Page Text
________________
२१४
मणोरमा-कहा
हा ! हियय ! वज्जनिठुर, पडियपमो वि सो महाभागा। उवासाप्पऊण सहसा सलविउ किण्ण उवयरिओ। अहव न ह तुज्झ दोसो लज्जा अवरज्झए धुवं एत्थ । जीए वसेणं न कया तस्स मए का वि पडिवत्ती ।।३८२।। आ पावे ! निल्लज्जे ! लज्जे तुह सम्मयं मए विहियं । संपइ तं तीरच्छा दुक्खं मह निवडियं सव्वं ।।३८३॥ जओ-- सोऊण सुय-पुव्वाइं तीय वयणाई संकिय-मणा हं । आरूढा उवरितलं दिट्ठा एणामुही तत्थ ।।३८४।। पसरंत-सरल-सासा वाहाविल-लोयणा लुलिय-केसा । विच्छाय-वयण-कमला अलद्ध-लक्खं पलोयंती ।। कि ते वाहइ वच्छे ! पुट्ठा वि मए न साहए किपि । तह वि मणिऊण कज्ज सोवालभं इमं भणिया ।।३८६।। बाला वि दुविणीया गूढायारा निरप्पणा धणियं । कहमण्णहा न साहसि जहट्ठियं पुच्छिया वि मए? ॥३८७।। भणियमिमाए अम्मो ! मा रुससु दुक्ख-कारणं सुणसु । दिट्टो अट्ठिपुब्बो सुमिणम्मि नरो मए कोवि ।।३८८।। कि सो सुरोऽसुरो वा खयरो वा भूमिपाल-तणओ वा । आगम्म समासीणो मह सयणीए वियसियच्छो ।।३८९।। सहसत्ति सम्महंती ससज्झसा वेवमाणसव्वंगा । हसिऊण तेण धरिया हं दाहिणण हत्थंण ।।३९०।। कहकह वि रोयमाणी मुक्का वेगेण आगया एत्थ । सो वि न नज्जइ कत्थ वि गओ मणं मह हरेऊण ।।३९१।। तहियहाओ डझंति मज्झ अंगाई वट्टई अरई । न लहामि रई कत्थ वि घरे सरे बाहिरुज्जाणे ।।३९२।। अणवरयं मुक्क-वाहोह-सित्त-गंडत्थलं मुहं तीसे । पक्खालिऊण पणयप्पगम्भिणं चितियं च मए ।।३९३।। एवंविहदुक्खाइं जायंति न सुमिणमित्तचिट्ठम्मि । जम्हा वयंति विउसा सुमिणय-दिळं च नळं च ।।३९४।। ता अण्णो भावत्थो इमस्स भणियस्स निऊ मइ-गम्मो । तं पुण इमा न साहइ लज्जाए तओ मए भणिया ।। वच्छे ! का तुह चिंता वियर जहिच्छाए काणण-वणेसु। तह कह वि जइस्साहं जह सुहिया होसि अचिरेण ।। एवंविहवयहि धीरविया सा मए सरल-हियया । अहयं पि तस्समीहिय-संपायण-वावडा जाया ।।३९७।। नाऊण तुम पंपापुरीए रयणीए चरिम-जामम्मि । गंतूण इहाणीयो दुक्खिय-जण-ताणकरणट्टा ।।३९८।। इह भणिऊण न विरमइ जा तारागया तुरिय तुरियं । तत्थेव हरिसियमणा सुत्तारवण-देवया सहसा ।।३९९।। आलिगिओ सहेलं पुणो चुंबिओ य मुद्धाणे । पुत्तय ! कुसलं कुसलेण कहवि दिट्ठोसि तं अज्ज ।।४००।। अज्ज कयत्थं मह नयण-जुयलं अज्ज जीवियं सहलं । अज्जेव अहं सुहिया जं तुह वयणामयं पीयं ।।४०१।। पट्टा ताराए तओ कह पुत्तो एस तुब्भ साहेसु । भणइ सुतारा निसुणेहि सुयणु ! जइ विम्हओ तुज्झ ।।४०२।। पव्वभवे हं कमला नामेण महिंदसार-निव-घरिणी। आसेसो मह पुत्तो पाणपिओ तेयसारो त्ति ।।४०३।। बालेण वि एयस्स मज्झ मरणं विणिम्मियं विहिणा । मरिऊणं तम्मि नयरे उज्जाणे वंतरी जाया ।।४०४।। अह अण्णया कयाइ वि समागओ केवली तमुज्जाणं । पउराण कहइ धम्म छिदइ तह संसए णेगे ।।४०५।। लद्धावसराए मए सप्पणयं पणमिऊण सो पुट्ठो । भयवं ! भणसु सुएणं समागमो कत्थ मे होही ।।४०६।। तो केवलिणा भणियं भद्दे ! सालाडवीए मज्झम्मि । फलिह-मणि-सिलाघडिए पासाए दंसणं होही ।।४०७।। अह वंदिऊण भयवं हरिसिय-चित्ता समागया एत्थ । दिट्ठो पुत्तो सित्तं अमिएण व मज्झ नयण-जुयं ।।४०८।। एत्थंतरम्मि एणामुही वि वणदेवयाहिं परियरिया। आगम्म सुताराए पय-कमलं पणमिय निसण्णा ।।४०९।। सूइरं निरूविऊणं सव्वंगोवंग-लक्खण-धरं तं । ठूण विम्हियाए पुट्ठा ताराए [सुतारा] ॥४१०।। पियसहि ! का उण एसा निरुवम-लावण्ण-रूव-संपण्णा। वणदेवयाण तेयं अवहरिय ठिया स तेएण ॥४११।। ताराए तीए कहिओ जाहीडिओ पुव्व-वइयरो सव्वो । इयरीए. पुणो पुठं कि कुमरी अहव परिणीया ? ।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |