Page Text
________________
मणोरमा कहा
२१२
ईसि हसिऊण कुमरो दिट्ठि दाऊण खग्ग- रयणम्मि । अखुहिय- हियओ जंपइ रणरसरोमंचियसरीरे ।। ३५५ ।। अकंपिज्जइ बालो जो न वि पहरइ पहरमाणेसु । बाले वि हु पहरिज्जइ पहरंते नत्थि इह दोसो ।। ३५६।। जाई -कुल- मायारो परक्कमो साहसं मई चाओ । कम्मेहि होति पयडाई न उण वयणेहि पुरिसाण || ३५७।। जायाण धुवं मरणं जयम्मि जीवाण कम्मवसगाण । तं जयइ परोवयारो जायइ ता किण्ण पज्जत्तं ।। ३५८ ।। भयभीयमाणसानं पवण्ण-सरणाण कुणइ जो ताणं । सो जियइ जियंतो वि हु मओ त्ति इयरो मुणेयव्वो ।। ३५९ ।। तो विसम को निय-निवाहर कराल मुह कुहरो । पभणइ कुमरं कुद्धो केरलराया कयंतो व्व ॥ ३६०।। रे रे अविणयमंदिर जइ एवं ता अहं सहत्थेण । पेक्खताण भडाणं रणकंडुं तुम्भ अवणेमि ।। ३६१ ।। गिहसु सत्थं सुमरेसु देवयं सच्चवेसु जियलोयं । संपइ जणणी तुह होसइ अण्णपुत्ताण || ३६२।। इय जंपिरो सरोस कुंत-करो कुमर-सम्मुहो चलिओ । कुमरो वि गहियखग्गो तयंतिए झत्ति संपत्तो ।। ३६३ ।। कुंतेण भिण्णदेहो सत्ति धरणीतले गओ कुमरो । इयरो विपत्तत्रिजओ पयंपए कडुयवयणाणि ।। ३६४ । । रे रे ! डिंभ दुसिक्खिय जइ जीवसि कह वि ता मए मुक्को | मुच्छाविगमे जंपर कुमरो कयखग्गमुट्ठिओ ३६५ इताव अहं बालो असिक्खिओ निग्गुणो तए नाओ । ता उवसंहर समरं जहागयं गच्छ नरनाह ! ।। ३६६ ।।
जओ-
निकम्मे विहियं हणंति कह निग्गुणं जणं गरुया । उवभुत्तविसे-पुरिसे न हु विहलो आउहारंभो ।। ३६७।। अह भणइ समरसूरो जइ एवं ता लहं समप्पेहि । दुच्चरिय-रायधूयं तेयसिरि कण्णयं मज्झ || ३६८।। कुमरो जंपइ अबलायणम्मि जे विमुहा । कापुरिमाणं ताणं न हुंति इहलोय-परलोया ।। ३६९।। सा रायसुया मह सरणमागया कहमहं समप्पेमि । तुज्झ वि अक्खत्त धम्मो एसो न हु जुज्जए काउं ॥ ३७० ॥ सोउं सिक्खावयणं रोसाउर - लोयणो समरसूरो। कुमरं अहिखिवंतो करवालकरी समुल्लवइ ।। ३७१।। जे हुंति खुद्दजाई अकुलीणा निग्विणा महापाया। एए न सामगज्झा दंडेण पर उवसमिति || ३७२ ।। इय असमंजस-दुव्वयण-सवण-संजाय- अमरिसो कुमरो । उल्ललिऊण सहेलं आरूढो तस्स खंधम्मि ।। ३७३। जाव न वाहइ खग्गं ताव हओ पायप हिपहरेण । मुच्छानिमीलियत्थो धराए पडिओ धरणिनाहो || ३७४।। रे लेह मारह समंतओं वेढियं गयघडाहि । इय जपता पत्ता सुहडा नियसेण्णपरियरिया ।। ३७५ ।। कुमरो विसरइ सहसा दिणं जोईसरेण जं तइया । विजयसिरिपावणत्थं परबल - सम्मोहणी विज्जं ।। ३७६ ।। अप्प-पर- निव्विसेसा परोप्परं पहरिऊण ते सव्वे । के वि मया के वि गया दिसोदिसि मूढदिसियक्का ।। ३७७।। नीलपुएणं सलिलं घेत्तूण सरसियाहितो । सित्तो कुमरेण निवो पच्चागयचेयणो भाई || ३७८ ।। किं पलविएण बहुणा रज्जाइपयाण पिसुणियत्थेण । नियगुणधणेण कीयं महजीयं तुम्ह आयतं ।। ३७९ ।। गहिऊण समरसूरं कुमरो पंपापुर अह पविट्ठो । कारेइ मित्तभावं रण्णा सह चंदचूडेण ।। ३८० ।। समागया विमलमाला वि समं तेयसिरीए । समरसूरो वि समागतूण परिवारिओ निय-बलेण ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |