Page Text
________________
१६८
मणोरमा-कहा
कायव्वं । अओ संकडमेयं ।" तेहिं भणियं--"तुमं चेव वियाणसि ।" तओ तेण साभावियमइविहवेण चितिऊण कारावियं मुद्दा-रयणं । तत्थ इंदनीलमणिम्मि जुगाइजिणपडिमा । तओ काऊण दाहिणकरे मुद्दारयणं गओ रायंतियं जिणसेहरो । कयसम्माणो उवविट्ठो उचियासणे । पुच्छिओ राइणा-'किं कायव्वं ? तेण भणियं--"जं महाराओ आणवेइ ।" हरिसियमणे समप्पिया सहत्थेण मुद्दा राइणा । पडिच्छिया तेण पडिमं पुरओ काउं पणओ नरवइस्स । दिण्णाणि राइणा नियअंगलग्गाणि वत्थाभरणाणि । पणया सामंतनागरया दुक्का गयवरसमारूढो जिणसेहरो चउरंगवलपरि वारिओ समागओ सभवणं । उत्तिन्नो गयवराओ पणओ अम्मा-पिईणं । अणिच्छंतो वि वद्धाविओ नायरजणेण । नरिंदपसाय-परंपरमणहवंतो गमेड कालं ।
अण्णया देवेण विप्परिणामिओ नरिंदो । न करेइ तहाविहं पडिवत्ति । जह राया मंदायरो तहा तहा संजायइ पिसुणपवेसो । वियाणिऊण वत्थुपरमत्थं विणतो राया पुव्वमंतिणा--"देव ! एस अमच्चो तुम्ह सिरिमुव जइ, न उण पणाम पि देवस्स करेइ ।" राइणा भणियं-"पच्चक्खविरुद्धं [पुव्वमंतिणा भणियं-] "अत्थि तस्स मुद्दारयणे जिणपडिमा । तीए सो पणामं करेइ ।" बीय दिणे समागओ मंती । पणओ तहेव । राइणा भणियं--"अमच्च ! सच्चं वत्तव्वं । तए एस पणामो कस्स कओ ?" तेण भणियं-"सचराचर-जीव-निक्कारण-बंधवस्स सयल-जय-जीव-पियामहस्स तिहयणगुरुणो जगाइजिणस्स" दंसियं मुद्दारयणं दिट्टा तत्थ पडिमा । "अरे ! ममं पि वियारेसि ?" रुट्ठो राया । धराविओ तत्थेव । लसावियं मंदिरं । निव्वत्तिओ दंडो। पक्खित्तो कारागारे. जिणसेहरो । भणाविओ य राइणा--"दंडं वा पवेसेहि पणामं वा करेहि ।" तेण भणियं-- “साहूचलणे मोत्तूण न अण्णस्स पणामं करेमि ।" दंडं पूण अत्थसंपत्तीए पवेसिस्सामि । नाऊण निच्छ्यं नीहराविओ कारागाराओ । रायपुरिसेहि रक्खिज्जंतो नयरमज्झे वणिसग्गिउमाढत्तो (?) 'अहो ! एस कुग्गह-गह-गहिओ अपण्णवणिज्जो' त्ति हीलिज्जतो पाययजणेण कालमइवाहेइ ।
अण्णया समागओ ओहिनाण-मुणिय-रूइ-वत्थु-परमत्थो जुगभद्दो नाम आयरिओ। पेसिओ वसहिनिमित्तं नयरमज्झे साह-संघाडओ । नयरं पविसंतो दिट्ठो जिणसेहरेण वंदिऊण सबहुमाणं पुच्छिया-"केण भे पयोयणं?" तेहिं भणियं--"आयरियाण कए वसहिं मग्गामो ?" तेण भणियं--"एह, दंसेमि वसहिं ।" गया तेण समं । दंसिया जाणसाला । समागया सूरिणो वंदिया जिणसेहरेण समागया य नयरलोया । पत्थुया भगवया धम्म-देसणा । परूवियं निरइयार-संमत्तपरिपालणफलं । तओ लद्धावसरेण जंपियं जिणसेहरेण--"भयवं! निरइयार-सम्मत्त-परिपालणं कणंतो हसिज्जइ पूरिसो अयाणयजणेण ता किं कायव्वं ?" सूरिणा भणियं--"अविवेइजणवयणाणि कण्णे अकूणंतो चेव फल-भायणं हवइ पुरिसो । जहा वसुसेट्ठी पुत्तो वसुसारो ।" जिणसेहरेण भणियं--"भयवं! को एस वसुसारो?" सूरिणा भणियं--'सुणसु' वसुसारसेट्टिकहा--
अत्थि समुद्दतीरे तारापहं नाम नयरं । वसू नाम तत्थ सेट्ठी परिवसइ । वसुसारो तस्स पुत्तो। भोगसमत्थस्स वरिया जसमित्त-सेद्वि-धूया धवलसिरी नाम । विवाहिया महामहूसवेण । तीए सह विसय-सुहमणुहवंतस्स बच्चइ कालो वसुसारस्स । अण्णया मरण-पज्जवसाणयाए जीवलोयस्स समागओ मरणसमओ वसूसेट्रिणो । भणिओ अणेण सबहमाणं सद्दावेऊण वसुसारो “वच्छ! जं पिऊणा कायव्वं तुज्झ मए कयं सव्वं । जओ-गाहियाओ कलाओ। कारिओ दारसंगहं । समप्पिया कमागया लच्छी । भलाविओ नरिंदस्स, ता असोयणिज्जो तुम, किंतु जइ कहवि विहिवसेण लच्छी खिज्जेज्ज ता इमम्मि घरए मंजूसामज्झे पत्तयं निरूवेज्जासि जं तत्थ भणियं तमविगप्पं कुणमाणो पुणो वि लच्छि पाविहसि । पडिसुयमणेण । उवरओ वसुसेट्ठी । काऊण मय-किच्चाणि कालेण विसोगीभूओ वसुसारो। वच्चइ कालो। . अण्णया अंतराय-कम्मदोसेण परीक्खीणं से सव्वं पि दव्वं । समागयं परम-दालिदं परिभविज्जइ पए-पए लोएण। जओ
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |