Page Text
________________
समत्त भो णाम वीओ अवसरो तत्थ य पवयणपभावणे अज्जखउडसूरिकहा
frofan वासरो । समासण्णीकया सभा । सयानिसण्णो सहामज्झे नरवई । समाहूया साहुणो । समागओ जोगभद्दो । पारद्धो वाओ । दिण्णो पुव्व-पक्खो साहूहिं जोगभद्दस्स । भणिउमाढत्तो । समागाढा पोरसी । नत्थि पमेय-पज्जतो । उट्टओ राया । विसज्जिया सहा । बीय दिवि तहेव भणियं जोगभद्देण । एवं तइयचउत्थम्मि दिणेसु तओ संकिया साणो । अहो अनिट्ठिय-पमेओ एस न नज्जइ कइया वि विरमिस्सइ । कह वा एयस्स एरिसा रिद्धी जाया ? ठिओ रयणीए साहु-संघो काउस्सग्गेण । आगया पवयण देवया । वंदिऊण जंपियमिमाए -- "भणओं संघो कि निमित्तमहं सुमरिया ?” गुत्तमंत साहुणा भणियं - "पवयणदेवि ! कहं जोगभहस्स परिसासत्ती ।" ताए भणियं -- " वयणकय - गुलिया माहप्पमेयं । भणिऊण गया देवया ।
यदि वा समए भणिओ गुत्तमंत- मुणिणा केसरराया -- "महाराय ! अणिट्टओ एस वाओ । जओ परसत्तीए एस पयंपइ ।” जोगभद्देण भणियं -- “नत्थि कोइ जो एयस्स अलियवाइणो निग्गहं करे ।" मुणिणा भणियं-"जो अलियवाई तस्स भविस्सइ निग्गहो ।" राइणा भणियं -- "केरिसा इमस्स पर सत्ती ?" मुणिणा भणियं - " अत्थि इस मुहे गुलिया । तीए सामत्थेणेयं प्रमेयं नज्जइ ।" मुणिणा भणियं -- निरूवावेउ इमस्स वयणं । णिच्छंत बला farsarai । दिट्ठा जसह गुलिया । दंसिया मज्झत्थाण । विलक्खीभूओ जोगभद्दो-- भणिओ अ सभासहि । संपयं ससत्तीए करेसु पमेयं । आढत्तो भणिउं ।
१८१
ओ पर पए पति अवसद्दा करे पुणो पुणो पमेयभंगं । असार-बइल्लो व्व न निव्वहs पमेय - भर भारुव्वहणे । यदि ठिओ जोगभद्दो अणुबीर काउमाढत्तो गुत्तमंतमुणी । `अणुवइऊण दूसियपुव्व-पक्खो पत्ता नरवइपुरओ जयपाया । विलक्ख-वयणो वारिज्जतो वि जणेहि पविसिऊण अग्गिकुंडे महया अट्टज्झाणेण मओ जोगभहो । मरिऊण समुप्पण्णो पयंड-वाणमंतरो । पउत्त-विन्मगेण वियाणिओ पुब्ववइयरो । कुविओ साहुवग्गस्स । अहिट्टिया नयरबाहिरियाए पडिय देउला निरावरणा एगा जक्ख-डिमा । दिट्ठा पभाए पसारियदीहकरा । देवच्चएण साहियं गंतूण नागरयाण । ते विधूवकडच्छुयहत्था मिलिऊण समागया । दिट्ठा जक्ख पडिमा । तहाविहभयभीयमाणसेहिं विण्णत्ता तेहि - "भयवं ! को तुमं ? भणसु कायव्वं, संहरसु करं ।" एत्यंतरे उट्ठिया नहयले वाया -- “समुद्धरेह मे मंदिरं, पूइएह मं वड्ढकराभिहाणं जखं । पयट्टेह महं महभवणे । अण्णहा नत्थि भे जीवियं ।" काऊण करयलंजली पडिवण्णं लोएण । तहेब hi frfar asओ । पुव्वभव वेरमुव्वहंतो जइ - जणमुवसग्गिउं आढत्तो । वड्ढकरो कारवेइ लोयं भत्ति तच्चणियाण पूयंति लोया राया य | भिक्खुणो न सहइ तत्थ वसंताण साहूणं । 'करेइ उवद्दवं सोवसग्गं ति कलिय तं नयरं मोत्तृण अण्णत्थ गया साहूणो । संचिता जाया सावयजणा । अहो ! अणारियं व वंतरेण कथं नयर - मिणं साहुसमागमं अहलो विय अम्हाण मणुवजम्मो को उण एत्थ उवाओ । नायं जहा भरुयच्छे विविहविज्जापारगा अज्ज खउडाभिहाणा सूरिणो चिट्ठेति । मा कयाइ ते उवसामिति काऊण संघ-समवायं पेसिओ साहु-संघाडओ । गंतूण कहिय ते । अज्जखउडाण संघ- समाएसेण गम्मउ खेडं । आय रिएहि भणियं -- "जं संघो समाइसइ तं कीरइ ।" रयणीए कइवयविज्जा-पयाणि जोगसीसस्स कहयंतो सुओ पच्छण्णसंठिएण भायणेज्ज चेल्लएण जेहि पत्ताणि आगासेण गच्छंति आगच्छंति य । गया सूरिणो खेड-नयरं । पओससमए पविट्ठा पढममेव वड्ढक्कर- जक्खालयं । अवलंबियाओ दो सुवि कण्णेसु पाणहाओ, गले पडिग्गहयं, सिरोवर मुक्को दंडओ, मुहाभिमुहं काऊणमवाणं सुत्तो सूरी। समागओ देवच्चओ । दट्ठूण तं तारिसं अवण्णं जक्खस्स गंतूण साहियं नागरगाण तेहि वि राइणो । समागओ राया नागरगा य । भणियं -" उट्ठावेह एयं" न उट्ठेइ, पच्छा उग्घाडिय मुहं लोएहि जाव अहिद्वाणं पेच्छति । एवं जत्तो जत्तो उघाडिज्ज ततो तो अवाणमेव दीसह । तओ कौवानल-पज्जलिय- माणसेण भणिया सोया रण्णा--"हणह एवं जहिच्छाए नस्थि भे अवरोहो ।" ते वि लेट्टुलउडगाईहि पहरिउमारद्वा । सूरिणा वि मंत-ससीए अंतउरे संकामिया पहारा ।
राहणा-
एत्यंतरे तुरियमागंतूण समावेसवसविलुलिय- सिय- केस - कलावेण सिग्धागमण समुप्पण्ण-सास- समाऊरियाणणेण विण्णत्तो राया अंतेउर -महल्लेण -- देव ! जं कं पि एत्थ करेह तेणासिवमंतेउरे पयट्टं । तुट्टंति काण वि अंतेउरियाण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |