Page Text
________________
२०८
मणोरमा-कहा
कुमरेण वि परिवत्तिऊण पहओ पिट्टिपएसे मुट्रिप्पहारेण । मुच्छाविहलंघलो निवडिओ धरणीयले । करे काऊण करवालं सित्तो सलिलेण। पविजिओ वत्थंचलेण। लद्धचेयणो भणिओ कूमारेण--"भयवं! न खेओ कायव्वो। मरिसियन्वं बालजण-दुन्विणय-विलसियं।" जोगिणा भणियं---"वच्छ ! विवेइ-जनिदियायारमायरंतो अहमेव बालो न तुमं, जओ अगणिय-परलोएण इहलोय-सुहसाहणत्थं पारद्धो मए इत्थिवहो। संपइ उवसंतमाणसो जोगसूद्धि [करिस्सामि] बालो वि तुमं धम्मोवएसदाणओ गुरू चेव। ता गिण्हसु एवं अणेगहादिट्ठ-पच्चयं परबल-सम्मोह-जणणीं विज्ज । इमं च अणेगरूवकरणपयडमाहप्पं महामंतं जेणाहं निव्वुयहियओ वच्चामि। परं अहोरत्तं जावो दायब्वो। पच्छा कज्जसिद्धी। कहकह वि पडिवण्णं कुमारेण। दाऊण जोगिओ गओ। समासासिया कण्णया। कुमारेण पुण पुच्छिया य-"सुंदरि! का तुमं? कस्स धूया? कहं च एरिसं अवत्थंतरं पाविया ? कि निमित्तं वा तेयसारनामगहणं कयं ?" तीए भणियं--"कोसयारविसय-सामिणो कणयकेउराइणो कणयमईए देवीए दुहिया विजयसिरी नामा हं। ससहरकर-निम्मले-कुट्टिमतले कंदुएण कीलंती नहयलाओ अवयरिऊण इमिणा जोगिएण एत्थाणीया। विज्जासाहणत्थं च मारिउमारद्धा। तेयसारो पुण अइसयनाणिणा चारणसमणेण मह वरो समाइट्ठो। तेण सो मरण-समए सुमरिओ।" कुमरेण भणियं--"अहं चेव सो तेयसारो। एहि, सटाणं पावेमि' त्ति भणिऊण तीए सह संचलिओ कुमारो। खणंतरेण भणियं कण्णयाए--"सुह्य ! अच्चंत-पिवासिया। परिसुस्सइ तालुयं। खलइ भारई।” कुमारेण वि समासासिऊण नीया थेवंतरं।
तओ महाभोग-परिस्सरं, अणवरयं विहय-तरंग-संताणेण पउर-सीयरासार-सित्त-दिसामंडलेणं सीयल-फासेण समीरणेण दूरओ व सूइज्जमाणसिहर-देस-निसण्ण-मत्त-सारसाइविहगंमाए बहुविहपत्तल-वणराइरेहिराए, तरुणकुंतली-कुंतल-कयाकलाए, तिमिरमालाए ब्व रसायलाओ विणिग्गयाए, अब्भंलिहाए पालीए समंतओ कयपरिक्खेवं पयपूर-पूरियं आलमिव कारावयकित्तीवल्लीए, कंतिसलिल-भर-भरियंतरालं नाभिमंडलमिव धरणि-रमणीए, विलासरुप्पमय-दप्पणं व मुहयंद-निरूवणकए कयं पयावइणा दिसावणं, पडिबिंब व नहंगणस्स, रसायल-पवेस-वत्तणिव्व सुरसरियासलिलस्स, राहु-गसण-भएण चंदचंदिमापडलमिव रसायले वि गिलियं गरुय-वित्थार-विणिज्जिएण पडिमामिसेण सविहमागएण, सयलगह-चक्क-संपरिवुडेण सेविज्जमाणमिव नहयलेण, अहिणवुन्भेयपाडलेहिं तीरतरुपल्लवेहि, पिसियखंडिहिं च विलोभिज्जमाणसुद्धमीणगणं, पवण-तरलिय-तरंग-संग-भंगुरेहिं सलिल-पडिबिबेहि, महाभयंगमेहिं व भयंकरं पूइफल-पायवेहि, उत्ताण-नलिणी-पलास-पल्लंकोवरिनिसण्ण-हंसेहि, अमंद-महु-बिंदु-निस्संद-पिंजरियसलिलेहि पवरपरिमलामंतियाहिं, सहर-समागच्छंतीहि, महुयरमालाहिं महरिएहिं, उनिह-हेमारविदेहि विराइयं, नियवित्थार दंसणाहिं य विम्हइ मुक्कट्टहासमिव पंडुरफलेण पिंडेहि, कयकरफालणं व सिलायल-संघडिय-कल्लोल-निवहेहिं, विहिय-कडक्ख-विक्खेवं व विवत्तणुत्ताणकुससमूहेहि, पणच्चमाणं व पवणपकंपिर-कमलकरपल्लवेहि, पसत्थगंभीरविसालयापमुह-नियगुणेहि न केवलं बुहाणं पि माणसं वसीकुवाणंदकारणं सयललोय-लोयणाणं फलिह-निम्मल-जलं जलहिकल्लोल नामसरोवरं दिळ । दसणाणंतरमेव संजायविम्हएण चितियं कूमारेण--"अहो ! निस्सारो वि सारो
रो, वसणं पि ऊसवो, कयत्थं लोयण-जुयलं, जेण मए निम्मल-जल-पब्भार-भरियसरमेयं सच्चवियं ।" एवं विचितिऊण संजाय-विबुहाणं मज्जणाहिलासो जलयर-विहग-कोलाहलेण हक्कारिज्जमाणो व्व, विहियसागयालावो व्व, पविट्ठो सलिलब्भंतरं । काऊण तीए सह मज्जणं पाऊण पाणियं पयट्टो तीराभिमुहं । कया पाणवित्ती केलि-फलाईहिं। अद्धखेय-खेड्य-सरीरा माहवीलया-मंडवभतरे सुत्ता सा। तेयसारो वि सावय-भएण करकय-खग्गो दियंतदिण्ण-दिट्ठी जाव चिट्ट, ताव दविखण-दिसाभाए एला-लवंग-नालिकेर-कयलि-दाडिमि-दंतुरिय-भूपएसं दिट एगमुज्जाणं । तस्स बहुमज्झदेसभाए पारियाय-तरुतल-कयावत्थाणा विमलकतिजलतरंगेसु सव्वंगभागेसु समकाल-संकंत-समासण्णपुप्फ-फल-बल्लिपल्लवेहि लय व्व लविखज्जमाणी अहिणवारूढनवजोव्वणा अइनिगूढतलिणतारतंबेहि सकामेहिं पायलग्गेहिं गहेहि विसम सरसरसलागे]हि व अंगुलीहि, कुमुन्नएणं चलएणं चलण-जुवलएणं, वरकरिसुंडा-डंड-सन्निहेणं जंघा-जुवलएणं, रंभाथंभ-विब्भमेणं उरुदंडेणं, मयण-महारायहाणिभूएणं वित्थिण्णणं नियंब-बिबेणं, अविरल-विभाविज्जमाणकुरु-विदेद-नील-मरगय-मणिप्पभाए, समंतओ वलइयविसालसाण-पुलिणाए रसणाए अगाहनाहीविवरवारियाए,
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |