Page Text
________________
सम्मत्त--लंभो णाम बीओ अवसरो तत्थ य तेयसारनिवकहा
वच्छत्थलामल-समुण्णय-पासाय-सिहर-मयणारुहण-निस्सेणिसण्णिहाए .. मसिण-सिणिद्धाए रोमावलीए, करिकलह-कुंभविब्भमेणं थणहरेणं, . उवरि निवडिय-कण्णाहरण-किरण-कंति-कलावभारेणावनामियंसेण, उत्तत्त-कणय-समवण्णेण बाहुदंडेणं लच्छीनिवासतामरसं व दुहा काऊण विणिम्मिएण सरलकोमलारुणंगुलीदलेण पाणिपल्लवेण, अदिट्ठ-पुवपवण-ससि-दसणाणुराएण समयं समागएहि उदयअत्थमणसंझारागेहि व परिणय-बिंबाफलपाडलेहिं अहरोठेहि, संजणिय-मयण-घरिणी-दप्पण-विब्भमेणं अइनिम्मलेणं - मुहचंदेणं, अइरेगतरल-तारेण अच्चुदार-धवलोदरेण मीण-जुयलेण तिहुयण-विजय-विहिय-जत्तस्स रइवल्लहस्स सऊण संपायणत्थमुप्पाइएण विहिणा नयणुप्पल-जुवलएण, अत्थमणिवालुयापुण्णिमासंकाए निसिभालयलमज्झमहिसयाणस्सहिमयर-हरिण-सिंग-कोडीहिं व तिरियमुभयपासेसु पल्लत्थाहिं कसिणदीहाहि व वल्लरीहि, मुहयंदकंतिकलणदूरोसरिएण तिमिर-पूरेण व सिरोरुह-संताणेण विरायमाणी, समंतओ हरिणजूह-परिवारिया दिट्ठा एगा कण्णगा। तओ संजाय-विम्हएण चितियं कुमरेण-"जावज्ज वि न उज्झइ एसा ताव गंतूण पुच्छामि" त्ति विगप्पिऊण पत्तो तयंतियं । सा वि कुमारं दट्टण संजाय-सज्झसा सहसा चेव पबलमारुयाहया कप्पलयं व्व कंपिउमारद्धा । कुमारो वि तं तहा पिसुणियाणरायं संभंतहरिणजहपरिहरियसनिहाणमवल्लोइऊण संजायविम्हओ मयणसरसल्लियंगो वि मोचिऊण मयणवियारं तयभिमुहो होऊण भणिउमाढत्तो- “सुंदरि! का तुमं? केण वा कज्जण एगागिणी सूण्णारणमिणमलंकरेसि? कि निमित्तं वा भयभीय व्व दससू वि दिसासू पक्खिवसि फुल्लिदीवरदलदामदीहरे कडक्ख-विक्खेवे ? अलं संभमेण । मा भयं करेसु नाहं तुममिहावट्टियं नाऊणमहिज्जमाणो वम्महेण समागओ । न वा तुहावहारकनिच्छओ सुरासुर-गुज्झगाईण[मण्णयरो] हवामि । भूमिगोयरो हं सयल-दिसामुह-पसरिय-कित्तिणो अणिवारियप्पसरवाहिणीवाहखुर-पदुक्खणियभूरि-रेणुसिय-दक्खिणावर पुव्व-जलनिहिजलस्स-सयल-मउलिमउड-मसिणीकय-चलण-नहमणिस्स महिंदसारस्स राइणो पुत्तो तेयसारो नाम कहवि विहिवसेण कंतारमेयममुणियमणुपविट ठो। अओ पुच्छामि भवई को एस पदेसो? केण वा खाणियं सरोवरमिणं? कस्स वा कित्ती एस पासाओ ?" सा वि अमंदमुहवासामोयसंवढिएण सहावओ चेव सुरहि-गंधिणासास-परिमलेण पवणवस-पसरिएण य दिव्वंगरायवासेण वासिय-वणंतरा वारंवारं पच्छाभिमहं नियंती खलंत-पयसंतपय-संचाराए गईए संचलिया तओ ठाणाओ। कुमरो वि संजायनिव्वेयो चितिउमारद्धो-“अहो ! अलोयण्णुया एसा कण्णया? जं ण मए सविहमागंतुण पूणो पूणो पउत्तपियालावेण दरदेसागमणखिण्ण-सरीरेण सयमेव साहिय य । अप्पयडियत्थि-भावेण पुच्छिया वि वयणमेत्तेण वि अकय-पडिवत्ती गया। ता कि इमाए। सविलक्खो चलिओ। पच्छाहुत्तं पत्तो सर-परिसर-संठियं लयामंडवं । न दिट्ठा विजयसिरी। संजाय-पच्छायावो इओ तओ परियडंतो पत्तो एग गिरिनईपुलिणं । दिदा वालया मज्झे पयपंती। संजायसंको चलिओ तयणमग्गेण। अणकल-पवण-पेरिअ नमंत-साहा-समूहं संरुद्ध-रवि-करपसरं संपत्तो एगं कयलीहरयं । दिट्राओ तयभंतरे कर-गहिय-खग्गाए एगाए कण्णगाए निरुद्ध-निग्गमाओ वाहजल-पव्वालिय-मुहाओ सन्निहिय-सयल-विवाहोवगराणाओ चत्तारि कण्णयाओ।सा वि दुवाररक्खिगा। विज्जाहर-दारिया कुमरं दठूण मयणसरसल्लियंगा मुच्छिय व्व मत्त व्व चित्तलिहिय व्व । संजायविम्हओ चितिउमारद्धो तेयसारो-एएसि एगा सा चेव विजयसिरी जस्स गवेसणकए अहमेयं परियडामि । विगयसको पविट्ठो रंभाहरं। पुच्छिया य विजयसिरीए “कहं तुम एत्थमागया ?" भयभीया सा न किंपि साहइ।
एत्यंतरे मोत्तूण खग्गं निवडिऊण चलणेसु जंपियं विज्जाहरकण्णयाए- "मुणेउ सामी ! एयाओ मलयकेउ, मयणकेउनामाण कण्णगा, वलि-हारावली-मयणावलि-नामियाओ कण्णगाओ रइहराभिहाणेण महभाउणा अवहरिऊण एत्थाणीयाओ। एमा पूण इत्थेव सर-परिसरे माहवी-लया-मंडवे पसुत्ता पाविया अज्जरयणीए। पाणिग्गहणं करिस्सइ त्ति मोत्तूण ममं रक्खिगं अप्पणा वेयडढं गओ केणावि कज्जवसेण। दिमेत्ते य तह महनिसायरे उल्लसियं महमणं मयरहरेण। अकयकालखेवं कुणसु मे पाणिग्गहणं'। इयराहिं भणियं-"अम्हाण वि कुमारो चेव गई। तओ संखेवेण परिणीयाओ पंचवि कुमारण।
. एयावसरे समागओ रइहरो । तेयसारो वि गहियखग्गो निग्गओ रंभाहराओ । पुच्छिया विज्जाहरेण नियभइणी-"विज्जसेणे! को एस पुरिसो?" तीए भणियं-"अज्जउत्तो।" इमं सोण कोवाणललोहियलोयणो भणइ
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |