Page Text
________________
सम्मत्त-लंभो णाम बीयो अवसरो तत्थ य कुसुमसेहरकुमारकहा
१८५
एत्थंतरे सिद्धा तस्स सव्वसमीहियत्थसाहिगा जक्खिणी। तुट्ठो जोगिओ भणिओ य तेण कुमारो-"महाभाग ! पच्चक्ख-पुण्ण-पुंजो व्व को तुमं? तुहाणुभावो एस जम्मे जक्खिणी सिद्धा। जओ मे सत्तमो एस वासरो साहितस्स
त्ति सिद्धा ।" कुमारेण भणियं-"भणसु जं अम्हारिसजणेण सिज्झइ ?" जोगिणा भणियं--"गिण्हसु इमं पढियसिद्धं भूय-पिसाय-वसीकरणमंतं ।" कुमारेण वि 'जमाइसइ भयवं' ति भणिऊण गहिओ मंतो। गओ सट्टाणं जोगिओ। कुमारो वि ससिबिरं समागओ।
कमेण हिडंतो गओ विजयखेडसमा[सण्णदेसे महारायपुत्तो सविहमागओ त्ति मण्णमाणेण निमंतिओ जयमंगलराइणा । गओ कुमारो । भोयाविऊण सायरं उवयरिओ पवरवत्थाहरणाईहिं । पारद्धा परोप्परं संकहा । कुमारेण भणियं--"कुसलं तुम्ह रज्जे?" तेण भणियं-"कुसलं सवत्थ मोत्तूण दुहिया-दुक्खं । कहिओ सव्वो वि वइयरो कुमारस्स । तेण भणियं--"अत्थि ताव मह मंतो जइ भणह तो पउंजामि । कज्जसिद्धीए देव्वो पमाणं ।" राइणा भणियं-"जइ एयं कज्ज सिज्झइ ता सहलमागमणं भवओ वि भवइ ।” कुमारेण वि काराविऊण मंडलं आणाविया दारिया निवेसिया मंडले पुव्वाभिमुही। धरिया धारणा । सुमरिओ मंतो । अवयरिओ वाणमंतरो जयसुंदरीसरीरे काऊण करयलंजलि सविणयं जंपियमणेण--"कुमार ! किंकरे सया समाएसकारिणि किमेद्दहमेत्तसंरंभेण?" कुमारेण भणियं--"जइ एवं तो मोक्कलीकरेसु सत्तमेयं।" वंतरेण भणियं--"कयमेव एयं । अण्णं किपि भणेसु जं मए कायव्यं।" कमारेण भणियं--"न मज्झ किंपि अण्णं करणिज्जं अत्थि।" वंतरेण भणियं-"जइ एवं तहा वि गिण्डस एवं मुद्दारयणं, इमिणा करंगुलि-गएण महाहवेसु वि अजेओ भविस्ससि । इमं च रामायण-मणमोहणं सोहरगं सुंदराभिहाणहाररयणं । एवं कंठे काऊण समवलोइयाओ मोत्तूण माणग्गं वसे वटुंति नारीओ। तहा थावर-जंगम-विसावहार-कारणं इमं च मणि-रयणं ।" कुमारेण भणियं---"महाभाग ! अलं मझुवयारेण?" वंतरेण भणियं-"न एस तुज्झोवयारो। अप्पणो चेव पओयणमेयं ।" कुमारेण भणियं-"कहं ?" तेण भणियं--"पुच्छिओ मे विमलालोओ केवली-'भयवं ! केवइयं मे आऊयं धरइ ?' केवलिणा भणियं-"छम्मासे"। जाव पुणो पुच्छियं-"भयवं कहिं मह उववाओ?" भयवया भणियं--“कुसुमसेहररायभवणे ।" मए भणियं-"कहं सो मए नायव्वो ।" केवलिणा भणियं-"जयमंगलरायदुहिय-जयसुंदर तए अहिट्ठियं अण्णवाइय-परिचत्तं नियमंत-सत्तीए जो मोयावेहि सो चेव कुसुमसेहरो नायव्वो। दळूण तुमं आनंदभर-निब्भरं वियसियं मे माणसं। अमिएण व सित्तं लोयण-जुयलं । अओ परं नासओ व्व गहियव्वाणिह भोगेण। न अण्णा गई "त्ति उबरोहसीलयाए गहियाणि तेण । गओ वाणमंतरो तुट्ठो जयमंगल-निवो। पुच्छाविऊण जयसेहरनिवं दिण्णा जयसुंदरी कुसुमसेहरस्स । वित्तो महामहूसवेण विवाहो । धरिओ तत्थेव कइवयदिणाणि राइणा । पच्छा पडिपुण्णं काऊण वत्थाहरण-हिरण्ण-सुवण्णाईहिं दुहियरं पेसिओ कुमरो । कइवयपयाणएहिं पत्तो अहिमुहं नाम नयरिं। आवासिओ बाहिरियाए।
एत्यंतरे ‘हा ! मुट्ठा मुटु' त्ति' धावह धावह' त्ति उढिओ थीजणकोलाहलो । सण्णहिऊण नियसामग्गियाए धाविओ अहिमुह-नय राहिवो। थेव सामग्गिओ अहं ति कलिऊण गओ कुमर-समीवं । पणय-पुरस्सरं पुच्छिओ कुमारो तेण-"महाभाग ! हेमसुंदरी नाम मह धूया। मग्गिया अणेगहा अरिदमणसुएण सत्तुंजएण। न दिण्णा मए तस्स । तओ पओसमावण्णो ठिओ एत्तियं कालं। अज्ज पूण नयरबाहिरुज्जाणे कामदेव-पडिमं पूइऊण पडिनियत्ता महया चडगरेणागंतण मह माणं मलिऊण बला सा तेण गहिया बालिया। करेसु मे असहायस्स सहायत्तणं। ‘एवं हवउ' ति भणिऊण लग्गो मग्गेण कुसुमसेहरो । थेवंतरगयस्स मिलियं सत्तुंजय-बलस्म कुसुमसेहरबलं। गंगाजलं व जलहिणा रुदंतसत्तुंजय-बलेण तओ-- गज्जत मत्तगयघडं गुरुपहरभिण्णवरभडं, वज्जत समरतूरयं निवडत सत्थपूरयं, । हिंसंत तुरयसंचयं उधुटुपुव्वपरिसयं, मुच्चंत सहि-नाययं समावडियं दोण्ह वि बलाण महाभंडणं ।।२२३।। तम्मि य खलयणरिद्धीओ इव असुहाओ । परभयजणणीओ य निवडंति तिक्खभल्लीओ ॥२२४।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |