Page Text
________________
समत्तलंभो णाम बीओ अवसरो तत्थ य थिरीकरणे अज्जसाठ कहा
खेयं मण्णंति । सावय-जणस्स वि अगिलाए धम्मदेसणं कुणंति । किं बहुणा! पंचविहायार- परिपालण रयाण वच्चइ कालो ।
अण्णया तिब्ब-सरीर-कारणपीडिअपडिवण्णाणसणो पासट्ठिएहि पडियरिएहि मरणसमए सविसेसं आलोयाविओ दुचरियं, कारावेऊण आराहणं सुमरावेऊण नमोक्कारं, पत्थिओ एगो साहू सूरीहि-- "तुमं हि समाराहियपज्जंताराहणो अण्णतरेसु वेमाणियसुरेसु उववज्जिहिसि तो आगंतूण दायव्वं तए अम्ह दंसणं जेण सव्वो वि साहुवग्गो थिरो भवइ जिणधम्मे ।" तेण 'तह'त्ति पडिवण्णं । मरिऊण समुप्पण्णो सोहम्मे सुरवरो । अवरावरदेव-करण वाउलयाए पम्हुट्ठसंकेएण न दिण्णं सूरीण दंसणं । एवं बिओ वि साहू निज्झामिओ सो वि देवेसु तेण वि तहेव न दिण्णं दंसण ं । एवं तइय चउत्थो पंचम य न केण विदिण्णं सुमिणे वि दंसणं । कइवयदिणावसाणे अपडु सरीरो जाओ लहु खुद्दओ । सो पुण 'बालो' ति काऊ अणुकंप णिज्जो सविसेस सिणेहट्ठाणं सूरीण न मुंचति तयंतियं । समासासिति तं कोमलवयणेहि उवज्झहिंति धम्मगुणपसंसणेण, पडियरंति पइदिणं विसेसेण । पासट्ठिया सूरिणो पज्जंतसमए निज्जामिऊण विहिपुव्वं भणिओ चेल्लगो सूरिणा -- "वच्छ ! ताव मए एत्तिया साहुणो निज्जामिया पत्थिया य, न केण वि सुमिणमेतं पि दंसियं । तुम पुण देवत्तं पत्तेणावस्सं मह अप्पा पयासियव्वो । 'तहत्ति' पडिवण्णं खुडएण । मरिऊण गओ देवलोयं । देवकज्ज करणarasो जावज्जवि उवओगं न दे ताव चितियं सूरिणा - हद्धी, पत्थिया मए सव्वे वि साहुणो । विसेसेण चेल्लओ न केण वि दिणं दंसणं । संकइ मे माणसं किमत्थि नत्थि वा सुहासुह-कम्मकारण- फलभूओ परलोगो ? अलं संकाए निच्छओ चेव एस जओ न कोई परलोगाओ इंतो दीसइ ।
परलोय कए कीस तव चरण- पालणं एयं । परलोयम्मि असंते मुहा किलेसो इमो सव्वो ।। १५८।। पासंडेण निहओ इह लोगो परभवो वि जइ नत्थि । ता उभयलोगो विहलो निरत्थओ हारिओ जम्मो ॥। १५९ ।। दिट्ठ मोदि पत्थितो उभयवंचिओ होइ । जह वंजुलपब्भट्ठो खेयर -पय- लंपडावंगो ।। १६०॥ ता धम्मेण न कज्जं अज्जेमि धणं मुयामि पासंडं । गच्छामि अण्णदेसं विसए सेवामि दिट्ठफल ।।१६१॥
१७१
एवं विचिता - समाउलस्स परिवडिय सम्मत्तस्स वोलीणो वासरो । समागया रयणी । पुव्वपओगेणेव काऊण आवस्सगाइयमणुद्वाणं निद्दा - पमायमुवागएसु साहूसु गहिऊण पडिग्गहगं अलक्खिओ चेव निग्गओ सूरि । परिवडिय - परिणामो संजातासुहवित्तो चलिओ दक्खिणदिसाहुसं ।
एत्यंतरे दिण्णो उवओगो चेल्लयसुरेण । दिट्ठो उष्णिक्खमिओ मणो एगागी अडविमज्झे परिव्वयंतो अज्जसाढो । चितियं चाणेण -- "धम्मायरिओ मम एस परिवडियचरणपरिणामो य वट्ट । ता जइ एयं पुणो वि चरणे ठवेमि तो सुंदर उवयरियं भवइ । "जओ -- भणियं सुय- केवलिणा-
जो जंग जम्मि ठाणे ठाविओ दंसणे व चरणे वा । सो तं तओ चुयंतं तम्मि ठविरं भवे निरिणो ।। १६२ ।।
'ताकि सुहपडिबोहो दुहपडिबोहो वा ? करेमि परिक्खं । दंसेमि पुढविकाइयाभिहाणे डिभ-रूवधारए विविहाभरण- विभूसियंगे भय-संतट्ठे इमस्स चेव सरणमुवागच्छंते छप्पि जीवनिकाए । जइ तेसि मंगुलं न करिस्सइ तो सुहपण्णवगो । अह तेसि वहे पर्यट्टिस्सइ तो नियत्तणओ दुहपण्णवणिज्जो'त्ति चितिऊण परिक्खणत्थं देवमायाए हारअद्धहार-तिसरय-किरीड-कुंडल कडय-कंकण- सुवण्णसंकल-झुंबणयंगुलीययाभरण भरिज्जत सरीरोभयसंभंतो तरल-तारयं पुणो पच्छाहुत्तं नियंतो 'भयवं ! सरणं भयवं सरणं 'त्ति खलंतक्खरं जपतो डिभरूवधारी पत्तो अज्ज -साढसूरि समीवं । सूरिणा भणियं -- “ अरे ! को तुमं ?" तेण भणियं -- "भयवं ! पुढविकाइयाभिहाणो हं दारओ । तक्करेहि पारद्धो कह कह वि पलाइऊण तुह सरणमागओ रक्खेहि संपयं ।" सूरिणा चितियमहो ! संपण्णं समीहियं विविह-विलासनिबंधणं महाधणं । सुणा अडवीए मारिऊण एवं पुढविकाइय-दारयं गिण्हामि आभरणाणि । तहेव काउंमाढत्तो । भणिओ दारएण -- "भयवं ! करुणामय - मय रहर - सव्वण्णुसीसो तुमं । पवज्जागहणसमए वि चउव्विह संघ समक्खं पञ्चक्खायं तए पुढविकाइय-मारणस्स । सच्च पइण्णा य तवस्सिणो भवंति । कहमकज्जमेयं समायरसि ?” असुणंतेण तव्वयणं मारिउ
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |