Page Text
________________
मणोरमा - कहा
१६६
“सुंदरि ! खंडिय-वयाणं इहलोगो चेव पालिय-वयाणं उभयं पि हवइ । भणह किमंगीकरेमि ?” रविसुंदरीए भणियं“अज्जउत्त ! जहा उभयं संपज्जइ तहा करेसु । समासण्णो य परलोगो अप्पवसगाणं बहुमओ । ममावि इमस्स वि किलेसायासहेऊणो देहस्स परिच्चाओ । एवमवत्थिए तुमं पमाणं ।" संगमेण भणियं -- “ सुंदरि ! अभिण्ण-चित्ता मे तुमं । ता किं एत्थ अवरं भणीयs 'पडिवण्णं मए सह समागमो परलोए भवउत्ति संपहारिऊण गहियं अणसणं । तीए भणियं -- "पुज्जंतु मणोरहा ममं पि अणुजाण । अहवा भत्तारदेवायाओ इत्थियाओ । जं सो करेइ
ताहि पिकावं । अओ अणुमयमेवापुच्छियाओ सहीओ, खामिया जणणि जणया " मा साहसं मा साहस' ति वारिज्जमाणी वि जणेण, 'जम्मंतरे वि इमिणा चैव भत्तुणा अविउत्ता हवेज्ज' त्ति काऊण पणिहाणं पडिवण्णा अणसणं । ठियाई सहकारपायवस्स हेट्ठओ चित्तलिहियाई व निन्निमेसपरोप्परालोयणपराई जीविऊण मासमेगं निरसणाई तओ मरिऊण जाओ संगमो वंतरी । इयरी वि वंतरी । ठियाई तत्थ परोप्परं नेहाणुरताणि । तओ चुयाई संगमो सिरिहरो जाओ । रविसिरी वि सामला । संवढिओ पुव्वभवब्भासेणाणुराओ । संगमसुहमलहंताणि सुण्णमाणसाणि कामगण यावत्थं पावियाणि । जओ-- दस कामावत्थाओ-
चिते दट्टुमिच्छे दीहं नीससइ तह जरो दाहो । भत्तअरोचगमुच्छा, उम्मत्तो न याणई मरणं ।। १५३।। पढमे सोय वेगे दट्टु तमिच्छई बीय वेगे । नीससइ तइय वेगे आरुहइ जरो चत्यंसि || १५४।। द पंचमवेगे छट्ठे भत्तं न रोयए वेगे । सत्तमम्मिय मुच्छा अट्ठमए होइ उम्मतो || १५५।। नवमे न याण किंचि वि दत्तमे पाणेहि मुंबई मणूसो । कामावत्था एया नायव्वा आणुपुव्वीए ।। १५६ ।।
एवं सुणिय संविग्गा जाया सयलपरिसा । काऊण जहारिहं धम्मपडिवत्ति जहागयं पडिगया । दिण्णा राइणा सामला हरिऊण लिंग सिरिहरस्स । जायाणि सत्याणि । निव्विसयाणि आणत्ताणि नरिदेण । पसंसिओ सयल नरवइपमुहलोएण अरहचंदो - " अहो ! तए समं वियाणिओ कज्जपरिणामो ।” जाओ नारायणो परमसावओ । अण्णेण वि लोएण जिण धम्मपसंसाए बढाई बोहि - बीयाई । पसंतायरीएहि भणियं - “भो महाराय ! जहा अरिहचंदो तहा अण्णेण विसुद्ध सम्मत्त-परिपालणमभिलसंतेण अमूढदिट्टिणा होयव्वं "त्ति उवएसो ।
संपयं उबवूहाए [जिण सेहरसेट्ठि] उदाहरणं भण्णइ
अत्थि इहेव भारहेवासे बहुरिद्धि-मुह-गुण- गण - जणिय- जग-मण-तोस सुतोस नाम नयरं । निय पयावक्कतानेगमंति-सामं [ताइ] मउलि-माला-पगलंत-मयरंद-बिंदु-संदोह - पिंजरिय-पायवीढो पडिहयसत्तू नाम राया । तत्थ जिणधम्मो नाम सेट्ठी । वीयराय-पय-पंकय-महुयरी - महुर- वयण-रंजिय-सयल-परिजणा अरिहसिरी नाम भारिया । बहुमणोरहसहि मज्झिमवर वट्टमाणीए समुप्पण्णो सुओ । पट्ठावियं मासावसाणे जिणसेहरो त्ति नामं । बालो वि निज्जइ पइदिणं जिणभवणं । दंसिज्जति जिणपडिमाओ काराविज्जह पणामं । पाडिज्जइ मुणिजण चलणासु । कमेण पवड्ढमाणो जाओ अदुवाfरसिओ । समप्पिओ पसत्थवासरे कलायरियस्स थेववासमज्झे चेव कयं सयलकलागहणं । सविसेसं परिणया धम्मकला मोतृण जिणं जिणमयं जिणमयट्ठियं च जण सेसमसारं ' ति मन्नेइ । उचिय समए परिणाविओ मलयसिरी । नियगुण-रंजिय-सयल-नयरलोओ, सम्मओ सयल-कज्जेसु रायामच्च सामंताण, ठविओ जिणधम्मसेट्टिणा कुडुंबसामिओ । पज्जुवासेइ आगमकुसलं मुणिजणं । सुणेइ तयंतिए सुद्धसिद्धतोवदेसं भाविज्जई माणसम्मि, पाणच्चाए वि न करेइ मिच्छादिट्टिए ओयणाणि । परिहरइ परतित्थियाण वंदण-पूयण- दाणाइयं वियरइ पराए भत्तीए आयाणुग्गह- बुद्धीए अकयमकारियमसंकप्पियमसणाइयं सुसाहूणं । एवं विसुद्ध सम्मत्तरयणसमलंकियं सावय-धम्मं परिपालयंतस्स वच्चति वासरा जिणसेहरस्स ।
इओ य चमरचचाए रायहाणीए चमरसीहासणम्मि सुहनिसण्णगाणं असुराणं असुरीण य आहेव कुणमाणे चमरे असुरिंदे असुरराया केवलकप्पं जंबुद्दीवं ओहिणा आभोएमाणे विहरइ । पासइ य सुतोसनयरे जिणसेहरं सावयं । पसंसेइ बहूणं भवणवासिदेवाणं देवीण य पुरओ-- "धष्णेणं जिणसेहरे सावए, कयत्थेणं जिणसेहरे
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |