Page Text
________________
समत्तलंभो णाम बीओ अवसरो तत्थ य यच्छल्ले पंचगंदि कहा
एवं सुणिऊण चितिउमाढत्तो अज्जसाठो-
परलोगसंकिएणं चत्तं चरणं हयास हे हियय ! संपइ हवसु असंकं पुणो वि चरणं चिरं चरसु ।।१९३।। जसु कज्जह हुं उत्तसहितं होसइ निभंतु । भय संतत्तउं हे हियय हिंडि म कुलु मइलंतु । । १९४।। varan धम्म सिहुजिण निज्जामग तुल्लु । पाविवि भवसायरु तरहि हिया म हिंडहि भुल्लु ।।१९५।।
एवं संवेगरसायणेण भाविऊण अप्पाणं पच्छायावमावण्णेण भणियं सूरिणा -- " साहु णं कयं जमहं तए पडिबोहिओ । संपयं पुणो वि आलोइयपडिक्कतो पडिवज्जिऊण चरण धम्मं पंच- विहायारं परिपालेमि । पेच्छंतस्सेव सुरस आगम भणियविहिणा परिद्ववियआभरणं रित्तीकयं पडिग्गहयं । वंदिऊण भावसारं पसंसिऊण पयारं गओ सुरवरो । अज्जसाढसूरिवि गच्छमागओ दिण्णालोयणो गीयत्थाण परिपालिऊण निरइयारं सामण्णं समाराहिऊण मरणारोहणं काऊ गच्छ-सुछतं सुरलोगं गओ । ता भो नरपुंगव ! जहा चेल्लय- सुरेण धम्माओ परिवडंता पुणो वि धम्मे थिरीकया अज्जसाढसूरिणो तहा अण्णेण वि सइ सामत्थे जिणधम्माओ परिवडंतस्स जंतूणो थिरीकरणं कायव्वं ।।
१७७
इवाणि वच्छल्ले [पंचणंदि] उदाहरणं भण्णइ
अत्थि इहेव भारहे वासे कासीजणवयालंकारणं पंचउरं नाम पट्टणं । तत्थ य परमसम्मदिट्ठीसुवण्णनंदी नाम सेट्ठी परिवस | विसालसीला नामा से भारिया । जिणसाहुपयय-पंकयमहुरो पंचणंदी नाम ताण पुत्तो । अरिहदासी से भारिया ।
अण्णा पंचदी अणुणविय जणणी-जणए महया बलद्दसत्थेण पंचउराओ दक्खिणाहुत्तं सुवेलपट्टणं पड़ वाणिज्जेणं पत्थिओ । तेण सह संचलिया जिणचंदसुभचंदाभिहाणा दोण्णि साहुणो । कमेण वहंतो सत्थो पविट्ठो कालसंवरं नाम महावि-
।
सरह-सय-समय- माहिस-सद्द ल-विलोल-कोलक लियं - गयणग्गपत्ततरुवारियसूर - ससि - किरणं ॥ १९६ ॥ सरस-फल- पुट्ठे- दप्पिट्ट - चडुल-चललं तमक्कडाइण्णं गेय - गज्जियगुरु - पडिसद्द - भरिय बंभंड भीसणयं ॥ १९७॥ दरियमहरु जियस समुत्तट्टन हरिणजलं 1 farideमरari, वानर- बुक्काररमणिज्जं ॥१९८॥ निव्वरवराहघोणाभिघायजज्जरियपंकिल-जलं । दप्पुद्धुरकरिकरघायदलियगुरुताल - हितालं ॥ १९९॥ वहिण तीय सत्थे कइवय दियहाई रण्णमज्झम्मि । आवासिओ पएसे एगिम्म दिणावसाणम्मि || २००॥
ओ दीण - पुरिसोव्व अवलंबिय-करो अत्थगिरिमागओ दिणयरो । तमंधयारो जायाओ दिसाओ सत्थ- परिपेरंतेसु भमंति थाणय- पुरिसा । एत्यंतरे गुरुसिंगय -सह- पूरियंबरा 'हण हण' त्ति गब्भसहसवणसंजणियसत्थजणसंभमा निर्वाडिया कालमुह-सबराहिवसेणा पंचांदि - सत्थे । अण्णोष्णदीह-कोयंडाकड्डिय-सर-धोरणि-विभिज्जंत-सुहड-संघाय -वण-विणिग्गयरुहिर-धारासलिलसिंचंतधरणि रेणु-पंक-खुप्पंत-सत्थियजणं, जणकयकोलाहलभरियं बंभंडोदरं दरदीसंतनासंत-कायरजणं जायं सत्थिय - सुहडेहि सह सबराणमाओहणं । भग्गा सत्थ- सुहडेहिं सबरा दिसोदिसि पलाइउं पवत्ता । अण्णोण्णतज्जणा-जणिय-रोसपसरा पुणो वि पडिया सत्थे सबरा । वत्तणओ भग्गा सत्थिया एगरुक्ख-निवासिसउणगणा इव केवि कहं पि गया ।
इओ य कालमुह सब राहिवेण निय-तणयसरीरकारणे इच्छियमोवाइयं महाभेरवीए - 'देवि महाभेरवि ! पउणेहि मे तणयं जेणाहं ते पायपुरओ दोहिं पासंडिएहिं इत्थीसहिएण पुरिसेण य बलि देमि ।' भवियब्वयानिओगेण पटु-सरीरो जाओ पुत्तो । समप्पियं च सबरेहिं सत्थ-रित्थं । पुच्छिया सबराहिवेण - "कस्स संतिओ भे सत्थो लूडिओ ?" तेहि भणियं - "सामि ! पंचनंदिणो सत्थवाहपुत्तस्स ।" तेण भणियं-" भो भद्दा ! इच्छियं मए महाभेरवीए भयवईए ओवाइयं । तत्थ बलि- निमित्तं पाखंडिय - दुगेण सकलत्त- पुरिसेण य पओयणं । ता लधुं संपाडेह ।" 'जं सामी समाइसइ' भणिऊण गया
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |