Page Text
________________
सम्मत्त-लंभो णाम बीओ अवसरो तत्थ य तेयसारनिवकहा
२०७
भयभीएण भणियं रक्खसेण--"सिद्धो तवाहं । मुयसु मे मगं भणसु जमहं करेमि ।" चट्टेण भणियं--"सुमरिएणागंतव्वं । संपयं पुण साणं नेसु खडपूलय-सहिओ।" संपाविओ पदणं । पडिनियत्तो रक्खसो। पुच्छिओ उवज्झाएण सेम चट्टेहि य--"कहिं तुम वुत्थो रयणीए ?" तेण भणियं--"सम्मूट-दिसायक्को अडवीए।" 'न सोहणं कयं तुब्भेहिं जमेयस्स तत्ती न कय' त्ति अंबाडिया चद्रा उवज्झाएण । संभासिओ कोमल-वयणेहिं तेयसारो । कयभोयणो किपि पढिऊण पुणो वि च हिं समं गओ खडपूलगस्स। गहिऊण खड-पूलए समागया चद्रा। कओ उवज्झायघर-परोहडे खड-गंजो । तेयसारेण पूच्छिओ पारासरो नाम छत्तो--"वयंस ! अज्झावयघरे न गवाइचउम्पयं किपि दीसह । को खायइ इम खडं ?" तेण भणियं--"न वयं जाणिमोभवं ब परघरे अच्छावियम्ह" तया तेण चितियं--नायव्वो मए एस वइयरो। समागया रयणी सह-निहा पसूत्तेसू सव्वचट्रेस उट्रिओ तेयसारो । परोहडे गंतण ठिओ पच्छण्णो । एत्थंतरे मंतकप्पो त्ति काऊण समागया अज्झावय-घरिणी तं पएसं । काऊण एक्कियं तदुवरि लोद्रिया । जाया वेसरी। चिण्णं सव्वं खडं । पुणो वि काइयं वोसिरिऊण तहेव लोटिया। जाया सरूवावत्था । गया सट्टाणं । तेयसारो वि विण्णायवइयरो गंतूण सुत्तो। पभाए कहियं पहाणछत्ताण । न तेहिं सहहियं । बीय रयणीए तेसि पि जणिओ पच्चओ। भयभीएहि भणिओ तेहि-"वयंस ! रक्खसी एसा पावा। जइ कह वि खडपूलया न भविस्संति तो अम्हाण वि एसा गई । तुम चैव उवायकुसलो। भणसु कह इमाओ संकडाओ पलाइज्जइ?" तेयसारेण भणियं-पच्चासण्णा चउद्दसी। तीए सव्वाणि नियकज्जाणि अज्झावय-कज्जाणि य किज्जति । पूण्णिमाए पभाए चेव विण्णविज्जइ उवज्झाओ-"अम्हेहि अज्ज जहिच्छाए कीलियब्बं । दिणावसाणे खड-पूलए गहायागमिस्सामो। पच्छा तेणाणण्णाया कीलाच्छलेण नीहरिऊण पलाइस्सामो।" पडिवण्णमणेहिं । तहेव कयं । पलाणा पुण्णिमाए । नागया दोहि वि पहरेहि । पुच्छिओ अज्झावओ घरिणीए"किण्णागया अज्ज खंडिया ?" तेण भणियं--"कीलंता चिटठंति।” तइय पहरे वि नागया। तओ संजायसंकाए धरिया धारणा। तीए दिट्रा पलायंता। घडं गहिऊण जलमिसेण विनिग्गया घराओ। तहेव काऊण वेसरिरूवं ताणं पच्छओ पहाविया। तेवि वहिऊण छ जोयणाई पत्ता वियडवडं नाम सरियं । जलमोगाहयंताण ताण पडिया दिट्ठीगोयरे सा वेसरी । संखुद्धा चित्तेण खंडिया। भयसंभंतेहिं भणिओ तेयसारो--"वयंस! संपयं कहिं वच्चामो।" तेण भणियं---थिरा भवह सज्जियमट्रिप्पहारो चलिओ तयभिमहो । पहया महपएसे वेसरी । मच्छा विहलंघला निवडिया धरणिविठे। लद्ध-चेयणा पुणो वि ढुक्का कुमारस्स। सो वि दक्खत्तणओ समारूढो पिट्ठीए । लद्धावसरा उप्पइया सा नहंगणे।
तओ चितियं कुमारेण--जम्मंतर-विराहिया एसा वराई संभाविज्जड। जओ-- न निक्कारणा सत्तू हवइ परमविवेइणो पुरिसा । परस्स रूसंति न य अप्पणो दुकयकम्मस्स ता नत्थि दोसो।।
इमाए ता अविसाइणा होऊण संपइं सहियव्वं । एवं चितेमाणो अविभावियवसुहाजलहिजलविसेसो धूमधयारियं व अपरि[फुडं सरिया]सरपव्वयाइयं पेच्छंतो अचलियसत्तो नीओ गयणंगणे। दूरं मुक्को अच्छोडिऊण गयणाओ। गया वेसरी सट्टाणं । कुमारो वि निवडिओ अगाह-गोयावरी-दहमज्झे । अइवेगविडणाओ गओ रसातलं । पच्छा उच्छलिओ। भूयाहि तरिऊण तीरं पत्तो। कंदाईहिं कयपाण-वित्ती चलिओ पुव्वाभिमुहं । गओ थेवंतरं ताव निसुओ एगाए कण्णगाए एवंविहो कलुणसद्दोहा ! तेयसार ! सारय ससहर सम कित्ति-धवलिय-दियंत । सवर्णेहि सुओ न पुणो सच्चवियो सुहय नयणेहि ।। संपइ सुण्णारणे भयतरलच्छीपकंपिर-सरीरा। मारिज्जामि अहण्णा इमिणा पासंडि-पावेण ।।३५५।।
नियनामसवण-विम्हियमाणसो गओ तमुद्देसं तेयसारो। दिट्ठा कराल-कवालाभिहाणेण जोगिणा केसेसु कड्ढिज्जमाणी सा कण्णगा। संजायकारुण्णेण जंपियं कुमारेण--"महाभाग ! न जुत्तमेयं तुम्हारिसाण ।" तव्वयण-सवणसंघक्किय-कोवानलेण गहिऊण मंडलाओ मंडलग्गं पयंपियं जोगिणा--"अरे! को तुम मम उवएसदाणे । अवसर दिट्रिमहाओ। अहवा तुम चेव पढ़मं मम कराल-करवाल-धारासलिले मज्जसु" त्ति जंपतो कुमरं पइ पहाविओ जोगिओ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |