Page Text
________________
सम्मत्त-संभो णाम बीओ अवसरो तत्थ य तेयसारनिव-कहा
२११
च समयसाहणत्थं पहाणए पेसंतो चिट्ठइ । समरसूरनराहिवो पयईए चेव अमरिसणो पणिहिपुरिसेहितो. सोऊण चंडचूडस्स तं तहाविहं विसमसमरारंभं समाहिओवजाय रण रसारोमंचिज्जमाणसव्वंगो संचारिमं जणगिरि - सिहरसमुत्तुंगमत्तमयगल घडारूढेहि महासामंतेहिं समंतओ परिवारिओ, विसमविहडण कय दढ वद्धामरिसो सयं चेव ढुक्को । समाइट्ठा समहिय साहसा रायपुत्ता।
तओ सामिसमाएससंजायसमुच्छाहेहिं तेहि सह पायारसिंहरवत्तिणो चंदचूडरायलोयस्स अण्णोष्णकयनिब्भच्छणाणि दप्पुद्धर- सुहडसिंहनायवहिरिय ासण्णवासिजण कण्णरंधाणि नीरंधपासाण- खिवणखणमेत्तवलीकयनहयलाणि, नियाहय समरचूराव-सवण-संखुद्ध-कायर-कर निवडंतसत्थाणि, जंत- मुक्काग्गि-तत्त तेल्ल-छडासंगत्त-विहडमाणवियड - पायत्ताणि, चम्म डिट्ठ- संठिय- करकय- कोद्दाल- पुरिस-खणिज्जमाणपायारमूलवंधाणि, कोहदट्ठोवंठसुणिज्जमाणदुग्गट्ठियवइरिजणनिट्टुरालावाणि, सिरिधरियफारफारक्कए छिज्जमाणपायार-खंडीपवेसाणि, उक्कानलावेगागमग्गितत्तना रायविद्ध
णुकारिगण [य]लनिवडंतजलंत - तिण-पूलयसंग संजलंतकरि-सारिविणिस्सरंत संभंत गयारोहाणि, विलीयमाणनरवइसिरिसुवण्णमउडाणि, कढण कुहाड - ताडिय - गोउर-कवाड - निस्सणाणुसारनिवडंतपउरपासाणवरिसाण, कयकलयलगामीणजणवेल । इज्जमाणपहा रवियलविद्दवंत गयघडाणियजणाणिय कोऊहलकराणिय कोहजणगाणि य हासावहाणि य विणोयभूयाणि य निव्वेयदाईणि य पइदिणमाउहणाणि वट्टेति । अहं पि बहुदासी - दास-परिगया अपत्ता चेव परबले कोसंतरं संठियाए कुलदेवयाए समाराहणत्थं समं तेयसिरिनामियाए रायधूयाए बाहिं विणिग्गया । पूइऊण परमपुयाए भयवई, कारावेऊण पहरमेगं महूसवं, नयर पड़ पत्थिया । पेच्छामि समंतओ तुरय-खुरुक्खणिय-रय - रंजियं अंतरियरविबिबनयलं । सविसेससंजायसंकाए भणिओ मए कणगबाहू नाम कंचुई – “किं कारणमयंडएव वासंति कोसिया ? गोयरगयाणि वि न दीसंति पंपापुरीए देवमंदिराणि ?" सुइरं निरूविऊण जंपियं कणगबाहुणा - " विमलमाले ! रेणु-नियर लिणियांबरत [लं अओ] परचक्कवेढावियं लक्खीयइ । ता तेयसिरि-संरक्खणत्थं पच्छाहुत्तं पलायणमेवम्ह गुणयरं" ति कयनिच्छयाणि एत्थागंतूण पषिद्वाणि । परबलसस्वजाणणत्थं जाओ पंडरंगो कणगबाहू । अण्णे वि कवि-कुंतलाभिहाणा दुण्णि दासा अव्वत्तलिंगधारिणो कडयब्भंतरे भमिउमाढत्ता । सेसपरियणो वि कोवि कहि पि पेसिओ । अहं पि कुडं गब्भंतरगयं तेयसिरि संरक्खमाणी एत्थ चिट्ठामि ।" एवं भणिऊण जावज्जवि न विरमइ विमलमाला ताव तुरिय-गइवस- समुप्पण्णसाससमाऊरिज्जमाणाणणो तरलतारलतारयं पुणो पुणो पच्छाहुत्तं नियंतो पत्तो तमुद्देस कणयबाहू । भणियं च णे- “भद्दे ! दिट्ठा समरसूर - मंतिणा कविलकुंतला । संजायसंकेण पुच्छिया तेण - ' कत्तो तुब्भे ?' ते वि संबुद्धमाणसा उत्तरं दाउमचयंता बखा, समप्पिया राइणो। तेण वि चिरं चड्डिऊण भणिया- 'कहेह कहि चिट्ठइ चंदचूहिया सेयसिरी । जड़ सच्चं संलवह तो ते कोडि कणगस्स वियरामि अण्णहा पाणे हरामि ।' तओ तेहि पम्हुट्ट सामिसुकएहि जहट्ठियं साहियं । समरसूरो वि सबलवाहणो एतो वेव समागच्छइ । एवं सोऊण मुच्छा विहलंघलानिर्वाडिया धरणीतले विमलमाला । तेयसिरी वि निग्गया रुयमाणी कंथारिकुडंगमज्झाओ। लद्धचेयणा भणिया विमलमाला तेयसारेण - " अम्मो ! न भाइयब्वं" ति भणतो चलिओ समरसूरसेणाभिमुहो, सीहेण व गयकुलं भग्गं तेण तं बलं सामितज्जणाजणिय मच्छरं काऊण पुणो वि ढुक्को विझो व्व समंतओ वेडिओ कुमारी गयघडाहिं ।.
एत्यंतरे कणयबाहुणा कहियवुत्ततो सन्नद्ध- चउरंगबल - परिवारिओ निग्गओ नयरीओ चंदचूडो । एगत्तो. तेण अण्णत्तो तेयसारेण सह संपलग्गं जुज्झिउं समरसूर बलं । भीसणाबखतुमुले, निवडंतसुहडसंघ-संकृण्ण धरणीयले वट्टंते समरसंरंभे, परिहायमाणेसु रायतणएसु, अमरिसवसावेग-विगयमरण-संकेसु जुज्झतेसु वीर- पुरिसेसु, अप्पत्तणओ पराजिए पुणो विनयरी अणुपविट्ठो चंडचूड- बले । समरसूर - निब्भच्छिओ वाहसरसल्लियसरीरो व्व पंचाणणो, निसुयंदुण्णरिंदमंतक्खरो व्व महोरगो, विवक्खवारणमयगंधकुट्ठो व्व वण-वारणी, चलिओ समरसूराभिमुहं तेयसारो । वेढिओ समंतओ बले । ईसि हसिऊण जंपियं समरसूरेण - " बालो तुमं अदिट्ठसमरसंरंभो । तह वि [वि]चारियं तए नियपोरसं, पर्याओ परक्कम, अमुणिज्जमाणजाइ-कुल- समायारे न निवडंति सूर - सत्याणि । अभयं भे । वच्चसु सट्टाणं । मा परकज्जे अप्पाणयं विणासेसु ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |