेट्टि-पुत्तो । वाणिज्जेण रयणपुरं पइ पत्थिओ विवण्ण-जाणवत्तो समा[साइय-फलहओ दुसत्त-रत्तेण इहं पत्तो। पायवोवरि धयं बंधिऊण, 'भयवइ [जइ] कहवि इमाओ वसण-समहाओ नित्थरिस्सामि, तो एत्थ ठाणे तुह आययणं करिस्सामि । इच्छिऊण चंडियाए उवाइयं, कंदाइणा कयपाण-वित्ती एत्थ चिट्ठामि ।" मए भणियं--"जब तुम एत्थ आययणं कारवेसि तो मए वयविसेसं पडिवज्जिऊण इहेव भयवई आराहयंतेण अच्छियव्वं ।" तेण भणियं--"सच्च-पयत्तेण होयव्वं ।" मए भणियं--"भवया वि तहेव ।" ठिया कइवयदिणाणि दो वि।
अण्णम्मि दिणे चिंध-दंसणेणं पेसिया सुलोयण-नाइत्तगेण लहु-पवहणेण निय-पुरिसा । दिट्ठो तेहिं मंगलालओ । भणिओ य-“भद्द ! पोयणपुराओ सुलोयण-नाइत्तगो रयणदीवं य पत्थिओ । चिंध-दसणा विवण्णजाणवत्तो कोइ इह चिट्टइ'त्ति धरिय-जाणवत्तो तुमं सद्दावेइ । लहुं समागच्छउ भवं ।" ममं घेत्तूण चलिओ सो । दिट्ठो सुलोयणो । तेण वि मंगलालओ। जायं परोप्परं पच्चभिण्णाणं । मिलिया दोवि माउल-भाइणेज्जया । सुलोयणेण भणियं-"वच्छ ! कहं ते एरिसी अवत्था ?" सो वि बाह-जलभरियलोयणो रोविउं पयत्तो। सुलोयणेण भणियं-"वच्छ ! न विसाओ कायव्यो । वज्जकढिणहियया चेव वसणसमए सप्पूरिसा हवंति ।" जओ भणियंवसणम्मि ऊसवम्मि य एक्कसहावा हवंति स पुरिसा। 'जारिसओ च्चिय उदए अत्थमणे तारिसो सूरो' । स पूरिसे च्चिय निवडेइ आवया न उण पयइ पुरिसम्मि। ससि-सूर च्विय घेप्पति राहुणा न उण ताराओ।।
गमकाले उण्णयचित्ता हवंति सप्पूरिसा। एवंविहाण जायइ पूणो वि लच्छी न संदेहो॥४५०।। वसणम्मि समावडिए पयई न हु कह वि सुपुरिसो चयइ। राहु-मुह-गहियमुक्को वि तवइ सूरो धरावीढं ।। पुरिसेण पुरिसयारो कायव्वो ताव नत्थि इह दोसो। अह विहिवसेण विहडइ विहिणो दोसो न पुरिसस्स ।।
एवंविहवयण-वित्थरेण संठविऊण निवेसिओ नियअद्धासणे सुलोयणेण मंगलालओ। पुच्छिया सयला पउत्ती । साहिया तेण सुलोयणेण भणियं-"वच्छ ! न किंपि नटुं जं तुमं धरतो दिट्ठो।" मंगलालएण भणियं-"माउल ! बहूणि जाणवत्ताणि दीसंति । कि सव्वेसु वि भंडं ?" तेण भणियं-"दोसू भंडं । दो वि घडिय-कट्टदल-भरियाणि । एगम्मि हंसगब्भ-जोगियगेज्झा सुत्तधारा तदुवगरणाणी य।" मंगलालएण भणियं-"कठेहिं कि कायव्वं ?" तेण भणियं-"रयणदीवे आइच्चदेवउलं ।" मंगलालएण भणियं-“इमिणा कट्टेण इत्थेव कीरउ चंडियायणं दो य देवया । आइच्चहेऊ नियघरे गओ अहं भे[क टुदलं दलइस्सामि । पडिवण्णमणेण । ठिओ तत्थेव कइवयदिणाणि । कारावियं इमं देउलं मढो य । ठिओ एत्थेव हं हंसगब्भो [य] अहं पि मंगलालय-वयणेण गहिऊण हंसगब्भ-समीवे दिक्खं एत्थेव ठिओ । गच्छंतेण मक्कं थेव-दिण-जोग्गतंदुलाइ-संबलं । भुंजंताण वि न निद्राइ ।" विम्हियमाणसेण पूच्छिओ मए हंसगब्भो-"भयवं ! कि कारणं तंदूलाइयं न निढाइ ?" तेण भणियं-“वच्छ! मंत-सत्ती एसा ।"
अण्णया सरीरकारणेण दिण्णा तेण सब्वेवि मंततंता । उवरओ हंसगब्भो । काऊण तस्स मयकिच्चाणि अहं एत्थेव ठिओ।" जणद्दणे]ण भणियं-"धण्णो तुमं । जइ अत्थि जोग्गया तो मम पि अणुग्गहेहि नियदिक्खाए।" पडिवण्णमणेण । दिक्खिओ जणद्दणो । कयं नामं विमलहंसो । कइवय-दिणावसाणे दिण्णा सव्वेवि मंता विमलहंसस्स गुरुणा । उवरओ हंसविलासो । ठिओ तत्थेव विमलहंसो । वच्चंति वासरा ।
इओ य गणदत्तसेट्ठी गहिय-सव्वस्सो मुक्को कारागाराओ रण्णा । समागओ नियमंदिरं । न पउत्ति विहंति सुहिय-सयणाईया । न सरंति घरपओयणाणि । पत्थिया वि परंमहा वच्चंति सयणाइया । समीवेण वि बोलतं नालविति समासण्ण-बंधुणो वि । तओ विसाय-विस-विहरिय-हियएण चिंतियं गुणदत्त-सेट्टिणा--
___JainEducation International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |