Page Text
________________
२०४
मणोरमा-कहा
कणयमंजरी। पच्चभिण्णाया य तेण। रण्णा भणियं-"कि हवइ सा न वा?" तेण भणियं-"अत्थि ताव बह साहम्म भूविक्खेवेणाणुण्णाया समाणी राइणा पडिया पिउ-चलणेसु । समाहूया तत्थेव जयमंगला विम्हिय-माणसो भणिओ तीए रयणसेहरो-“सामि! संपयं एत्तियं चेव वियाणसु जह सा मज्झ दुहिया सेसं सट्टाणगयस्स साहिस्सामि देवस्स ।" तओ तंबोलाइणा कयसम्माणो उट्रिओ रयणसेहगे। गओ नियमंदिरं । सुहासणगयस्स साहिओ सव्वो वि वइयरो [जयमंगलाए । सद्दाविया रयणमंजरी पुच्छिया य--"पिए ! तुम पि एयस्स नाडयस्स मज्झवत्तिणी?" ईसि हसिऊण मोणमासिया रयणमंजरी । रण्णा चितियं--अव्वो मिलिया इमाण माणसं । अलं बहुवियारेण ? संपयं वद्धावणयपुरस्सरं कल्लाण-पओयणाणि कीरंति ।" तहेव कयं महाविभूईए पवेसिओ नियघरे राया। कयाणि सयल-कल्लाणाणि । समप्पिया सहत्थेण कणयमंजरी । उवायणीकयं मणि-रयण-करि-तुरगाइयं । पसत्थवासरे बहुविज्जाहर-परिवारिओ [गओविज्जुसेहरो] सनगरं अहिट्रियं सूरसेणमहारायपयं । पणया सव्वे वि विज्जाहरनरिंदा । वट्रिओ पसाओ । मेहरहसंदराणं तिय दंसणामएण समाणंदियाणि जणणि-जणयाणि । विणिययपयावो जाओ विज्जाहर-चक्कवट्टी । चितानंतरसंपज्जतसयलसमीहिओ कणयमंजरीपमुहंतेउरेण सद्धि विसयसुहमणुहवंतो कालं गमेइ । संजाया जोगपुत्ता। पत्तो परमपसिद्धि।
अण्णम्मि दिणे धम्मियजण-संकहाए चिट्ठमाणो विण्णत्तो लयासुंदउजाणसमागएण पियंकराभिहाणपुरिसेण-- "देव ! समागओ लयासुंदरज्जाणे अण्णाण-तिमिर-दिणयरो, भविय-कुमुय-पडिबोहण-ससी, नियवयणामय-निव्ववियदहानल-वियडढजणमाणसो, चउनाणवियाणियपयत्थ-वित्थरो सुघोसो नाम मुणिवरो।" एयं सुणिय संजाय-सद्धो गओ वंदणत्थं राया। वंदिओ भावसारं। निसण्णो उचियासणे कया साहणा संसार-निव्वेयणी धम्मदेसणा । छिण्णा जणाण बहवे संसया। अवसरं लहिऊण पुच्छ्यिं राइणा--"भयवं! कि मए पूव्वभवे सुहमणचिण्णं जस्सेरिसो महो परिणामो? केण वा कज्जेण कणयमंजरि पइ समहिओ सिणेहो ?" साणा भणियं--"महाराय ! अणंतरभवे सोमिलो नाम तुम माहण-सुओ अहेसि । बालस्सेवोवरयाणि जणणि-जणयाणि । माउलेण संवढिओ तस्स घरे कम्मं काउमाढत्तो। अण्णम्मि दिणे जिणबिब-पुरओ भावसारं धूवो तए उग्गाहियो । तज्जणियपुण्ण-परिणामो एस ते वियंभिओ। कणयमंजरी वि आहीरि-दहिया अहेसि । पओयणवसेण पटणागयाए कोऊहलवसेण जिणभवण-पविट्ठाए दिट्ठो तुम धुवं दहंतो--'अहो धण्णो एस, सहलमेयस्स जीवियं जो एवं पसंतमुत्तिणो देवयाविसेसस्स पुरओ धूवं दहे।।' एवं पुणो पुणो अणुमोयमाणीए तुमं पइ संजायपक्खवायाए भोगसारं बद्धं मनु[य]आउयं । आउयक्खएण मरिऊण समुप्पण्णा रयणसेहरहिया। दसणमेत्तेण जाओ तुम पह सिणेहो। अच्चंत-वल्लहो तुममिमीए तुज्झ वि एसा।" एवं सुणिय संजायजाइसरणो संसार-विरत्तमाणसो, अहिसिंचिऊण रज्जे कणयमंजरिसुयं विज्जुमालि, काऊण जिणाययणेसु अट्टाहिया महिम, विहिऊण साहु-साहम्मियाण पूर्य, दाऊणदीणाणाहाण दाणं, मोयावेऊण कारागारगए दुहिय-जंतुणो पुरिस-सहस्ससमक्खित्त-सिबियासमारूढो, जणितो नरगणाण विम्हयं, पभावितो पवयणं पत्तो सुघोसमणिवरसमीवे राया सम कणयमंजरीए। दिक्खियाणि दो वि आगमविहाणेण । समप्पिया संजईण कणयमंजरी। परिपालिऊण निरइयारं सामण्णं समुप्पण्णो सव्वठे विज्जुसेहरमुणिवरो । तओ चुओ सिज्झिस्सइ महाविदेहे वासे। आहरणपुरस्सरं भणियं जिबिबधूयपूयाफलं । भणिओ पियंकरसूरिणा समुद्ददत्तो-- जिणपडिमाणं पुरओ भावेण समुद्धओ पवरधूवो। इह परभवे य जायइ कल्लाणपरंपरा हेऊ ।।३४१।।
इयाणी दीवयपूयाफलं भण्णइ-- .
अत्थि इहेब जंबुद्दीवे दीवे एरवयवासे मज्झिमखंडे अणेग-जण-जणिय-कोलाहल-भरियभुवणोदरं, अदिट्ठपरचक्कविभमं वीयसोगं नामनयरं। तत्थ य अणेगसमरसंघद्र-निहय-दरियारि-संदरीविमुक्क-नयण-सलिल-संसित्त-धरावलओ सूरो व्व नियपयावसमक्कंत-महिमंडलो महिंदसारो नाम राया। तस्स य निय-नयणसोहा-विणिज्जिय-कमला कमला नाम महादेवी। बिसय-सुहमणुहवंताण वच्चंति दियहा।।
अण्णम्मि दिणे दिट्ठो कमलाए पवढमाणतेपसिहो रयणीए रयणरासी सुविणयम्मि वयणेण उदरम्मि पविसमाणो । सुह-विबुढ़ाए साहियं दइयस्स । तेण मि समासासिया पहाण-पूत्त-जम्मेण पसण्ण-माणसा कालं गमेइ। उचिय
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |