Page Text
________________
सम्मत्त-बीय-लंभो णाम पढमो अवसरो तस्थ य कुसुमसेहरनिवकहा
१८७
कीरइ तुह वरो कुसुमसेहरकुमारो ।” तीए वि तहेव गंतूण पुच्छिया । पियंगुसुंदरी वि तम्मि संजायाणुराया भणइ 'जमम्मा-पियरो आणविति तत्थ सज्जो इमो जणो।' सहवियाए सइयं इमं सव्वं राइणो। समागओ भोयणवेलाए कुमारो । भोयाविऊण कयवत्थ-तंबोलाइउवयारो सुहनिसण्णो भणिओ राइणा--"वच्छ ! करेसु मह धूया पियंगुसुंदरीए पाणिग्गहणं जेण साणुबंधो संबंधो हवइ ।” कुमारेण भणियं-"वत्थव्वमायत्तो पाहुणजणो भवइ । जमुचियं तं समाइसह । पउणो एस जणो ।” पसत्थदियहे परिणाविओ पियंगुसुंदरीं । संपूइऊण वत्थाहरणाइहिं विसज्जिओ नराहिवेण कुमारों। चलिओ नियनयराभिमुहं । पत्तो चंडकुंडलं नाम नयरं। तत्थ य चंदुज्जलराइणो दुहियं चंदसिरिं अहिणा दह्र मणिप्पभावेण जीवावेऊण परिणेइ । तत्थ वि सम्माणिऊण विसज्जिओ । सुहपयाणएहिं वहतो पत्तो सनयरं । पविट्ठो महाविभूईए। निवडिओ चलणेसु जणयस्स । आणंद-जल-भरिय-लोयणेण माढमुवगूढो पुच्छिओ य कुसलोदंतं । भणियं कुमारेण-“सव्वत्थकुसलं गुरुजण-चलणाणुभावेण ।
तओ गओ जणणिसमीवं । पडिओ चलणेसु। “पुत्तय ! पुत्तमुहमचिरा पेक्खसु" त्ति भणंतीए कयत्थमत्ताणयं मण्णमाणीए सुयसिणेह-समागय-पण्हुयाए निवेसिऊण उच्छंगदेसे पुणो पुणो चुंबिओ मुद्धाणे जणणीए । अणुण्णाओ उट्ठिऊण निसण्णो अंतरा अम्मा-पिऊण दोहवि विदिण्णसिंहासणे।
तओ मइसायरकंचुइणा अणुगम्ममाणाओ नरवइपायपुरओ चत्तारि वि वहूयाओ पडियाओ चलणेसु राइणो"अविहवाओ भवह" लद्धासीसाओ पणयाओ सासुयाए । तीए वि भणियं-"पुत्तवईओ होह ।” तओ तुटुमाणसेण समप्पिया चत्तारि पासाया वहूण राइणा। वोलीणा केइ वासरा।
अण्णम्मि दिणे दिण्णा माउलेण पुप्फकेऊणा नियदुहिया कणयमंजरी। सम्माणिया राइणा करि-तुरंगाइणा सामंतामच्चाइणो संपूइया बंधु-जणा। वित्तो विवाहो। विसयसुहमणुहवंतस्स वोलीणाणि पंच संवच्छराणि । कुमारस्स समुप्पण्णा एक्केक्ककलत्तस्स दो-दो पुत्ता।
अण्णया उवरओ राया। अभिसित्तो कुसुमसेहरो राय-पए काऊण मय-किच्चाणि पिउणो नमंतासेस-सामंत-वग्गो गुणाणुरायरत्त-जणवयजणो अणायाससिद्धाणेगमंडलो, सत्त-सोहग्गाइगुणगणविणिज्जियाखंडलो, जहा समीहियसंपज्जतासेसकज्जं रज्जमणपालिऊमाढत्तो कुसुमसेहरनराहिवो। वियरइ तक्कुययणाण दविणजायं। न मयंति पासं इंदजालिया दंसिंति मुहविणिग्गयाणि विविहाणि थाल-कच्चोलाईणि। रंजिज्जइ तेहिं राया। देइ दविणजायं।
अण्णम्मि दिणे विण्णत्तो मंतिणा-"देव! बालधली-कीला समा इंदयालियाइकीला अलमिमाए महारायाणं तुम्हारिसाणं।" राइणा भणियं--"जं ते रोयइ।" तओ पडिसिद्धो मंतिणा इंदयालियाण राउल-पवेसो। अण्णया समागओ देसंतराओ संमोहणो नाम इंदजालिओ रायदंसणत्थं पविसंतो निवारिओ दोवारिएण । विलक्ख-वयणो पडिनियत्तो। मिलिओ वत्थव्वय-इंदया[लीया]ण। साहियं सरूवं । तेहिं भणियं-"अम्हे वि पवेसं न लभामो।" गओ सम्मोहणो मंतिभवणं। भणिओ मंति--"दूरदेसाओ देवदंसणत्थं अहं आगओ। तहा करेसू जहा संपज्जइ दंसणं।" मंतिणा भणिय"विणा पेक्खणगेण लब्भइ।" पडिवण्णमणेणं। नीओ मंतिणा रायसमीवे। सम्मोहणो काऊण पणामं निसण्णो उचियपएसे। ठिओ किचि कालं गोठ्ठीए। पच्छा पच्छण्णमेव विउव्वियं इंदजालं। दिट्ठो रण्णा गयणेण आगच्छमाणो समं विज्जाहरीए विज्जाहरो। पेक्खंतस्सेव राइणो पविट्ठो निज्जूहगेण। अब्भुट्टिओ राइणा। उवविट्ठो नरवइ-पुरओ। सदुक्खं जंपियमणेण-"भो महाराय ! वेरं मम सह अण्ण विज्जाहरेण अत्थि। अओ साहेज्ज निमित्तं आयारमुणिज्जंतसप्पुरिस-चेट्ठियं भवंतं किं पि पत्थेमि ।” राइणा भणियं- “साहीणं भवइ जं मए सिज्झइ।” विज्जाहरेण भणियं"एसा मए निय पत्ती नासओ व्व तुह समप्पिया । जाब अहं सं दुरायारं वेरियं पराजिणिऊणागच्छामि ताव तए पयत्तेण रक्खियव्या।" राइणा भणियं-"थेवमिणं कज्ज।” विज्जाहरण भणियं-"इत्तियमेव मज्म बहुगं। नाहमण्णस्स वीससेमि।" पडिवण्णं राइणा। दाहिणकरगहियकयंतजीहाकराल-करवालो, वामहत्थट्ठिय-विसाल-फलओ उप्पइओ विज्जाहरो गयणंगणे। गओ अहसणं। पत्ती से उवरिहत्तं जोएइ। खणंतरेण बाहाविल-लोयणा विमुक्क-दीहण्ह-नीसासा
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |