Page Text
________________
मणोरमा-कहा
पडिसोयपरम्मुहो गुणिजणमच्छरी वेसविडंबगपासत्थाइजणो तब्वासियसावयजणो वि दीसइ । किमंगपुण विवरीयदंसणजणो। ता जइ तित्थयरवयणे बहुमाणो गोयमाइ समणसीहेसु असाहारणा भत्ती। आगम-परतंतया वा विज्जइ । ता तेसिमवहासमगणंतेण धम्मत्थिणा तहा तहा निरइआरगुणगण-परिपालणे पयत्तो कायव्वो । जहा करतलागयाणि हवंति सयलकल्लाणाणि । “भयवं! एवमेवं नत्थेत्थ संदेहो ।" भणिऊण निवडिओ चलणेसु जिणसेहरो जगभद्दसूरिणो ठिया धम्मदेसणा। जहागयं पडिगया परिसा। इओ सद्दाविओ राइणा जिणसेहरो । नीओ पुरिसेहिं राय-समीवं । अकयपणामो चेव निसण्णो उचियासणे । कोवावेस-रत्तच्छ-दुप्पेच्छेण भणिओ राइणा--"अरे ! कूडाभिमाणविणडिय ! पविठो ते दंडो । तेण भणिय--"को वि पवेसिओ अन्नो चिठ्ठइ ।" पुव्वमंतिणा भणियं--"अरे ! चिरं खमियं महाराएण अज्ज दंडं पवेसेहि पणामं वा महारायस्स करेहि अण्णहा नत्थि ते जीवियं ।" जिणसेहरेण भणियं"जइ ऊसुयमणो तो जं भे रोयइ तं करेह ।"
तओ समाणत्तो वज्झो राइणा। गाढं कयत्थिऊण बहुजणपरिवेढिओ नीओ मसाणं, पउणीकया सूलिया, भणिओ जिणसेहरो रायपुरिसेहिं-"अत्थमिओ ते जीवलोओ सुमरेसु इटु-देवयं ।" जिणसेहरो वि दाऊण सिद्धाणमालोयणं खामिऊण सयल-सत्ते धरिऊण पंचपरमेट्ठिणो माणसे पडिवज्जिऊण सागारमणसणं बंधिऊण पऊमासणं ठिओ पुव्वाभिमुहो । भणिया पुरिसा-"संपयं जं रोयइ तं करेह।" समारोविओ तेहिं सूलाए। जाया सुवण्णसीहासणं सूलिया। पच्छा पहरंता थंभिया देवेण पुरिसा । विम्हिय-माणसेहिं निवेइयं राइणो । समागओ नगर-जण-परिवारिओ राया । देवो वि काऊण पयडरूवं हार-विराइय-वच्छत्थलो रयणविणिम्मियपवरकुंडल-विलिहिज्जमाणगंडत्थलो दिणयरकरपुंजो व्व दुप्पेच्छणिज्जो चम्म-चक्खणं । विणय-विहियकर-संपुडो जिणसेहरं भणिउमाढत्तो--"धण्णो तुमं जिणसेहर ! जस्स णं चमरे असुरिंदे असुरराया अणेगाणं भवणवासिदेव-देवि-सयसहस्साणं मज्झ गए एवं गुणकित्तणं करेइ । 'नत्थि णं से देवे वा दाणवे वा जक्खे वा गंधव्वेइ वा महोरगे वा माणुसे वा जेणं जिणसेहरे जिणसाहुसाहम्मिए मोत्तूण अत्तणो वा परस्स वा धणपाण-परिच्चाए वि पणामं न करेइ । ता सच्चे णं एस सच्चे णं ए[स] सच्चे णं ए[स] अ णं ए[स] सद्धे जच्चसुवण्णयं कस-छेय-तावेहिं निव्वडिए तुम ठाणे गुणबहुमाणो चमरचंचाहिवस्स अहं पुण तुह परिक्षणनिमित्तमागओ। परिक्खिओ अतो अहो ! न चलिओ तुमं थेवं पि नियनियमाणुट्ठाणाओ । अमोहं च देवदंसणं भण कि ते पियं करेमि ?" जिणसेहरेण भणियं--"जहा निवितो जिण-साहु-पाय-पूयणं करेमि तहा करेम । न मे अण्णेण पओयणं भविस्सइ।" एवं ति भणिऊण असणं गओ देवो । जिणसेहरो वि खामिऊण सबहमाणं करे घेत्तुण राइणा हत्थि-खंधमारोविओ सयलनागरजणेण य पसंसिज्जतो पविसिओ नगरि। समप्पिया राइणा महा न पडिच्छिया जिणसेहरेण । तओ वत्थाहरण-दाणेण सम्माणिऊण भणिओ राइणा “नत्थि ते महावराहे वि दंडो उस्सुको उक्करो वियरसु जहिच्छाए" 'धम्मपसाओ एसो'त्ति भणिऊण पत्तो नियमंदिरं । जिणसेहरो निवडिओ चलणेसु जणणि-जणएहिं वि साणंदमुवगूहिऊण मुक्को समाणो पविट्ठो-भवणाभंतरे दिट्ठो एगो कोणो सुवण्णभरिओ, बीओ रुप्पस्स, तइओ रयणाण, चउत्थो नाणाविह-नाणयाण । चितियमणेण-'देवेण कयमेवं संभाविज्जइ।' एवं पि धम्मविलसियमेव । समाहृया अम्मापियरो दंसिओ अत्थवित्थारो। हरिसिय-माणसेहिं पुच्छियमणेहि--"पुत्ता ! कत्तो एसा विभूई ?" तेण भणियं--"धम्म[गणावज्जिएण देवेण दिण्णा।
तओ ताण वि जाओ सविसेसो धम्म-बहमाणो जिण-साहु-साहम्मि य पूयापराण वच्चइ कालो।
अण्णया परिवालिऊण निरइयारं सम्मत्तं काऊण अणसणं, मरिऊण गओ बंभलोयं जिणसेहरो। तत्थ दस सागरोवमाणि परिपालिऊण आउयं तओ चुओ महाविदेहे सिज्झिही । 'अण्णेण वि धम्मत्थिणा एवं गुणोव[ज्जणा] कायव्वा जहा चमरेण कयाणि जिणसेहरस्स ति '।। संपइ थिरीकरणे [अज्जसाढसूरि] उदाहरणं भण्णइ
____अत्थि इहेव जंबुद्दीवे दीवे भरहभूसणं खिइपट्ठियं नयरं । तत्थ णं जगप्पहाणागम-साहुसीसपरिवारा अज्जसाढाभिहाणा सूरिणो विरंति । निय सीस-वग्गस्स अणवरयं वायणाइ पयच्छति । साहूण साहु-सामायारि पदंसंता न
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |