Page Text
________________
१८०
मणोरमा-कहा
अण्णया पारद्धि-विणिग्गओ विणिवाइओ सो मईदेण। अहिसित्तो हं तस्स पए सव्वेण वि सयणवग्गेण । पइट्टावियं नामं कालमुहो। पणया सबरसंघाया। हणेमि गंतूण तेहि समं गामसत्थाइ खणावेमि खत्ताणि।
अण्णया सबरसेणा सहिओ गंतूण रयणीए पडिओ महासाराभिहाणगामे। गहियाणि दुप्पय-चउप्पय-धण-धण्णकंस-दूसाईणि पडिनियत्तो वेगेण । पविट्ठो नियपल्लि । पभाया रयणी। दंसियाणि सबरेहिं वंदाणि । दिट्ठो ताण मज्झे धणंजओ नाम नियमाउलो। पच्चभिण्णाओ सो मया । सो वि मं दळूण बाहजल-भरियलोयणो रोइउं पयत्तो ।
मिऊण निवेसिओ मए आसणे । पृच्छिया सयला जणयाइसयण-वग्गस्स कुसल-वत्ता। कहिया तेण जहट्रिया। मया वि तेण पुच्छिएण साहिओ सम्वोवि निय वइयरो। बाहजल-भरियलोयणेण जंपियं तेण--"वच्छ ! परिहरिया ताव तए सुहि-सयणा परं न परिच्च[इय]व्वो उभयलोग-सुहावहो जिणधम्मो ।" मए भणियं--"पम्हुट्ठो मे धम्ममग्गो । विगलिया धम्मवासणा । जइ तुमं कइवयदिणाणि इहेव चिट्ठसि तो पुणो वि अणुसंधेमि ।" पडिवण्णं तेण । ठिओ मास-पंचगं । गाहिओ हैं सावगधम्म कहियं सम्मत्त-पुरस्सरं देस-विरइ । सव्वविरईण फलं । मए भणियं--"असमत्थो हं सेसधम्मकरणस्स । पडिवण्णं मए अविरयसम्मदिद्वित्त । अरिहंतो देवो साहवो गुरु, सवण्णुपणीय-धम्मो धम्मोत्ति कया पडिवत्ती। महाभेरव-वंदण-प्रयणा उवाइयाइदाणं च पढममेव मोक्कलीकयं मया वंदिय पूइऊण अत्थपयाणेण पेसिओ सद्राणं
गो। गच्छंतेण दिण्णो उवएसो--“साहम्मि य वच्छल्लं कायव्वं वच्छेण ।" पडिवणं मए एवइयं काल न दिट्ठो कोवि साहम्मिओ। अज्ज पूण अणकल-विहिवसेण दिठो तुम। मिलिया परम-साहम्मिया साहणो । पत्तं मए जम्मजीवियफलं । तओ धरिऊण केवइयं कालं मेलिऊण सत्थभट्ठ-जणं उवयरिऊण दंतमोत्ताहलाइणा पणय-पुरस्सरं भणिओ पंचनंदी-“सत्थवाहपुत्त ! अण्णं पि भणसु जं इमिणा जणेण सिज्झइ।” तेण भणियं--"तहाकरे जहा कुसलेण लंघेमि कंताराडवि।" तओ गहिऊण कोदंडं सबरसेनासहिओ पत्थिओ पुरओ मग्गओ। पयट्टो सत्थो । लंघिया तिहिं दिणेहि अडवी । संपूइऊण वत्थाइणा भणिओ पंचनंदिणो सबराहिवो-- जइ विहु कम्मेण कुलं जाई विहु सुयणु ! तुज्झ अंतरिया। तहवि हु गुणेहि नज्जसि सुपुरिस जह उत्तमो कोवि । साहम्मिय वच्छल्लं जं भणियं जिणवरेहिं सिद्धंतो । तं मोत्तूण भवंतं अण्णत्थ नत्थि पडिपुण्ण ।।२१४।।
नित्थिण्णा य तुह सन्निज्ञण इमा महा अडवी । ता सटाणमलंकरेउ अज्जो'त्ति भणिऊण विसज्जिओ सबराहिवो। वंदिऊण साहणो पडिनियत्तो पत्तो सट्टाणं । सधम्म-संपउत्तो कालं गमेइ पंचनंदी। विढत्त-पउरदविणो विरसावसाणे सघरमागओ। जिणसाहपूयारओ दिणाणि गमेइ। कालमहो वि परिपालिऊण आउयं पंचपरमेट्ठि-सुमरण-पुरस्सरं मरिऊण समुप्पण्णो सोहम्मे मज्झिमाउसुरवरो। तओ चुओ कमेण सिद्धि गमिस्सइ । 'ता महाराय ! जहा कालमहेण साहम्मियवच्छल्लं कयं मंदधम्मे वि तहा अण्णेण वि धम्मत्थिणा कायव्वं ति ।।
पसंतायरिएण भणिओ सूरि विक्कमनिवो संपई पवयणपभावणा । तत्थ अज्जखउडसूरिणो उदाहरणं । तं च एवं-- अज्जखउडसृरिउदाहरणं
अत्थि इहेव मज्झिमखंडदाहिणदिसाभाए नम्मयानईतीरे भरुयच्छं नाम नयरं। तत्थ बहुयं विहागस-संपूण्णा आगमाभिगममुणियसयलवत्थुपरमत्थो आगमत्थ-मयरंद-बिंदु-संदोहपाण-लंपड-विणीय-विणेयगण-भसलावली विलिहिज्जिमाण-पायपंकया गच्छ-महाधुराधरण-धोरेयकंधराधारा-वलय-विलसंत-सरय-विलसंत-सरय-ससहर-समाणाकत्तिणो । लध्दाव लद्धासमाणवित्तिणो, विविहविज्जाचक्कचक्कवट्टिणो अज्जखउडो नाम सूरिणो परिवसंति ।
इओ य खंडपट्टणे जोगभद्दो नाम भिक्खू । साहुहिं समं वारण उवट्टिओ नरवइपुरओ । पराजिओ साहहिं । भग्गाभिमाणो विलक्खवयणो विणिग्गओ रायमंदिराओ नयराओ य गंतूण उत्तरावहे आराहिया सरस्सई । तूसिऊण दिण्णा तीए गुलिया । भणिओ य इमाए मुहगयाए अजओ तुमं । हरिसिय-माणसो पुणो वि समागओ खेडं । उबइओ वाएण । अहिखित्ता साहणो । कया नरवइपूरओ पइण्णा । जो हारइ तेण अग्गिपवेसेण मरियव्वं । पडिवण्णं राइणा ।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |