Page Text
________________
१८२
मणोरमा कहा
कण्णा, मुसुमूरिज्जति रयण-कुंडलाणि, नहंगणाओ इव तारया निवडंति तुट्टिऊण धरणीयले तारहारया । अण्णाओ गरुय-लउडाभिघायण - जज्जरियउत्तिमंग गलंतसोणिय-बिंदु-संदोह - संसित्त-धरणीयलाओ । काओ वि निविड- मोग्गर-पहारपह्यमम्मट्ठाण-विहलंघल- सरीराओ मुच्छावसविमीलिया लोयण्णाओ णिण्णिमेस निप्फंदाओ चित्ते लिहियाओ इव महीयलगयाओ चिट्ठति । सरूवसाहगा चेव अम्हे । जं जुत्तं तं देवो वियाणइ ।" एवं भणिऊण मोणमासिओ । संसुद्ध - चित्ते चितियं राइणा -- ' सिद्धो एस महप्पा । अयाणमाणेण मए कोविओ न परिणामसुंदरमेयं । खामेमि संपयं ।' सयमेव उत्तरिऊण गयवराओ गओ सूरिसमीवं । विहिऊण पणामं काऊण चलणग्गहं विष्णविउमाढत्तो--" अण्णाणवसगेण जं ए अवरद्धं खमेउ तं भयवं ! पणयजण वच्छला चेष सप्पुरिसा भवंति ।" पुणो पुणो एवं भणते नराहिवे जंभाइयं काऊ उट्ठिओ सूरी । भणिओ वड्ढक्करो -- "अरे ! गुज्झगा एयम्मि तुहाययणे न जणाओ अम्हे सोविउं पि लभामो तुमं किमागच्छसि ?" एवं भणिऊण चलिया अज्ज-खउडा फिडंता मग्गाणुलग्गाओ जक्ख पडिमा । नीहरंतेण अण्णाणि विजक्ख [र]क्ख [स] दुग्गा-गणाहिव-मायर-पमुहाणि देवरूवाणि आमंतियाणि तह दुवारदेस - संठियाणि पुरिससहस्सवाहीणि महाकुंडाणि । दोणि ताणि वि भणियाणि तुम्हे वि आगमिस्सह । ताणि वि तहेव चलियाणि । पविट्ठो नयरमज्झे । पाडिज्जति पाहाणेहि हट्ट घर-गोउर- दुवाराणि, उवद्द्विज्जंति लोया । विणत्तो राय - नागरएहि सूरी -- "पसायं काऊण भयवं ! विसज्जेसु देवयाणि सट्ठाणं, जेणेस उवषो विरमद नयरस्स ।" भणिओ सूरिणा -- "वड्ढकारी गुज्झगा सट्टणमलंकहि ।" अण्णाणि वि देवयाणि विसज्जियाणि गयाणि सव्वाणि सट्ठाणं धरियाणि दो वि पत्थर कुंडाणि । तत्थेव भणियं च "जो मए सरिसो सो इमाणि सद्वाणं पाणिस्सह । एवं पवयण- पभावणं काऊण ठिओ तत्थेव समागया साहुणो । संजाय सव्वत्थ खेम । करेइ भत्ती साहूणं राया लोगा य । काराविया तत्थेव वासावासं सावगेहिं सूरिणो ।
इओ य भरुयच्छे चितियं बालचिल्लएण - ' जाणिया मए विज्जाकण्णाहेडएणं जीए भायणाणि गयणेण गच्छंति साहूणं मज्झे संठिएहि कि पि पाविज्जइ । न पविसामि भिक्खुमज्झे दंसेमि अइसयं उवासयाण जेण पूया-भायणं भवामि ।' तहेव कयं । भोयणवेलाए सुमरेह विज्जं । वच्वंति नहह्यलेण भिक्खुभायणाणि । अवयरंति समीहिअ उवासयघरे विविह-आहारभरियाणि चंदण चच्चिक्कियाणि कुसुमकयपूयाणि समुक्खित्त-धूयाणि वज्जंतेण वद्धावणय-तुरेण हेट्ठयि य मंगलमुह -साविय -सावय-सहस्सेहिं सच्चविज्जताणि पुणो वि नहयलेण समागच्छति । पसंसिज्जइ बुद्ध- सासणं लोएण । निरइसयं ति कलिय हीलिज्जह जिणसासणं । दूमिज्जंति साहु सावया । अणण्णोवाय-सज्झमेयं पओयणं ति चितिऊण पेसिओ अज्जखउडाण आणयणनिमित्तं खेडे साहुसंघाडओ | गंतूण तेण सविणयं भणिया सूरिणो-- "भयवंत भायणिज्जेण विणासियं कज्जं । साहिओ सब्बो वि वइयरो।" सूरिणा भणियं - " भणह कि कायव्वं ।" आगंतुयजड़हिं भणियं - " आगंतूण तत्थ करेह पवयणुभावणं एस संघाएसो ।" 'जं संघो आणवेइ'त्ति भणिऊण तक्खणाचेव चलिया भरुयच्छाभिमुहं सूरिणो । पत्ता परिमिय- दिणेहिं । पच्छण्णमेव पविट्ठा | वंदिया चलिया साहु-सावयजणेण । पुच्छिओ वृत्तो । कहिओ सवित्थरो । भोयणवेलाए नहयलेण गयाणि भिक्खु भायणाणि । तहेव पडिनियत्ताणि । विउब्विया पुरओ सूरिणा नहयले महल्लिया फलिहसिला । अभि [ णिव्य]ट्टाणि तत्थ खुड्डयपमुहभायणाणि । खडखडारावं कुणंताणि महीयलि निवडियाणि । विच्छायवयणा जाया बुद्धोवासया । मुणिओ वुत्तंतो चेल्लएण 'नूणं मामगो समागओ' त्ति भयभीओ पल्लाणो नगराओ। गओ बुद्ध-विहारं सूरी बहुजणपरिवरिओ । भणिओ भिक्खूहि - "सुद्धोर्याणि वंदाहि गंतूण " भणिओ सूरिणा -- “ सुद्धोयणिपुत्तगा ममं वदाहि ।" एवं भणिए पणया पडिमा । लज्जिया भिक्खूणो । परोप्परं मुहाणि अवलोउं पयसा बुद्धोवासगेहि । पणमिउण भणिया सूरिणो- "विट्ठो तुम्ह सामस्थो । पुणो वि आसणबंधं कारावेसु पडिमं ।" सूरिणा वि भणिया-बुद्धपडिमा -- "गच्छ सद्वाणं ।" तहेव ठिया । नीहरंतेण दिट्ठ जगईए मज्झट्ठियं सिलासंचय पडियं महंत शुभं । तं पि भणियं-- "मह चलणेसु निषडसु" भणियमेत्तं च तं पि नमियं । "तुमं एवं क्षेत्र चिट्ठसु" तहेव ठियं । अज्ञ्ज वि तत्थ सुम्बइ 'नियंठे[ज] नामियं' ति । गया निययठाणं सूरिणों । पसंसिउमारद्धा सब्वे वि लोया सवण्णुसासणं । पहसियवयणा जाया सावया । ता भो सूरविक्कम नराहिव ! एवं पत्रयण- पभावणार अण्ण a सम्मत्ताइगणगरिण जत्तो कायव्वो ।
1
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |