Page Text
________________
२०६
मणोरमा-कहा
मज्झावएण--"जइ एवं तो एत्थेव रायभोयणेण पंच-छत्त-सयाणि पढंति । तुम पि एत्थेव पढस।" पडिवण्णमणेण । अज्झावेइ तमायरेण उवज्झाओ।
अण्णम्मि दिणे पुच्छिओ तेयसारेण उवज्झाओ---“केरिसो पुरिसो तत्तं मुणइ ? केरिसो वा न मुणइ ?" उवज्झाएण भणियं-- किचि मत्तग्गाही पल्लवग्गाही य तुरीयगाही य । अविणिच्छिओ य कत्थवि हिडइ दप्पेण फुटुंतो ।।३४९।। नाऊण किंचि अण्णस्स जाणियव्वे न देइ ओयासं । न य निज्जिओ वि लज्जइ इच्छइ य जयं गलरवेण ॥३५०।। मूढो निविण्णाणो न य पुच्छइ परिभवस्स दोसेण । जो एवंविहपुरिसो सो वच्छ ! न याणई तत्तं ।।३५१।। गुणदोसविसेसण्णू मय-माण-विवज्जिओ विणयजुत्तो। अत्थी गुरुबहुमाणी गुणतत्तिल्लो अकोहिल्लो ।। खीरमित रायहंसो दोसे मोत्तूण जो गुणे लेड। अणवरयं पुच्छंतो तत्तविऊ जायए पुरिसो।।३५३।।
तप्पभिई सो तहेव काउमारझो। चहि पूण पइदिणं एक्को खडपूलओ समायब्वो। जो न आणेइ तस्स न दिज्जइ भोयणं । इमाओ उवज्झायकरो। अण्णम्मि दिणे परिगलिय-वासरे पेसिया सब्वे वि खंडिया तिण-पूलय-निमित्तं । लद्वलक्खा इयरे गहाय नियपूलयं समागया । इओ तओ भमंतो अडविमझे भुल्लो तेयसारो । अत्थमिओ दिणयरो। लुलियाओ दिसाओ। कह कह वि गहियपूलओ पडिनियत्तो नयराभिमहं। दिट्टो सत्तरत्तरखुहिय-रक्खसेण--'अहो भक्खं मे उवट्टियं' ति भणिऊण गहिओ तेयसारो। चलिओ सट्राणाभिमहं। तेयसारेण भणियं-"अहो ! निसासंचरण-दुल्ललिय! जइ सच्चमेव खहाइओ तुम तो एत्थेव नियसमीहियं साहेसु कि परिस्समेण?" तेण भणियं--"सटाणं गंतूण नियकिरियाकलावं काऊण मए भोत्तव्वं । उवविससू जेण ते खंधमारुहामि।" तहेव कयं। चलिओ कंताराभिमुहं। अईवकोमलं रक्खसस्स चलणतलं। हत्थ फासेण नाऊण पूच्छियं तेयसारेण--"कहं ते नवनीयकोमलं पायतलं?" तेण भणियं--"कि तुह इमाए चिताए?" छत्तेण भणियं--“अवस्स कहेयव्वं ।" रक्खसेण भणियं--"जइते निब्बंधो तो सुणेहि। एगचरणं पक्खालिऊण आगासगयं तात्र धरेमि जाव जलं तत्थेव झरइ । पच्छा महीए मुयामि । वीयस्स वि एसो वि कमो। कि बहुण। पाणपरिच्चाए विभ एयं अण्णहा करेमि । तेण कोमलाणि पायतलाणि। तओ पहे गच्छंताण समावडियं सलिल छिण्णतलं महासरमेगं। छत्तण भणियं--"संपयं कहं गंतव्वं?" रक्खसेण भणियं- “मज्झेण चेव उइण्णो छत्तो उवरि ठिओ कहेइ रक्खसो पुरओ खड्डाइओ बच्चसु एत्थ खणंतरं परिहरसु। इत्तो कटंगाइण्णं विवज्जेसु।" एवं रक्खसवयणेण लंघियं सुहेण सरं। तओ पुच्छिओ छत्तेण रक्खसो--"कहं तुमं जलमज्झे कंटगाईणि पेच्छसि ?" तेण भणियं-"कि तुह इमाए चिंताए ?" तेण भणियं-“केण विणोएण मग्गो लंघिज्जइ?" रक्खसेण भणियं"सुणेहि । जइ सव्वस्सावहारो हवइ तो वि न सूराभिमुहं वच्चामि । तेण निम्मला मे दिट्ठी। जलमज्झे वि कंटयाई पेच्छामि।" एवं पुच्छपडिवयणविणोएण पत्ता वडपायवमेगं । उत्तिण्णो तत्थ रक्खसो । एयं मे ठाणं । सुदिट्ट करेसु संपइ जीवलोयं" ति भणिऊण नियचलणे पक्खालि उमारद्धो। पक्खालिऊण आगासे धरिओ एगो पाओ। एत्यंतरे उग्गओ सूरिओ। चितियं चट्टेण--'जाव एयस्स परिवाडीए दोसु वि चरणेसु सलिलं सुक्किस्सइ ताव महई वेला भविस्सइ । न य एसो सूराभिमुहं गच्छिस्सइ अओ सूराभिमुहं पलायणं गुणकर'ति, चितिऊण पलाणो चट्टो। रक्खसो निव्वाणेसु पाएसु सूरदसणं परिहरंतो पच्छाहुत्तं पाएहि तस्स पच्छओ पहाविओ। थेववेलाए सुन्न-नगर-समासण्णीभूयस्स दसणागोयरं गओ चट्टस्स रक्खओ। भयभीओ पविट्ठो तम्मि चेव नगरे छत्तो। रायपहासण्ण-मढमज्झे पविसिऊण ठिओ। पयाणुसारेण पत्तो तहि चेव रक्खसो। भणिओ तेण छत्तो--"संपयं कहं वच्चेसि ।" 'जं ते रोयइ तं करेसु' रक्खसेण भणियं--"जड एवं तो निहरसु जेण भक्खेमि।" तेण भणियं--"जइ पओयणं तो एत्थेवागंतूण पओयण करेसु।" रक्खसेण भणियं-"नाहमागच्छामि।" छत्तेण भणियं---"कि कारणं?" रक्खसेण भणियं-"जा एसा दुवारदेसे करोडी दीसइ सा रक्खसारिणो मंतगुत्ताभिहाणस्स जोगियस्स जीए भया नाहमेत्थ पविसि पि सक्के मि।" 'एसा मह जीवियं कारणं' ति कलिऊण गहिया चट्टेण। निग्गओ मढाओ। पलाणो रक्खसो। लग्गो छत्तो तयणुसारेण
___Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |