________________
१७६
मणोरमा-कहा
अम्मा जाणइ सुण्हा सुण्हा जाणइ जारिसी अम्मा। संबुड्डा (?) ढक्कियं चिय मा फुट्ट'उ विल्लु विल्लेण ।१८२।
तओ ताओ एगचित्ताओ होऊण कालं गर्मिति । 'असंबद्धभासिणी एस'त्ति मोत्तण संजई गओ सूरि । 'दुविह धम्मतरु-बीय-कप्पो विज्जइ इमस्स दंसण-पक्खवाओ भवियव्वं गणेणं' ति चितियं देवेण । नगराओ निग्गंतुण लग्गो मग्गेण सूरी । पविट्ठो कंतारावि । बिउव्वियं देवेण चउरंग-बलसहियं कडगं नरवइपरिगयं । आवासियं कंतारमज्झे । पारद्धा भोयण-सामग्गी । हत्थि-खंधमारूढो इओ तओ परियडइ पत्थिओ । एत्थंतरे समागओ तं पएसं अज्जसाढो । दिट्ठो गयखंधमारूढेण राइणा । गओ तयभिमुहं संभमवसेण उत्तिण्णो करिवराओ । अहो मे धण्णया! अहो मे कयत्थया! अहो मे अणुकूला कम्मपरिणई ! अहो मे सुलहा सुगई ! पत्तं जं पावियव्वं कंताराडवी मझे वि जमेरिसं सुपत्तं पत्तंति भणभाणेण पहाण-परियण-सहिएण चलणरेणु-भूसियं निय-भालयलं कुणंतेण भावसारं बंदिओ सूरी । राइणा दंसियमासणं । निसण्णो तदणुरोहेण अज्ज-साढो। काऊण करयलंजलि पुरओ होऊण सविणयं जंपियं राइणा--"भयवं ! करेह ममाणुग्गह-सपरिवारस्स जिण-धम्मोवएसेण । करेसु भवकूवे पडताण हत्थालंबमम्हारिसाण ।" सुरिणा वि पारद्धा संवेग-जणणी-भवनिव्वेयकारिणी परमधम्म-देसणा । सद्धा-संवेगमावण्णो हरिसवसविणित-बाहजल-भरिय-लोयणो कयंबया पुप्फ व समुद्धसिय-रोम-कूवो सुणेइ नरवई।
___एत्यंतरे समोगाढा पउण पोरिसी। भणियं राइणा--"भयवं ! पडिलेहणा समओ वट्टइ। 'एवमेय'ति भणिऊण मुहणंतयं समाराहिया पडिलेहणा । पारद्धा पूणो वि धम्मदेसणा सूरिणा । राइणा भणियं-"भयवं! पत्तयं पडिलेहिज्जत।" सुरिणा भणियं-"पच्छा पडिलेहिस्सामि सुणेह ताव धम्मं ।" राइणा भणियं--"अहं चेव पडिलेहिस्सामि ! वियक्खणो हं जइ-सामायारीए । कुणह तुब्भे धम्मदेसणं।" तेण गहिओ पडिग्गहगो उग्घाडियं दुवारं। दिट्ठो विविहाभरणभरिओ। करे काऊण आभरणाणि विवण्ण-वयणेण निरूवियं सूरिवयणं । सूरि वि परमसंवेगमावण्णो 'दसणलाघवमेय'ति मण्णमाणोचितिउमाढत्तो
___सारय-ससहर-धवलो परम-मुणि-सेविए गुण-विसाले ।
हा ! कह निम्मल-नियकुल-मुहम्मि मसि-कुच्चओ दिण्णो ॥१८३॥ एसो राया अण्णे पाणिणो अप्पयं पि पावेण । दूरे धम्माओ कयं विपच्चयं संजणंतेण ॥१८४।। इणमेत्थ पत्तयालं मुणिऊण सयं विपच्चयमिमाण । दुग्गइगमण-निबंधण-मुत्तारेऊण वच्चामि ।१८५।। तओ भणियं सूरिणा-- मा मुणह एरिसच्चिय सव्वे वि जइ जिणंद-धम्मम्मि । रयणायरे व्व एत्थं सुसाहु-रयणाणि निवसंति।।१८६।। परिवडिय चरण-धम्मो गुरु-कम्मो कुपह-पत्थिओ मुढो । धम्मो जिण-पण्णत्तो अहं पमाणं न कायव्वो॥१८७।।
‘एस पडिबोहणसमओ'त्ति उवसंहरिऊण सिबिर-निवेसं काऊण चेल्लय-रूवं विहिऊणकरयलंजलि पुरओ होऊण भणिउमाढत्तो--"एसो हं तुह चेल्लओ जो तुम्हेहि सयमेव निज्जामिऊण देवत्तणं पत्तेण तए दंसणं दायव्वं ति पत्थिओ। पत्ता मए वेमाणियमज्झे दिव्वा देविड़ढी कइवय-देवपओयणाणि काऊण जावागच्छामि ताव चलियं देवाणप्पियाणं माणसं । उन्निक्खमिउमारद्धा। न सुंदरमिणं । जओनिप्फाइऊण सीसे दीहं परिपालिऊण परियायं । विसय-विसागयकप्पं पढिऊण जिणागमं विलं ॥१८८।। लहिऊण गणहरपयं सुद्धं मग्गं परूवियं बहुहा । जइ सावयाण परमं सामायारिं पदंसित्ता ॥१८९॥ सारीर-माणसाणेग-दुक्ख-संताव-तवियं देहाण । देहीणामयबुद्धि व्व देवि धम्मोवएसं च ॥१९०।। तुच्छाग असाराणं कइवयदियहाण धम्मविग्घाण । दुग्गइ निबंधणणं भोगाण कए किलिस्संति ।।१९१।। तुम्हारिसा वि जइ पहुचरणं चइऊण मोक्खसुहहेउं । ता मुद्ध ! धम्मविरया अण्णत्थ कहि समल्लियउ ।१९२।।
Jain Education International 2010_04
For Private & Personal Use Only
www.jainelibrary.org