Page Text
________________
१८
मणोरमा-कहा
अइकरुण-सद्देण रोविउं पयत्ता। पुच्छिया राइणा--"भद्दे ! कीस तुमं रोयसि ?" तीए भणियं--"मिलिओ अज्जउत्तो समं वेरिएण। पयट्टमाहणणं।" राइणा भणियं--"भीरु न भाइयव्वं ।” थेव वेलाए निवडिया रुहिरधारा। गहिऊण दाहिणकरंगुलि कओ भालयले तिलओ तीए। पच्छा निवडियाणि कर-चरणाईणि । निरुद्ध-सई रुयभाणीए गहियाणि विज्जाहरीए। कयाणि उच्छंगे। एयं दट्ठण विसण्णो राया ।
तओ कसिण-सिणिद्ध-सिरोरुह-समाउलं राहु-बिंबं व नहयलाओ निवडियं तीए पुरओ उत्तिमंगं। नयणसलिलेण महियलं सिंचंतीए गहियं दोहि वि करेहिं विज्जाहरीए। सदुक्खं रुयमाणीए दिण्णं वच्छ-थले। पुच्छिया राइणा"भयणि ! कुसलं ते पिययमस्स?" कर-चरण-सिराणि दंसयंतीए ‘एरिसं कुसलं' ति जंपियमिमीए। राइणा भणियं"भूमिगोयरो हं किमेत्थ करेमि?" तीए भणियं--"न वीर-घरणीओ निरत्थय-पलावेण अत्ताणयं कयत्थं ति। सुलहो य मे पिययमेण सह समागमो जम्मतरे वि। जइ सव्वं तुम भाऊओ ता करेसु मे भाऊय-करणिज्जं।" राइणा भणियं"भण, कि कीरउ?" तीए भणियं--"एरिसा अवस्था अज्जउत्तस्स । न सबकुणोमि एवं पेच्छिउं। इहेव चियं करावेह जेण अवणेमि एवं सोयानलं जलण-पवेसेण। मिलेमि परलोय-गयस्स वि तस्स। दुक्खंसो सुहओ मए विणा तत्थ वि चिट्टइ।” राइणा चितियं--"इमम्मि अवसरे इणमेव जुत्तं इमीए।" काराविया चिया। तओ सा विज्जाहरकर-चरण सिराणि उच्छंगे काऊण लोगपाले पणमिऊण सयमेव जलणं दाऊण आरूढा तं चियं। पज्जलिओ हयासणो। दखुढा थेव वेलाए। जावज्जवि राया जलोवयारं न करेइ तावागओ विज्जाहरो। उल्ल-रुहिर-सित्त-सयल-काओ उवविट्ठो नरवइपुरओ। भणियं च अणेण "पराइओ मए सो दुरायारो विज्जाहरो धम्मो पिययमा संरक्खणेण उवयारेण हिओ य तुम। समप्पेसू संपयं नियभयणि" । अईवसंखोहेण विलीओ राया चितिउमाढत्तो-'नासावराह-दोस-दूसियं न सक्कुणोमि एयस्स अत्ताणयं दंसेउं । अहो ! मे निग्घिणत्तणं । अहो! मे जहण्णत्तणं! अहो मए अकज्जमणुट्ठियं' ति मण्णंतो गओ सम्मोहं राया। निवडिओ सीहासणाओ। खणेण लद्धचेयणो उट्ठिओ 'एसेव अवसरो' त्ति कलिऊण वायाविया ढुक्कलुश्किया इंदयालिएण। राइणा चिंतियं--"अहो! सव्वमेयमिदियालियं न सब्भूयंति" तुट्ठो राया। कओ इंदयालिओ अदरिदो। वेरग्गमग्गावडिएण पुणो वि चिंतियं--"जहेस केणावि हेऊणा तारिसो विज्जाहरो होऊण संपयं एरिसमवत्थंतरं पाविओ तहा संसारसमावण्णपाणिणो वि खणमित्तण वि सूह-दहभायणं भवंति। अओ चेव चइऊण विसयसंगं उत्तमपुरिसा धम्ममायरंति । ता ममावि समुचियं किंचि धम्माणुढाणं । किंतु न नज्जइ किपि अणुदाणं कुणंताण परलोगो सुहो संपज्जई" त्ति, संवेगमावण्णो जाव चिट्ठइ राया तावागंतूण विण्णत्तो पियंकराभिहाणपुरिसेण"देव ! सहयारसुंदरे उज्जाणे बहुसीसपरिवारो सोमायार-दसणमुणिज्जमाणोवसमगुणो, भव-भीय-भव्व-सरण-चरणकरणे धम्मोवएसगो, ओहिंनाणमुणियवत्थु-परमत्थो, हेमजसाभिहाणो सूरी समोसरिओ।"
एयं मुणिय हरिसिय-माणसो दाऊण अंगलग्गमाभरणाइयं पियंकरस्स गओ सूरिसमीवं। वंदिया तिपयाहिणी काऊण सूरिणो। निसुया धम्मदेसणा। ठिया माणसे। लहिऊण अवसरं पुच्छिया सूरिणो–“भयवं! केरिसं पुव्वभवे मए पुण्णं समज्जियं जरसेरिसो सव्वत्थसुहो परिणामो ?" भयवया भणियं--"महाराय ! पुरा य पुष्वभवे सिरिदत्तो नाम तुम तलवरो आसि । पूइओ तए सयवत्त-कुसुममालाए पवड्ढमाण-सुहपरिणामेण भयवं तित्थयरो । तपुण्णाणुभावेण एरिसो तुम जाओ। एयं सुणिऊण सुमरियपुव्वभव-वइयरो. संजायसव्वविरइ-परिणामो, दाऊण दीणाणाहाण दाणं, पूइऊण भगवं तित्थयरे परितोसिऊण साहुणो तहा दाऊण रज्जं जयमंजरी-तणयस्स पुप्फसाराभिहाणस्स पुवभववंतरजीवस्स समप्पिऊण हाररयणाणि तस्स पव्यइओ महाविभूईए हेमजससूरिसमीवे कुसुमसेहरराया। अहिज्जिऊण विहि-पुथ्वं अंगोवंगाइसुयं, तव-चरण-पुरस्सरं परिपालिऊण सामण्णपरियायं, काऊण संलेहणं, समाहिपत्तो चइऊण पूइ-देह-पंजरं, उवषण्णो माहिदकप्पे सत्तसागरोवमाऊ महिड्डिय-सुरवरो। सुहपरंपराए पंचमभवे निव्वाणं गमिस्सइ ति। तम्हा सुगंधसयवत्तमालइउप्पल-कुंदमाइहिं । जिण-पूया कायव्वा पुप्फेहिं बहुप्पयारेहि ।।२३४।।
___Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |