Page Text
________________
१९६
मणोरमा-कहा
किसलयकुसुमफलड्ढे सव्वत्तो तरुवरे निएऊण। कसिणमुहा संजाया पलासतरुणो खलयण व्व ।।२७३।। दळूण किंसुयं पंथिएहि देसंतरं गएहिं पि । सुमरिज्जति पियाओ नवघट्टविराइयंगीओ॥२७४।। निज्झरतडेसु तरुणो पवणपहल्लंतजलनिबुड्डेहिं । साहाकरेहि दिति व जलंजलि जत्थ पहियाण ।।२७५॥ किंचघण-किसुय-नवरंग-विराइया वद्ध-पवर-मयण-फला । पाडल-कुसुमा सोहइ वसंत-लच्छी नव वहु व्व ।।२७६। इय एरिसे वसंते जणमण-उम्मायकारणं धणियं । कता-सहिया तरुणा पियंति वरवारुणी मुइया ।।२७७।। अण्णे जलकीला हिं कोलंति समं पियाहिं परितुट्ठा । अण्णे अंदोलिता हरंति हिययाइं लोयाण ।।२७८।। सिद्धायणेसु धम्मियजणेण कीरंति एत्थ जत्ताओ। जिण-बिंबाणं पुरओ सम्मद्दो तेण खयराण ।।२७९।।
तओ भणियं विज्जुसेहरेण-“वयंस ! सोहणं भवइ जइ वि दीसइ जिणाण जत्ता महसवो।" मेहरहेण भणियं"एवं करेमो ।" गया सह विज्जाहरेहिं । खणंतराओ दिलै जिणमंदिरं । हक्कारितं च मलय-मारुय-कंपिर-धवलधयवडग्गेहि धम्मिय-जणं, पवरदुंदुहि-मउंद-मद्दल-तिमिल-कंसाल-भेरी-भामर-पडिसद्द-भरियभुवणंतराभोयं, कलकंठ-वंठपरिगिज्जत-जिणिद-गुण-गणं, नच्चंत-(अ)च्छराकडक्ख-विक्खेवाक्खित्त-सयल-सुर-विज्जाहरं, नाणाविहवत्थु-विराइयपवर-उल्लोय-पेरंत-लंबाविय-नित्तलामलहारउलं, पंचवण्ण-सरस-सुयंध-पुप्फमाला-विरइय-फुल्लहर-हरिय-पेक्खय-जणमाणसं, नीसल-तडिय-विविह-वियाणय-मंडिय-चउक्कियाभोयं ति । तओ तस्स दुवारदेसपरिसंठिय-कणय-कमल-संच्छण्ण-सच्छसीयल-सलिल-पडिपुण्ण-वावीए कयसोया गहियपूओवगरणा पविट्ठा जिण-भवणं । पूइयाओ जिण-पडिमाओ काऊण विहिणा वंदणं बाहिं विणिग्गयाओ उवविट्ठा देवासुर-विज्जाहर-संकड-जिणहरमंडवे । जओ---
कत्थ वि कविवर-निवह-कहिज्जंताणि वज्जजिणचक्कहर-चरियाणि सुणता, कत्थ वि पविरल्लियरवसंवलियमविसर-कलकंठ-विणिम्मिय-जिण-गण-पडिबद्धगीयझणि निसामंता, कत्थ वि नाणायार-विरइयपंचवण्णयतंदुलबलिपलोयंता, कत्थ वि समताल-सुस्सरतरुण-सुंदरीसम्मिस्सजुवाजणदिण्णोदारजिणगुण-गरिठे रासयं सुणमाणा, कत्थ वि रमणीय-रमणीयण-गिज्जंताणि जिणमणि-गण-कित्तण-सराणि मंगलाणि निसामयंता ठिया कंचि कालं । पच्छा कोऊहलावूरिज्जमाणसो मेहरह-पमुहह्वयंससहिओ उट्ठिओ विज्जुसेहरो । जिणभवणभंतरे चेव हिंडिउमारद्धो । इओ तओ परियडतेण मेहरहेण दिट्ठो नियमाउलभाया सुंदरो नाम । सिणेहसारमालिगिऊण भणिओ तेण मेहरहो--"भाउय ! आगच्छसु संपयं वेयड्ढसिहरि-सेहर-समासण्णे फलिहसुंदरनयरे । उक्कंठिओ चिट्ठइ माउलगो तुह दसणस्स ।” मेहरहेण भणियं-"वयंस ! विज्जुसेहर, जइ भवं समागच्छइ तो गच्छामो णण्णहा । उवरोहसीलयाए पडिवण्णं विज्जुसेहरेण । जिणजत्तावसाणे विसज्जिओ से सवयंसो । गओ विज्जासेहरो समं मेहरहेण फलिहसुंदरं । कयसम्माणा ठिया कइवयदिणाणि । अण्णम्मि दिणे गेहनिज्जहग-निविट्ठेण विज्जासेहरेण दिठो गहियपूओवगरणो पवरवत्थाहर एगाभिमुहो नीहरंतो नयर-नारीजणो । तओ पुच्छिओ मेहरहो-“वयंस ! कहिं एस नयर-तरुणीजणो गच्छइ ?" तेण वि समासण्णसुंदरवयणमवलोइउं भणिअं-"मयरंदनंदणुज्जाण-संठियस्स कुसुम-सारस्स भयवओ जत्ता महसवो । तहि एस लोगो गच्छइ । जइ अत्थि भे कोऊयं तो गम्मउ ।" विज्जासेहरेण भणियं-“गम्मइ । को दोसो दव्वफलाणि चेव लोयणाणि ।" गया तिण्णि वि जणा पत्ता उज्जाणं । तं च केरिसं वणिज्जइ-- वियरंत-रम्म-रमणी-जणनेउर-रवेण रमणीयं । मयण-महूसव-समए हरेइ चित्तं तमुज्जाणं ।।२८०।। दक्खिण-पवणपणोल्लियं चालासाहघुम्ममाणसिरा । मयरंदलुद्ध-निवडंत-महुयराराव-कय-गीया ।२८१॥ नव-नव-कुंपल-किसलय-आयबमुहा महिरुहा जत्थ । महुसंगमेण मुइया मत्ता इव सद्दविजंति ।।२८२।। सुविसट्ट-कुसुमसोहंत-मंजरीपुंज-रइय-सेहरया । जोहारिति व पवणो नयाहिं साहाहि पउरजणं ।।२८३।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |