Page Text
________________
समत्तलंभो णाम बीओ अवसरो तत्थ य अज्जसाढसूरिकहा
_____ता भयवं ! जहा तस्स सरणभूयाओ मरणं जायं तहा मज्झ वि तुमाओ ।” “अइपंडिओसि बालय !" भणिऊणं सो वि निहणं पाविओ । गयिमाहरणं पयट्टो अग्गओ । देवेण चितियं--'तेउ-काए वि निरवेक्खो ।' तओ विउविओ चउत्थदारगो । सो वि तहेव सरणमागओ । पुच्छिओ य सूरिणा--"को तुम? किमभिहाणो वा ?" तेण भणियं-- “वाउक्काइयनामो दारओ। चोरभएण तह समीवमागओ।" सूरी वि अकज्जमायरिउमारद्धो । तेण भणियं--"सूण दिळेंतं एगे।"
एगम्मि नयरे सूरतेओ नाम पुरिसो परिवसइ । सिग्घवेगो धावंतो तुरंगमे वि परिजिणइ । कुरंगयकमेलगाई विप्फडेई अइतरलत्तणओ।
अण्णया गहिओ वाहिणा । थक्काणि सयलंगाणि । संकुडियंगो दंडग्गलग्गो किच्छेण संचरइ । दिट्ठो एगेण पुव्वपरिचियपुरिसेण । सोवहासं भणिओ तेण-- धावण' पवण समत्यो पुब्बि होऊण संपयं' कीस? दंड गहियग्नहत्थो, वयंस ! कि नामओ वाही ? ।१६-१ तेण भणियं-- जेट्टासाढेसु मासेसु जो सुहो वाइ मारुओ । तेण मे भज्जए अंग जायं मे सरणओ भयं ।।१६९।।
"ता भयवं ! जहा तस्स सरणनिबंधणपवणाओ मरणं तहा मज्झ वि तुमाओ ।” “अइपंडिओसि बालय !" भणंतेण सो वि पेसिओ कयंत-निकेयणं । गहियमाहरणं छढं पडिग्गहग्गे चलिओ अग्गओ। देवेण चितियं--"वाउजीवे वि निरवेक्खो।" विउव्विओ पंचमदारओ। सो वि तहेव सरणत्थमागओ । पुच्छिओ य "को तुम?" तेण भणियं---- "वणस्सइकाइयाभिहाणो दारओ। कयंततुल्लं तेण कयत्थणा भयसंभंतो तुह समीवमागओ ता भवाहि सरणं ।" सूरिणा वि विणासिउमारद्धो । तेण भणियं--'सुण, ताव एगमक्खाणयं" कहिउमारद्धो--
विझाडविमझे एगो महइमहालओ सिंबलि-पायवो । निरुवद्दवो त्ति एसो कलिऊण कयमेगेण सुगेण तत्थ नीडं । परिवसइ सुहंसुहेण ।
अण्णया वासारत्तसलिलसित्ता समंतओ परिवेढयंती समारूढा तम्मि महइ महंतिया एगा वेल्ली । तयाधारण समारुहिऊण एगेण धीवरेण पक्खित्तं पायवोवरि जालं । पडिओ सो सुगो । तत्थ गहिओ धीवरेण । पढियं च तेण सुगेण । जाव वुत्थं सुहवुत्थं पायवे निरुवद्दवे । मूलाओ उठ्ठिया वल्ली जायं मे सरणओ भयं ॥१७०।।
"ता भयवं ! जहा सुगेण पायवो सरणमस्सिओ तो चेव तस्स मरणं जायं । तहा तुम पि मए सरणं पडिवण्णो तुमाओ चेव मरणमुवट्ठियं ।” “अइपंडिओसि बालय !" भणिऊण सो वि पेसिओ कयंते पाहुणओ । गहियमाहरणजायं । देवेण चितियं--'वणस्सइकाए वि निरवेक्खो ।' तओ विउव्यिओ छट्ठो दारओ आभरणभरभज्जत-गत्तो भय-संभंत-लोयणो पत्तो सूरिसमीवं । पुच्छिओ सूरिणा--"को तुम ?" तेण भणियं--"भयवं ! मुणिजणाणुकंपणिज्जो नियपुत्तो व्व परमायरेण पालणिज्जो तसकाइयाभिहाणो कहकह वि तक्करहितो नासिऊण तुह सरणे समागओ । रक्खेसु मं पयत्तेण ।" सूरिणा चितियं--"अणुकुलो मज्झ विही कल्लाणस्सोवरिकल्लाणं करेइ"त्ति चितिऊण वहपरिणओ भणिओ दारगेण--"न जुत्तं तुम्हारिसाण चत्तसयल-सावज्ज-कज्जाण, समसत्तु-मित्ताण तुल्लकंचण-कयवराण साहु-परिपालणीयजणे पावकरणं ।” सूरिणा भणियं-“मा बहुं पलवसु, सुमर इट्ठदेवयं सुदिट्ट करेहि जीवलोगं ।" दारगेण भणियं--"जइ एवं तहावि ताव आहरण-दुगं निसामेहि ।” सूरिणा भणियं-"कहेसु ।" १ लंघण २ पुत्वं ३ संपइं ४ दंडलइयग्गं (उत्त. नि. १२९)
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |