Page Text
________________
सम्मत्त-लंभो णाम बीओ अवसरो तत्थ य विज्जुसेहरकहा
२०१
जं किंपि मए चिण्णं पुण्णं सीलं च पालियं सुद्धं । जइ मग्गियं पि लब्भइ ता मह होज्जण्णजम्मेवि ।।३१२।। इमिणा सह संजोगो हिययट्ठियवल्लहेण सुहएण । एयम्मि अवसरम्मि एस च्चिय पत्थणा मज्झ ।।३१३।।
एवं भणिऊण मुक्को तीए अप्पा। भारभर-भज्जिरा नामिया वंजुल-साहा। चउरंगुलेण महीमपत्ता सुरसुंदरि व्व सा अवरुद्धा जाव चिट्टइ तावागया "वच्छे ! कणयमंजरी, कत्थ गया ? कत्थ दवा?" इच्चाइविलवमाणी तं पएसं जयमंगला । दिद्रा य निरुद्धधमणिसंचया पासनिरुद्ध-कंठत्तणओ ईसीसि पसरंत-सा सामिज्जमाणजीविया कणयमंजरी। "हा हयम्मि मंदभाइणी" भणमाणा धाविया जयमंगला । पासयं छत्तमचयंती चलणजुयलस्स हेटुओ होऊण उड्ढमप्पाडिय-चलणा जाव-चिट्ठड, ताव दाहिण-करकयासिधेणुओ 'भीरू न भाइयव्वं' ति भणमाणो वियडपयप्पयारसिग्ध-लंघिय-महीमंडलो समागओ तं पएसं विज्जुसेहरो। सरसर-समारूढो वंजुल-पायवं । छिण्णो पासओ । सिग्धमत्तरिऊण विहिओ वत्थंचलेण सरीराणक्लो पवणो । समासण्णसरसीओ सीयल-सलीलेण सित्ताणि सव्वंगाणि । संवाहियाणि अंगाणि। मुच्छानिमीलियच्छी सुमिणयं व मण्णमाणी सहत्थ-विरइय-कोमल-किसलय-सत्थरे सोवाविया विज्जुसेहरेण।
गरुत्तपवण-करणाइपयारेहि लद्धचेयणाए उम्मीलियं लोयण-जयलं भणियं च णाए-“को एस रइविरहिओ पंचबाणो? नवजोव्वणो जुवाणो।" तओ सवणंते होऊण पुच्छिया कणयमंजरीए जयमंगला-"हले ! को एस पडिपुण्णपुष्णिमा चंदो व्व दंसणमेत्तेण वि निव्वय-सयल-जीव-लोगो निक्कारण-वच्छलो में अणुकंपेइ ?" तीए भणियं-“सो चेव एस सामिणि हियय-वल्लहो विज्जुसेहरकुमारो । एयं सुणिऊण आणंद-भरनिब्भरा अणाचक्षणीयं दसंतरं पत्ता कणयमंजरी।
एत्यंतरे इओ तओ परियडतो पत्तो तमुद्देसं संदरो। दठ्ठण ताण समागम हरिसिओ माणसे निसण्णी तयंतियं । पुच्छिओ जयमंगलाए विज्जुसेहरो-"कुमार ! कहं तुम अचिंतियामयवुट्ठि व्व अकाले वि इहागओ ?" तं सुणिय अदिण्ण-पडिवयणो अहोमहो ठिओ। संदरेण भणियं-"सुयणु ! तं कयं कुमरेण जमप्पणा साहेउं न तीरइ । सुणेउ भोई अहं कहेमि । सुणिऊण कणयमंजरीए हिययाभिप्पाया पडिकूलं पिउवयणं, दळूण कीरमाणी विवाहसामग्गि, नाऊण समासणं पाणिग्गहण-दिणं, निरास-माणसो विसज्जिऊण अम्हे एगागी चेव वासभवण-पल्लंके सुत्तो। संजायसंको अहं पि वारदेसे अलक्खिओ चेव नुवण्णो । खणंतरेण निसुओ मए एवं पलवंतो कुमारो। हा हियय ! कीस झूरसि आसं भोत्तूण साहसं भयसु । अज्ज वि का तुह आसा परेण पत्ते पिए मूढ ।।३१४।।
अवियजइ डज्झसि डज्झसु फुट्टसि फुटसु हे हियय न हु निवारेमि । जं आसा वि हु मज्झं हय विहिणा तोडिया इण्हि । पियविरहगरुयमोग्गरजज्जरकायस्स गयउवायस्स। मरणं चिय मह उचियं दुहवीसारो तयं जेण ।।३१६।। वरि मरणं मा विरहो अइ दुस्सहो म्ह पडिहाइ । वरि एक्कंचिय मरणं जेण समप्पंति दुक्खाई ॥३१७।।
___ एवं भणिऊण निग्गओ एस वासभवणाओ। अहं पि पिट्टओ तावागओ जाव इमं ठाणं । एसो वि सहयारं समारुहिय दाऊण नियकंधरा पासयं एयं भणिऊमाढत्तोपुरिसायार-विरुद्धं बला विकारेइ पियजणे विरहो। तेण मरिज्जइ दोसो न मज्झ इह किन्नु हयविहिणो ३१८। जेण पियमाणसणं क्षिणेहसारेण स-हियएण । जणिऊण नेहपासो झड त्ति छिण्णो हयासे ।।३१९।।
एवं भणिऊण जावज्ज वि न एस मेल्लेइ अत्ताणयं ताव निसुओ तुह पलाव-सहो । तओ करुणारस-भरियहि[य]ओ ‘पच्छा वि साहीणं मरणं' ति मण्णमाणो उत्तरिऊण सहयाराओ गहियासिधेणुओ इहागओ । अहं पि पयस्सः पयाणुलग्गो लयाहरंतरिओ ठिओ एवइयं वारं अणुकूल-विहिवसेणं इमाण विरहम्गितचियवहाणं समदुक्खणं जाओं समागमो कह वि धण्णाण । जओ--
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |