Page Text
________________
१९०
मणोरमा-कहा
असणाइगहणं पि इओ निग्गएण कायव्वं । तुम पि पिए ! पच्छओ तहा वट्टेज्जसु जहा न दंसिज्जसि केणावि अंगलीए। पढमपाउस-जलपूर-पूरिय-सरिय व्व मा मइलेज्जसु उभयपक्खं । करेज्जसु सव्वहा सीलरक्खणं । मा हवेज्जसु उप्पह-पयट्ट-दुईतेंदिय-तुरिय-तुरय-वसो-वत्तिणी । कि बहुणा? जमुचियं विवेगस्स, कित्तिकारयं नियकुलस्स विद्धिकारयं सयणठाणस्स उभयलोग-सहावह एगतेण, तं तए चेट्रियव्वं" ति भणिऊण उदिओ पल्लंकाओ तयाण मयणमंजरी वि । तेण भणियं-"पिए ! विसमाणि देसंतराणि। दुग्गमे य मग्गा । सुकुमारसरीरा तुमं पि। विरमसु इमाओ साहसाओ" तीए भणियं--"अज्जउत्त! जइ एवं जाणसि तो कीस पहिओ व्व सहसा विणिग्गओ?" तेण भणियं-"सुंदरि! कि न सुयं तए।" हसह सरवरु तिण समउं, जहि विप्पिउ दिक्खंति । बग पुण छिल्लर-पाणिए वि, विप्पिय-सई सहति ॥२३६।।
मयणमंजरीए भणियं-"अज्जउत्तो! पमाणं । इमो पुण जणो निय-छाय व्व न कत्थ वि मोत्तब्वो अज्जउत्तेण।" तओ रयणि-पढमजामोवगमे अकहितो चेव निग्गओ समं मयणमंजरीए। चलिओ दक्खिणाहत्तं । रयणिपहरदुगेण गयाणि जोयणतिगं। परिस्संता मयणमंजरी। मोतूण मग्गं नुवण्णाणि वडपायव-हे?ओ। समागया निद्दा ।
एत्थंतरे विमाणारूढो समं पिययमाए आगओ तं पएस रइविलासो नाम विज्जाहरो। “काणि इमाणि? कि निमित्तं वा रयणीए दूसावय-समाउलाए सुण्णाडवीए वुत्थाणि।" तेण वि सव्वं साहियं ठियं विज्जाहरीए। तीए भणियं-"अज्जउत्त ! अत्थि एयाण संबलं?" तेण भणियं-“नथि।" तीए भणियं--"अज्जउत्त! करेसु विहलुद्धरणं । अंगीकरेसु सुपुरिस-चेट्ठियं ।" अवगणिऊण तीए वयणं चलिओ विज्जाहरो। रुट्टा विज्जाहरी। आलवंतस्स न देइ पडिवयणं विज्जाहरस्स । पुणो पुणो ससिणेहं भासिज्जमाणीए दीहुण्ह-नीसासे मुंचमाणीए जंपियमिमाए--- उयर भरेइ काओ वि कहवि भमिऊण दिवस मज्झम्मि । विहलुद्धरण-भर-सहा विरलच्चिय केइ सप्पुरिसा ।। किच--
अवलंबिया तिणा वि हु वुड्ढतिण विहलमुद्धरंति व्व ।
विहलुद्धरणेण न हु तिण समा वि जे ताण किं भणिमो ॥२३८।। "जइ एयं पि मह पत्थणं न करेसि तो अलं मे तुह घरवासेण?" विज्जाहरेण भणियं-"जइ एस ते निब्बंधो तो भणसू किमिमाण पियं करेमि?" तीए भणियं-तहा करेस जहा जलंजलि देंति दालिदृस्स। ‘एवं भवउ' त्ति भणिऊण आणीयं तेणोसहिवलयं। लिहियं पत्तयं “सलिलेण घसिऊण ओसहिवलयमेयं एएण अंजियक्खो सयलनिहाणाणि करयलगयाणीव पेक्खइ पुरिसो।" वत्थंचले बंधिऊण गंधिलस्स पसण्णपिययमाए सद्धि गओ विज्जाहरो। पभाए विबुद्धो सहमयणमंजरीए सेट्ठिसुओ । लग्गाणि मग्गे गंतुं पयट्टाणि । मज्झण्हसमए संपत्ताणि वसंतउरसमासण्णं तरंग-रंगंत-हंसचक्कवाय-मिहुण-सय-सोहियं, गंधलुद्ध-मिलंत-रुणुरुणु-रुणित-भमर-नियरुद्ध-नमंत-पत्त-पउम-संडमंडियं, महासरोवरमेगं ति । तत्थ काऊण मज्जणं, पाऊण पाणियं, गहिऊण नलिणीदलाणि उत्तिण्णाणि सरोवराओ । तप्पालि-पइट्ठियपत्तल-सहयारतले नलिणीदल-सत्थरे निसण्णाणि ।
एत्यंतरे दिट्ठो गंधिलेण वत्थंचले गंठी मयणमंजरीए करे घेत्तूण पुच्छिओ-"अज्जउत्त! किमेयं ?" तेण भणियं-“सुंदरि ! अहं पि न याणामि।” छोडिओ गंठी। दिट्ट ओसहिवलय-सहियं पत्तयं । वाइयं गंधिलेण । मुणियभावस्थेण भणिया मयणमंजरी--"पिए! पणामेसु नलिणी-दल-पुडएण पाणियं उवलखंडं च एयमवि । संपाडियमिमीए तेण वि घसिऊण कयमक्खीणमंजणं। इओ तओ पालिपरिसरे परियडतेणं दिळं निहाण-ठाणं ईसी० तेण पत्तो कोडी-सुवण्णस्स । गहिऊण थेव सुवण्णयं सेसं तत्थेव ठइऊण समागओ सहयारं । कहिओ जहटिओ सध्यो वि वइयरो मयणमंजारी]ए। परितुद्रा एसा। पविट्रा पट्टणं । गहियं धवलहरमेगं । संगहियं सेसं पि निहाणसुवण्णयं । ठियाणि तत्थेव पेसियं लक्खदुगं पिउणो । विण्णाय वृत्तंतो समागओ तत्थेव पिया । पणयपुरस्सरं नीयमाणो वि तेण न गओ
___Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |