Page Text
________________
समत्सलभो णाम बीओ अवसरो तत्थ य वच्छल्ले पंचनंदिकहा
१७९
नाहेण पडहएण सव्वाए पल्लीए--"भो ! भो ! नाहला! जं जेण इमाओ सत्थाओ गहियं तं सो सव्वं समप्पेउ । अण्णहा सारीरो दंडो।" समप्पियं सबरेहि सव्वं कालमुहस्स । तेण वि पंचनंदिणो। जंपियं च -वयंस सत्थवाहपुत्त ! जहा ते साहवो गुरू तहा मज्झ वि ते सुगुरू-बुद्धी। कयं च परमत्थओ एवं पावंता कह मह सुद्धी। एसा य मज्झ पइण्णा। जह सत्ताहमज्झे साहणो न लहामि तो भयवईए पुरओ जलण-पवेसं करिस्सामि । पेसिया दिसोदिसि सबरा । अप्पणा य कइवयपुरिससमेओ पविठ्ठो कतारं । कया इओ तओ गवेसणा । वोलीणाणि पंचदिणाणि । न लद्धा कत्थ वि पउत्ती । आदन्ना कालमहधरिणी कालसंदरी नाम। गया चंडियाययणं । चलणेसु निवडिऊण विण्णत्ता चंडिया"भरावइ ! जइ सत्ताहमज्झे साहणो लभंति तो ते दोहिं पासंडेत्थेहि बलि देमि।" एवं भणिऊण गया घरं। सत्तमदिवसे अप्पडिपुण्ण-पइण्णो समागओ पल्लि पल्लिनाहो। भणिओ पल्लिनाहेण पंचनंदि--"महाभाग, दुज्जणजणेव उवयारा निप्फला जाया मे गवेसणा। अज्ज मे मरणवासरो। तुम पि अणुकूल-कम्मोदएणं सन्निहिओ ता तहा करेसु जहा परलोयआराहओ भवामि ।" एवं भणिऊण विवण्ण-वयण-परिवारिओ पंचनंदिणा सद्धि गओ चंडियायणं । पूइया चंडिया पडिओ चलणेसु । काऊण करयलंजलि भणिउमाढत्तो--"देवि ! दविय-महिसासुर-दप्प-हारिणि ! पणय-जण-विग्घहारिणि ! गिरिकंदरोदर-हरिणि ! पलयकाल-कंकाल-रूवधारिणी ! महाभेरवि ! अप्पडिपुण्णसमीहिओ मरामि तव पुरओ । जइ वि अहं तए अवहीरिओ तहविओ मह परियणे[ण]सम्म वट्टेज्जासु । भणिऊण निग्गओ दुवारदेसे । रयाविया भेरवी-भवणपुरओ खायर-कठेहि चिया। विहिय-पउमासणो निविट्ठो तयभंतरे कालमुहो। एत्यंतरे विणत्ता कालसुंदरी कुरंगकेसरेण--“सामिणि ! पावियं मए पुग्वगवेसावियं पासंडिजुयलं । तुह घरे मोत्तूण साहणत्थमागओ।" कालसुंदरीए वि विण्णत्तो कालमुहो--"अज्जउत्त! इच्छियं मए वि कि पि उवाइउयं पडिक्खसु तुम खणमेगं । जइ न जाया मे समीहियसिद्धी तहा वि सं दाऊण तए सद्धि जलणे पविसिस्सामि ।" पल्लिनाहेण भणियं-“एवं करेसु ।" गया सघरे । दिट्ठा साहुणो न जाणइ विसेसं । भणिओ अणाए कुरंगकेसरो--"अरे ! अरे ! लहुँ मज्जावेहि इमे। सो वि ण्हविउं आरद्धो। न मज्जंति साहुणो। बलावि मज्जाविया विलित्तगत्ता । रत्तचंदणेण कणवीरमालामालिया, वज्जतेणं तूरेणं कयण्हाणाए मोक्कल-बालाए वामकर-गहियसराए बहुजण-परिवारियाए अणुगम्ममाणाए कालसुंदरीए चालिया चामुंडाभवणं पइ साहुणो। पत्ता य कमेण दिट्ठा दूराओ चेव पंचनंदिणा पच्चभिण्णाया पहरिसवसनिब्भरमाणसेण साहियं सबराहिवस्स ते चेव इमे साहुणो जे अम्हेहिं सद्धि संचलिया। संभमेण भिल्लाहिवेण पंचनंदिणा सद्धि गंतण वंदिया भावसारं मुणिवरा खामिया य भयवं अण्णाणवसमोहियमहियमाणसेण जमम्हारिसजणेण संजम-सरीरपीडारइया भवयाणं तं खमियब्वं ।
तओ हरिसियमाणसा जाया सव्वे वि लोया। नीया साहुणो सबराहिवेण नियमंदिरं । दसिया वसही पाराविया पक्खोववासाओ धरिया तत्थ कइवयदिणाणि ।
अण्णम्मि दिणे रयणीए सुहनिसण्णो भणिओ सबरवई पंचनंदिणा । “कहं ते जिणधम्मपडिवत्ती साहम्मियवच्छल्लत्तण वा संजायं ? महतं मे कोऊहलं । कहेसु जइ कहणीयं होइ।" तेण भणियं--'सुणसु ।
सुहालयगामे सुंदरो नाम सावओ । तस्स सुनंदा भारिया ताण पुत्तो हं सागरो नाम । जाओ अट्ठवारिसिओ। पक्खित्तो लेहसालाए। अहिज्जियं किंच। अण्णया मरण-पज्जवसाणयाए जीवलोगस्स कालधम्मुणा संजुत्ता सुनंदा, परिणीया य तत्थेव वीरचंद-सावय-दुहिया वीरभद्दा नाम । सा य न मम भोयण-ण्हाणाइ कज्जेसु समं पयट्टए । अहं पि सीए न समं पयट्टामि। . .
सओ अण्णम्मि दिणे भणिओ पिउणा 'इमाए विणयपरेण होयव्वं जइ मह घरेण होयव्वं जइ मह घरेण कज्ज । तओ जणओ वि मं आणाए पेक्खइ ति अकहंतो चेव निग्गओ घराओ । समागओ इहं दिट्ठो कालकयंताभिहाणपस्सिवणा। समप्पिओ अपुत्ताए नियभारियाए । पडिवण्णो दोहिं वि पुत्तो।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |