Page Text
________________
१८६
मणोरमा-कहा
दुज्जण-जण-संलावा इव पर-मम्म-वेहिणो, लोहमया य निवंडति नाराया, जम-महिस-सिंग-तुल्लाओ निवडंति गयाओ, महासणिसन्निहा वियंभंति मोग्गरा, अद्धयंदछिण्णाणि उप्पाय-ससि-मंडलाणीव पडंति नराहिवसिरेहितो सियायवत्ताणि । निसियासि-कुंत-पट्टिस-पहरणपहारेहि जज्जरिज्जंता अगणिता मरण-भयं ढुक्कंति भरेण भड-निवहा ।
एत्यंतरे भग्गं कुसुमसेहर-बलं । लद्धजएण भणिओ सत्तुंजएण कुसुमसेहरो-"अरे ! परपओयणो मा तुमं मम कोवानल-जालावलीए पर्यगत्तणं पडिवज्जसु।" कुसुमसेहरो करे काऊण तं वंतरविदिण्णं मुद्दा-रयणं पडिभणिउमाढत्तोमोत्तूण खत्त-धम्म अणज्ज-कज्ज अणज्ज कुव्वंतो । अप्पपसंसं परनिंदणं च पयडं पयासितो ॥२२५।। चोरोव्व गुरु अदिण्णं कण्णारयणं बला वि गिण्हतो। नरए तमंधयारे पाव-फलं पाव ! पाविहिसि ।।२२६।। तं सुणिय सुहपसुत्तो विघट्टिओ विसहरो व्व दुप्पेच्छो । दट्ठो? भिउडिभीमो सहसा सत्तुंजओ जाओ॥२२७॥ उन्भड-पिसंडि-मंडियपयंडकोडंडमुक्ककंडेहिं । संवरिसिउं पयत्तो घणो व्व घणवारिधाराहि ॥२२८।। छिदइ छत्तं पाडेइ धयवडं हणइ सारहिं रुट्ठो । हिंसइ तुरए तुट्ठो सीहनिनायं अह करेइ ।।२२९॥ करविहिय-खग्गरयणो गंतुं सत्तुंजयस्स पासम्मि । पभणइ कुमरो कुद्धो दिट्ठोतं अज्ज कालेण ॥२३०।। जो काऊण अकज्जं परितम्मसि नेय पोरुसं वहसि । अहवा विणासकाले होइ फलं वंस-विडवस्स ।।२३१।। पुरिसो हवसु इयाणि जइ सच्च-सुहड-वायमुव्वहसि । एवं भणंतेण हओ खग्गेणं उत्तमंगम्मि ॥२३२।। पंचत्तं संपत्ते अरिदमणनरिंद-नंदणे तम्मि । सामिविहीणं सेण्णं पलाइउं संपलग्गं तं ।।२३३ ।।
तओ तयणुमग्गलग्गं निवारियं नियबलं कुसुमसेहरेण । गहिया हेमसुंदरी। समप्पिया अहिमुह-राइणो। हरिसवस-निन्भरो पविट्ठो नयरिं सह कुमारेण अहिमुहो । भोयाविऊण परमायरेण काऊण वत्थ-तंबोलाइणा पडिवत्तीं भणिओ तेण कुमारो-"माणसमुद्धरेण परमोवयारी मह तुमं । दायव्वा अण्णस्स वि कण्णया। साणुराया य हेमसुंदरी तुमम्मि। ता तए मह पत्थणं सहलं कारंतेण परणेयव्वा।" कुमारेण भणियं-"तुमं चेव एत्थ पमाणं ।" तओ पसत्थ-वासरे काराविओ पाणिग्गहणं । धरिओ कइवयदिणाणि अहिमहराइणा । सम्माणिऊण पवरवत्थाहरणाइणा, दाऊण दुहियाए पउरमाहरण-वत्थ-दासी-दासाइयं विसज्जिओ कुमारो। थोवदिणेहिं पत्तो राढाविसयसारं विस्सपुरं नाम पुरवरं । आवासिओ नयरबाहिरियाए ।
तत्थ य राढाहिवस्स सुया पियंगुसुंदरी नाम संपत्त-जोवणा कयण्हाण-विलेवणाए पवरवत्थाहरण-विभूसिया जणय-पायवडणत्थं जणणीए पेसिया । दळूण रूव-संपयं परितुळेण राइणा विइण्णो सयंवरामंडवो। मिलिया तत्थ पउरा नराहिवसुया । न रंजिया केण वि पियंगुसुंदरी। पूणो वि जहागयं गया नरवइतणया । संवरिओ सयंवरा मंडवो। सचिताणि जायाणि जणणि-जणयाणि। सूओ एस वइयरो कुसुमसेहरेण । वंतरविदिण्णं सोहग्गसुंदरं हार-रयणं गले अवलंबिऊण पविट्ठो नयरमज्झे । तओ संखुदो सव्वो नयर-नारी-जणो अमयं व नयणंजलीहिं पिवंतो कुसुमसेहरकुमारं पेच्छिउं पयत्तो। मग्गाणुलग्ग-रामा-यण-पसंसिज्जमाणरूव-सोहग्गाइ गुणगणो गओ राय-पहासण्ण-कण्णंतेउरगोउरं। दिट्ठो मत्तालंबनिसण्णाए वि पियंगुसुंदरीए । दसणमेत्तेण वि गया मयणसरगोयरं। वियंभिया अरई। परिचत्तं भोयणाहरणं तंबोलाइयं । परमजोगिणि व्व काणण-गया परम-पुरिसं कुमारमेव मणोगयं चिंतियंती चिट्ठइ। सुणिय मयणवियाराए साहियं सूहवीयाभिहाणाए दासचेडीए जणणि-जणयाण । जहा-'दठूण कुसुमसेहरकुमारं कुसुमसरगोयरं गया ।' तेहि भणियं-"ठाणे अणुराओ । मेहरहियनिसा[यरेण विना न सोहइ रयणी] सयमेव गंतूण कडग-सन्निवेसं सबहुमाणं निमंतिओ राइणा कुमारो। पडिवण्णमणेण। पारद्धा भोयण-सामग्गी। सद्दाविऊण भणिया सूहविया--"पुच्छसू गंतूण वच्छं पियंगुसुंदरि-'जइ तुह अभिरमइ चित्तं तो उण्णय-रायवंससंभवो रूव-सोहग्गाइगुण-गणरंजिय-नयर-नारीजण
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |