Page Text
________________
सम्मत्त-लंभो णाम बीओ अवसरो तत्थ य गंधपूयाफले सोममाहणकहा
१८९
C..
.
.
.
संपयं गंधपूयाए फलं भण्णइ
अत्थि इहेव भारहे वासे पोलासं नाम नयरं। सोमदेवो नाम तत्थ माहणो। सोमसिरी तस्स भारिया। सोमो नाम ताण पुत्तो। भणिज्जमाणो वि पिऊणा न करेइ वेय-पहणाइयं, न सीलेइ संझावंदणं, नायरइ बंभण-समायारं, लज्जइ कल्लाणमित्त-संगमेणं, तूसइ दुवंठसंसग्गेण, जूयविसणे सत्तो कालं गमेइ।
अण्णया मरणपज्जवसाणयाए जीव-लोगस्स उवरओ से पिया । जाओ सोमो घरसामिओ । कइवयदिणेहि विणासियं दविणजायं। न सिमंति समीहियाणि। न गणिज्जइ जणे। कि बहणा ? उदरभरणं पि न संपज्जा । तओ सिक्खविओ पियमित्तण गंधियवणिणा गंधजत्तीं । गहिओ गंधियावणो । विकिणइ गंधधूयाइयं । जम्मंतरकयासुभ-परिणामवसेण न जायइ तहाविहो लाभो। विहलव [व]साओ विसायमावण्णो चिट्ठइ।
___अण्णया गओ उज्जाणं । दिट्ठो तत्थ दमसारो नाम मुणिवरो। धम्म कहितो लोयाण वंदिओ सोमेण। एयम्मि अवसरे धम्मदेसणं कुणतेण भणियं दमसारेणहोइ सुगंधो गंधो भव्वस्स भवंतरे सरीरस्स। जो जिणबिंबं गंधेहि पूयए भत्ति-संजुत्तो ।।२३५।।
एत्यंतरे उवसंहारि]या भयवया धम्मदेसणा। गया सट्टाणं लोगा। सोमेण वि नयरं पविसमाणेण दिट्ठो जिणभवणे कल्लाण-महूसवो । पविट्ठो तयम्भंतरे दळूण पहाणावसाणकयपूयं जिण-बिबं । समुल्लसियभावेणं गंतूणावणं आणीया गंध-पुडिया। पूइया परमभत्तीए पारगयपडिमा। मज्झिम-गुण-जोगओ निबद्धं भोगपहाणं मणुयाउयं । वंदिऊण देवं नियधरं गओ। अइक्कतो कोइ कालो।
अण्णया अहाउयक्खएण मरिऊण उववण्णो सोगंधिया नयरीए नरदेवसैट्ठिणो नरसुंदरीभारियाए कुच्छिसि पुत्तताए । दिट्ठो य णाए तीए चेव रयणीए सिविणयम्मि कप्पूर-अगरु-कुंकुम-मलयसार-मिय-मय-सम्मिस्स-सुगंध-तरियकलसो वयणेण उदरं पविसमाणो त्ति सुहविबद्धाए जहाविहिं साहिओ सेट्रिणो । भणिय अणेण-"सुंदरी ! महापहावो ते पुत्तो भविस्सइ ।" पडिस्सूयं इमीए । अइक्कंता तिण्णिमासा गम्भाणुभावेण य जाओ तीए डोहलो-'जइ सुगंधगंधेहि वासेमि अत्ताणयं । देमि दीणा [णा]हाण दाणं । पूएमि गुरुदेवयाइ। संपाडिओ जहासत्तीए सेट्ठिणा । उचियसमए पसूया एसा। जाओ सुगंधगंधेण भवणभंतरं भरितो दारओ। विम्हिया जणणि-जणगा लोगो य। कयं उचियकरणिज्जं। मासावसाणे य कयं दारगस्स गुणनिप्फण्णं नामं गंधिलो सि। वढिओ देहोवचएणं कलाकलावेण य। परिणाविओ तत्थेव वत्थव्वगस्स ईसाण-सेट्रिणो धयं मयणमंजरी नाम । अईववल्लहो जणणि-जणयाण सम्मओ सयललोयाण देव-गुरु-भत्ति-परायणो मयणमंजरीए समं सिणेहसारं, विसय-सुहमणुहवंतो कालं गमेइ ।
अण्णया समागओ तत्थ नडो। पारद्धं गंधिल-समीवे पेक्खणयं । तओ वसुमंत-सेट्ठिसुयसारण-पुरिसेण भणिओ नडो-“अरे ! सारण ! महसमीवे नियविण्णाणं पयडेसु जमेस दाही ।" नडेण भणियं--"एवं हवउ।” उवसंहरिया पेच्छा-अहिमाणरूढेण जंपियं गंधिलेण-"न गंतव्वं तए । अहं तओ दुगुणयरं वियरिस्सामि ।" एवं परोप्परंसू असूया समारूढाण ताव वडिढओ विराओ। जाओ विलक्खिओ सारणो। काराविया पेच्छा गंधिलेण । दिण्णा दोणि लक्खाणि तस्स । तटठो सो गओ सट्ठाणं। सेट्ठि सुओ वि गओ स-घरे। मुणियवृत्तंतेण उवालखो जणए--"अरे ! अत्थोवज्जणकिलेसायाणुय, कि निमित्तं तए दोहं लक्खाण परिव्यओ कओ। 'न जाणइ वंशा पसववेयणं' सच्चवियं भवया जण-वयणं । कि बहुणा पुत्तच्छलेण वेरिओ तुम मम जो एवं धण-विणासं करेसि। अवसर दिदि-पहाओ। न पुणो वि मे दंसणं दायव्वं जाव न दो लक्खा पवेसिया ।" विलक्ख-वयणो काऊण पणामं गओ गंधिलो । माण-सेल-सिहर-समारतस्स अकय-पाणभोयण]स्स बोलीणो वासरो। समागया रयणी। ठिओ वास-भवण-पल्लंके। विद्दाण-बयणो विट्ठो मयणमंजरीए। “अज्जउत्त ! कि निमित्तं दवग्गिदडढपायवो[व]विच्छाओ लक्खीयसि ?" तेण भणियं-"पिए ! न रहस्सट्राणं महिलाओ हवंति । परं न तुमं महिलामेत्तं । अओ रहस्सं पि साहिज्जइ। अवमाणिओ हं जणएण। नत्थि इहेव संतस्स मे चित्तनिव्वुई।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |