Page Text
________________
समत्तलभो णाम बीओ अवसरो तत्थ य विज्जुसेहरकहा
२०३
एक्कोच्चिय मह पुत्तो हयास रे दिव्व कह तए हरिओ। निस्संताणो संपइ संपुण्णो पुण्णरहिओ हं ।।३२८।। हा हा हयास ! निग्घिणकयंत ! किं तेन संठियं चित्ते । जह एगसुओ एसो तविरहे कहणु जीविहिही ॥३२९।। जइ अवहरणे बुद्धी पढम चिय कीस एस मह दिण्णो । दाऊण जं हरिज्जइ जणेइ तं दारुणं दुक्खं ॥३३०॥ धण्णाण धरावलए सुयसामग्गी अनिदिया होइ । सुयविरहियाण जम्मो अहम्मकम्माण वोलेइ ।।३३१॥ मयकिच्चाणि करिस्ससि मज्झ तुमं पुत्त ! परभवगयस्स । हयविहिवसेण एवं विवरीयं संपयं जायं ।।३३२।।
एमाइ विलवमाणो पुणो पुणो सूरसेणनरनाहो सामंतामच्च-पुरोहिएहिं कहवि संठविओ। तओ सयलजणपरिवारिओ काऊण मय-किच्चाणि सोगभर-भरिय-माणसो समागओ घरं । राइणो सोगावहरणनिमित्तं जिणसासणकसलेण भणियं मइसागरमंतिणा-महाराय ! सो नत्थि तिहुयणे वि हु सुरो व्व असुरो व्व चक्कवट्टी वा । जो जगडिओ न धणियं जम्मण-मरणेहि पाहि।३३३। संसारम्मि अणंते परिब्भमंताण कम्मवसगाण । सत्तू वि सुओ जाओ सुओ वि सत्तुत्तणं पत्तो ॥३३४॥ भवजलहिमज्झवडिया जीवा गुरुकम्मलाह]रीहीरता । संघडण-विहडणाओ पावेंति परोप्परं बहुसो३३५।। इट्ठविओगो अबुहाण माणसे कुणइ दारुणं दुक्खं । सो च्चिय बुहाण निव्वेयकारणा कुणइ कल्लाणं ।।।।३३६।। किं चकि संपत्थियाण परलोगमेगसत्थेण पंथियाणं व । जइ कोइ पुरो गच्छइ का किल परिदेवणा तत्थ ।।३३७।।
सव्वे वि मरणधम्मा संसारी तेण कासि किमु सोगं । जं अप्पणो वि होही मरणं किं तत्थ सोगेण ।।३३८।। * पज्जत्तं पहु परिदेवीएण दुक्खावहेण अहलेण । जिणधम्मसेवणेणं अप्पहियं कुणह किं बहुणा ।।३३९।।
- एमाइ धम्मोवएसं दितस्स मंतिणो ममागओ तइय वासरो । तओ कयमयकिच्चो वाराइक्कंतकयभोयणो सुयमरण-समुन्भूय-सोयवस-बाहल्ल-लोयणे गमिऊण वासरं रयणीए वि अलद्ध-निद्दो विसूइया दोसेण सूरसेणराया वि उवरओ। पच्छण्णमेव सक्कारियं कडेवरं । पहाणमंति-सामंता मंतिउमारद्धा-"रायसंताणे नत्थि कोइ रज्जारिहो अकालखमं च इमं पओयणं । अओ भणह जमेत्थ कायव्वं ।" मइसागरमंतिणा भणियं--"पंचदिव्व-पडिवण्णो राया कीरउ एसा मह मइ।" सेसेहिं वि तमेव पडिवण्णं । अहिवासियाणि पंचदिव्याणि। परिभमियाणि इओ तओ नयरमज्झे। न दिट्ठो कोइ रज्जारिहो पुरिसो। तओ नयराओ नीहरिऊण गयाणि तमुज्जाणं दिट्ठो तत्थ सहयार[तले] नुवण्णो मेहरह-कणयमंजरीहिं सेवियसव्वेयरभुयादंडो विज्जुसेहरकुमारो । पडिवण्णो दिव्वेहिं । अहिसित्तो उत्तरसेणिविज्जाहरचक्कवट्टीपए । पणया मंति-सामंताइणो । उज्झियस्व-विवज्जया जाया कणयमंजरी । संदरो वि सरूवमावण्णो समागओ विज्जुसेहर-समीवं। साणंदमवग्गहिऊण निवेसिओ अद्धासणे विज्जुसेहर-महाराइणो। पसाईकयं नियअंगविलग्गं वत्थाहरणाइयं । मेहरहेण भणियंको कुणइ तुज्झ मुल्ल मित्तत्थे जेण संकडे अप्पा । पक्खित्तो सहसच्चिय तिणं व जीयं गणतेण ।। विहिवस 'विहडिय अइगरुयकज्ज ‘संघडणबद्धलखेहि [ ] ॥३४०।।
इओ य नियमंदिरे कणयमंजरि अपेच्छंतो संखद्धो रयणसेहरो। निरूविया इओ तओ न लद्धा कत्थ वि पउत्ती।
हणत्थं गओ विज्जुसेहर-राय-समीवं । विण्णत्तो राया-“देव ! कणयमंजरी मह दुहिया खणमेत्तसूरतेय घरिणिलद्धसद्दा देवरज्जाहिसेय-समयसमाउले राउले सव्वम्मि पुरवरे न नज्जइ केण वि अवहरिया। ईसि हसिऊण जंपियं सुंदरेण-"अलं' तीए पतिमारिगाए अवलक्खणाए ।" तव्वयणदूमिओ मणागमहोमहो ठिओ रयणसेहरो । रण्णा भणियं-"दिठं पच्चभिजाणसि. नियधयं?" तेण भणियं-"कि निययावच्चाणि वि. नाभिजाणिज्जति ?" दंसिया"
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |