Page Text
________________
मणोरमा-कहा
संघडइ विहडियाणि विघडियाणि विहाडए लहुं चेव । चितिउंपि न सक्कइ जं पुरिसो तं विही कुणइ ।।३२०।। सुहिरं पि कुणइ दुहियं, दुहियं सुहियं खणेण दंसेइ । जं सक्कइ कुणइ तयं सच्छंदं विलसियं विहिणो॥३२१।।
जयमंगलाए भणियं-"किं कायव्वं । पभाए परिणयणवासरो इमाए बालाए?” विज्जुसेहरेण भणियं-'जं गुरुणो भणंति तं कायव्वं कुलकण्णगाए।" तं सुणिय बाहविल-लोयणा जाया कणगमंजरी । जयमंगलाए भणियं-"अलमिमाए संकहाए। नएसा इमं पाणच्चाए वि वरिस्सइ, अण्णं किंपि उवायंतरं चितेहि।" सुंदरेण भणियं-"अत्थि एगो उवाओ।" जयमंगलाए भणियं-"केरिसो?" भणियमणेण-काऊण कणयमंजरीए रूवं गहिऊण इमीए नेवत्थं परिणावेमि अहमत्ताणयं सुरतेएण । पच्छा लहिऊण अवसरं पलाइस्सं । कूमारो पूण संपयमेव गंधव्व-विवाहेण विवाहे उ कणयमंजरी ।" जयमंगलाए भणियं-"अहो मह हिययणेव मंतियं संदरेण । इमम्मि काले इमं चेव संगयं।" सव्वसम्मएण परिणिया तत्थेव विज्जुसेहरेण कणयमंजरी । कणयमंजरीवेसं गहिऊण जयमंगलाए सद्धि गओ रयणसेहरमंदिरं संदरो। विज्जुसेहरो वि नलिणीदल-रइय-सत्थरे समं कणयमंजरीए गमिऊण रयणिजाम-दुर्ग उढिओ चितिउमारद्धो--- विरहे विसं व विसमा अमयसमा होति संगमे अहियं । किं विहिणा समयं चिय दोहिं पि पिया विणिम्मविया ।। विसमो सत्तू थेवं च अंतरं कत्थ संपइ वयामो। एसा वि हु मुद्धमुही वसणसमुद्दम्मि पक्खित्ता ।।३२३।।
जावेव चिताउरो चिट्ठइ ताव जयमंगला समीवाओ मुणियवुत्तत्तो समागओ तं पएस मेहरहो । लज्जोण्णयमुहेण जंपियं विज्जुसेहरेण-"वयंस ! खमियव्वं जं अणापुच्छिय भवंतं साहसमेयमणुचिट्ठियं ।" मेहरहेण भणियं"न सोहणमेयं नाय-पडिवालणपरा चे[व]सप्पुरिसा भवंति न विलोवगा। नइपूरसच्छहे जोव्वणम्मि दियहेसु निच्चपहिएसु । अनियत्तासु य राईसु मित्त न ह संगयं एयं ॥३२४।।
जओ भणियं
सव्वावत्थसुहंकरु, सच्चं गेयरसु । सच्चू मणसम्मोहणु, तरुणीयणु सरसु ।। परि भंगुरिन निहालिवि हिराणाह । कासु न मणु मउलिज्जइ, मित्तसयाणाह ॥३२५॥"
विज्जुसेहरेण भणियं-- ताव सयाणो पुरिसो उवएसो ताव वियरइ परस्स । जावज्जवि न पियमाणुसस्स दिट्ठी पहे पडइ ।।३२६ ।। किं वा बहु भणिएणं पत्तं जं पत्थियं मए मित्त । जाओ अहं कयत्थो संपइ जं होइ तं होउ ।।३२७।।
मेहरहेण भणियं--"वयंस ! करेउ कणयमंजरीसुंदररूवं, जेणेह ठिया चेव पेक्खामो ताव विवाह-महसवं । चिंतेमो य किंपि उवायं जेण सुंदरो वि नित्थरइ इमाओ वसणसमुद्दाओ ।" तहेव कयं । पभाया रयणी । गया निकेयणं । वित्तो महया विच्छड्डेण रायउल-विवाहो । संपूइओ वत्थाहरणाईहिं रयणसेहरेण सूरतेयपरियणो । दाणसम्माणपरायणाण महया हल्ल-फलएण वोलीणो वासरो। समागया रयणी ।पारद्धं पेक्खणयं । ठिओ पढमपह विणोएण सूरतेओ।
, एत्थंतरे भणिया जयमंगला कवडेण कणयमंजरीए-हले ! असत्थं मे सरीरयं, गाटा सिरो वेयणा फूटइ व्य मे लोयणजुयलं, सल्ल-समुग्घाय-सल्लियाणि न वहंति मे अंगाणि ।" तीए वि गंतूण साहियं जणणी-जणयाण । तेहिं वि संखुद्ध-चित्तेहिं पारद्धा तप्पडियारो । सूरतेओ वि रयणसेहरो व दंसियवासभवण-पल्लंके नुवण्णो । समागया निद्दा । सिर-निबद्ध-सरस-सुयंधकुसुममाला-परिमलागएण डक्को कंधरा-पएसे भुयंगमेण । सोंडीरयाए. न साहियं कस्सवि । तहेव पसुत्तो चेव मुक्को पाणेहि । पभाया रयणी । उग्धाडियं वास[भुवण]दुवारं । दिठ्ठो तयवत्थो सूरतेयकुमारो। वित्थरिओ हाहारओ । समाउलीहओ सूरतेयपरियणो । ससोगो जाओ रयणसेहरो । साहियसरूवो सूरसेणराया वि तत्थेवागओ सुयमरण-दंसण-संजायानल-इज्झंत-माणसो विलविउमारखो।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |