Page Text
________________
१७८
मणोरमा-कहा
दिसो दिसि सबराइओ । तओ कतारमडतेहिं कयंत-भडेहिं व उन्भड-भिउडि-भासुरेहिं कालविकरालकायरसच्छदुपेच्छेहिं दिट्ठो पंचनंदी समं जायाए सबर-पुरिसेहिं । अण्णेहि पुण पओअणवसेण गच्छंता दिट्ठा भगवभिक्खुणो । ते वि ते गहिऊण पल्लिबाहि मिलिया। दो वि बंदिया पच्चभिण्णाओ भिक्खुणा पंचनंदी, पंचनंदिणा वि भिक्खू । दिट्ठ-पुष्वो अरिहदासीए नियकुलहरे गिहत्थपज्जाएण भगवो । तेण वि सा । सुयणसमागम पुवावर-वसणं च दळूण बाहाविल-लोयणा जाया भिक्खु-भगवा । खणमेगं तत्थ वीसमिऊण नीयाणि पल्लिवसइसमीवं। । तुठो सबराहिवो। सम्माणे विसज्जिया सबरा । पहावियाणि चत्तारि वि ताणि । काराविया महाभेरवीए पूया। आणियाणि ताणि चंडिया भवणासपणे तं च केरिसं-- नर-महिमेस-गो-गवय-करक-संघाय-घडियपायारं । पायारोवरि करिदंत-घडिय कवि-सीसय-सणाहं ।। गोउर-दुवार-तोरणलंबंताणेग-नर-सिर-समेयं । नरसिर-पडंतवायसकयविस्सरकरयरारावं ॥२०२।। उत्तुंगवेणुलंबिय अइ दीहर-वग्ध-चम्म-धयमालं । धयमालोवरि निवसंत-कुरर-संघाय-भयजणणं ।।२०३।। विसरिस-वज्जताउज्जसहसंतसउण-संघायं । गुरुसोगावेगरुयंत-दीण-बंदीजणाइण्णं ।।२०४।। नर-रुहिर-वसा-विलिहिय-तिसूल य रुइर-भित्ति भागिल्लं । पगलतरुहिर-गय-चम्म-विहिय-उल्लोय-करणिज्ज। पुरिसवसा-परिपूरिय-कवाल-पज्जलियमंगल-पईवं । डझंत-विल्ल-गुग्गुल-पवियंभिज्जधूमसंघायं ।।२०६।। नर-रुहिर-विहिय-मंडल-गुजाहल-दिण्ण-सत्थियसणाहं । डिंडीर-पिड-सत्थहवियाण लंबतवलचमरकं ।। गवललंबिररुंडमुंडमालाए रइयपूयाए । कर-गहिय-खग्ग-सूलाभिघाय-संभिण्ण-महिसाए ॥२०॥ महिसासुरमारूढाए सव्वकरगहिय तस्स पुच्छाए । लंबंतपउहरपलयकाल-कंकाल-रूवाए ।।२०९।। दप्पिय-महिसासुर-दिण्ण-कुरल-दिट्ठीए चुडुलीगल्लाए । महाभरे वि पडिमाए अहिट्ठियंता सजणणीए ।
तओ दळूण चितियं पंचनंदिणा । अवि नाम पलाएज्जा पाणी-सीहाओ वा वग्घाओ वा । जलाओ वा जलणाओ वा न उण सुकय-दुक्कयाओ।।
एवं चिंतयंतो समं जायाए पासंडिएहि य नीओ चंडिया पुरओ । विलत्ताणि रत्त-चंदणेण, लंबविया कंधराए रत्त-कणवीर-माला। समागओ कालमुहो। कड्ढियं कोसाओ मंडलग्गं । भणियाणि ताणि--"अरे ! एय-पज्जवसाणो तुम्हाण जीवलोगो । सुमरेह इट्ठदेवयं । मग्गेह मोत्तूण जीवियं अण्णं जं मग्गियव्वं ।” विगयसंकं जंपियं पंचनंदीणा'महाभाग ! नत्थि मे भयं मरणाओ परलोग-सहाओ य तुम। जइ सच्चमुल्लवसि, जइ संपज्जइ कुओं वि भवओ, ता जिणपडिमा दंसणं कारवेहि। जेणम्हो उवयारियं भवइ भवया।" कालमहेण भणियं--"कि तुम सावओ?" तेण भणियं'अत्थि ताव जम्मो सावयकुले ।' कालमुहेण भणियं-“का एसा तुह समासण्णा नारी?" पंचनंदीणा भणियं--"मझा चेव घरिणी।" कालमुहेण भणियं--"जइ एवं तो तुम्भे मह साहम्मियाणि ।" तओ तेण चलणेसु निवडिऊण खामियाणि संहरियं मंडलग्गं । भणिओ कुरंगकेसरो नाम नियपुरिसो---"अरे ! इमे दो वि पासंडिणो पयत्तेण रक्खेहि । जावण्णं नरनारिमिहुणं संपज्जइ पच्छा नियसमीहियं साहिस्सामो ।" 'जं सामी समाणवेइ' भणिऊण गहिया ते दो वि पासंडिया । पंचनंदी वि पणयपुरस्सरं चालिओ कालमुहेण नियमंदिरं । तेण भणियं--'महाभाग ! न जुत्तमेयं जमिमेहिं समं वसण-भयवुण्णलोयणे मोतूण अप्पणा नीहरिऊण गम्मइ । मिलियाणमेव जं हवइ तं हवउ ।' कालमुहेण भणियं-"जइ एवं तो इमे मोक्कला।" भणिओ कुरंगकेसरो-"अरे ! विसज्जेसु एए वयविसेस-धारिणो।" जहा समीहियं । 'जमाइसइ सामी' भणिय विसज्जिया जममुह-कुहर-विणिग्गयं अत्ताणयं मन्नमाणा गया ते सट्टाणं । नीओ. सघरं पल्लिनाहेण पंचनंदी । मज्जाविओ पवर-मज्जण-विहीए । संपूडओ वत्थाभरणाईहि । समागया भोयणवेला। निमंतिओ भोयणेण न पडिवण्णं पंचनंदिणा। तेण भणियं-"कि कारणं न भुज्जई?" पंचनंदिणा भणियं--"समागया मए सदि दोणि साहणो। सबरेहिं सत्थे विलोलिए न नजंति कहिं पि गया। न कप्पइ तेसि आमं कंद-मूल-फलाइयं, न वा नइकूय-तडागाइसचेयणं सलिलं, तेसु दुत्थिएसु कहमहं भुंजामि ?" तेण भणियं--"आमं । तओ घोसावियं पल्लि
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |