Page Text
________________
मणोरमा-कहाँ
एगम्मि नयरे [सयमेव राया चोरो] पुरोहिओ भंडेइ। तओ दो वि मिलिया पच्छा चोरिऊण ईसर-घराणि पमत्तजणाणि समागच्छइ । साहेइ राइणो । रयणीए राया सयमेव खत्तं खणेई । नीणेड दविणजायं । गंतूण कहेइ लोगो मंतिणो । मंती वि राइणो । राया वि अलियवयहिं नायरे समासासेइ न य विरमइ चोरियाओ । तओ नयरप्पहाणेहि सयमेव रयणीए पच्छण्णं निरूवयंतेहि दिट्ठो भंडयंतो उवरोहिओ रयणीए, चोरियं कुणंतो राया । पभाए जणसमुदयं काऊण सणियं भणियमेएहिजत्थ राया सयं चोरो भंडिओ य पुरोहिओ। वणं भयह नागरया जायं ते सरणओ भयं ।।१७१।।
ता भयवं जहा तस्स नयरलोयस्स सरणभूय-नरवइणो समीवाओ भयं तहा मज्झ वि तुमाओ--बीयं पुण कहाणयं एवं--
गंगासेहरगामो । गंगडो माहणो । गंगसिरी भारिया । गंगदत्ता दुहिया । अण्णया अहीणवपरिणीयं परमनेवत्थवत्याइयसरीरं पढमजोठवणे वट्टमाणं दळूण नियहियं गंगदत्तं अज्झोववण्णो गंगडो । समीहिया संपत्तीए खिज्जिउमारद्धो । अण्णम्मि दिणे पुच्छिओ रहसि बंभणीए । लज्जंतो न कहेइ । बीयदिणे वि पुच्छिओ निब्बंधेण साहियमणेण जहद्रियं । बंभणीए भणियं--"अहमेयं ते संपाडिस्सामि । पच्छा पायच्छित्तं वरेज्जस् ।" बंभणेण भणियं--"लज्जाकरणमेयं ।" तीए भणियं--"अलं लज्जाए यतो वेदेप्युक्तं--'प्रजापतिः स्वां हितरमकामयत'।" बंभषण भणियं--"अइनिउणिए नियदुहियाए अहं लज्जामि ।" तीए भणियं--"तहा करिस्सामि जहा न सा तुमं वियाणइ ।" तेण भणियं-- "एवं करेहि ।" बोलीणो वासरो । धरिया एगते गंगदत्ता । भणिया य सिणेहसारं-"पुत्ति ! अम्हाण कुले एसा मेरा--'परमं कण्णया रयणीए तमंधयारघरे जवखेण समं संवसइ, पच्छा पइणा न सो तए अवमाणेयव्यो ।" गंगदत्ताए
। वि कुलकप्पो सो कीरइ ।" बंभणीए भणियं--"अज्जेव कीरइ ।” पडिवण्ण मिमाए । पओस-समए चेव पक्खिविऊण मुक्का एगम्मि ओअरए । पढम-पहराइक्कमे पवेसिओ गंगडो । रमिया तेण गंगदत्ता । गंगडो वि इच्छिय संपत्तीए सहपसूत्तो! चितियं च तीए--'दिदा ताव मए मणसा न उण कत्थ वि जक्खा । ता निरूवेमि एयं । करेमि सहलं लोयण-जुयलं । सहरिसमुदिऊण पज्जालिओ तीए पईवो। दिटठो गंगडो । तेण वि सा पलोइया । जायाणि विगयलज्जाणि । विज्झाविऊण पईवं विसयसुहमणुहविऊण रइकिलंताणि निब्भरनिदाए पसुत्ताणि ताव जाव उग्गओ सूरिओ । समागया गंगसिरी दुवारदेसे होऊण पढियमिमाए-- अचिरुग्गए य सूरिए चेइय थूभगए य वायसे । घरभित्तिगए य आयवे, सहि ! सुहिओ [हु] जणो न बुज्झए ।। गंगदत्ताए पडिभणियं- . सयमेव य अंब हे ! लवे, मा हु विमाणय जक्खमागयं । जक्खाहडए हु तायए, अण्णिदाणि गवेस तायय ।। गंगसिरीए भणियं' नवमासकुच्छिधारी पमुत्तपुरिसे य गोलिए । धूया मे हडे भत्ता जायं मे सरणओ भयं ।।१७४।।
___ ता भयवं ! जहा गंगसिरीए नियधूया सरणभूया वि भयकारणं जाया'तहा तुम पि मए सरणबुद्धीए पडिवण्णो मरणकारणं जाओ । “अइपंडिओसि बालय !" भणंतेण पंचत्तं पाविओ । गहिऊण अलंकारं भरिओ पडिग्गहगो परमाणंदभरनिब्भरो अज्जसाढसूरि तक्करभयभीओ दिसोदिसं पलोइंतो पत्थिओ पहे । देवेण चितियं-"तसकायनिवायणं पि जलप्पोट्टसममिमस्स । संपयं विसयपडिबंधं पइ परिक्खेमि जइ पयणुओ विसयाणुरागो तो सुह-पडिबोहो"त्ति चितिऊण दंसियं अडविमझे--
१.
नवमासा कुच्छीइ धारिया पासवणे पुलिसे य महिए । धया मे गेहिए हडे सलणए असलणए य मे जायए ॥१३७॥ (उस नि)
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |