Page Text
________________
समत्तलंभो णाम बीओ अवसरो तरथ य अमूढदिट्ठिम्मि अरिहचंदसावयकहाए सिरिहरसामलाणं पुटवभवकहा
१६५
अत्थि इहेव भारहेवासे सिरिसुंदरनामनयरं । सिरिदत्तो सेट्ठि । मज्झिमवए वट्टमाणस्स बहुहिं उवाइअ-सएहि समप्पण्णो तस्स पूत्तो । पइद्रावियं मासावसाणे नामं संगमओ । कमेण पवड्ढमाणो जाओ अट्रवारिसिओ । दिण्णा य तस्स तत्थेव वत्थव्वएण रवितेय-सेट्टिणा निय दुहिया रविसिरी नाम कण्णया । वित्तं वरणयं । अइक्कतो केवइ कालो। एत्थंतरे विचित्तयाए कम्मपरिणामस्स करिकण्णं व चंचलत्तणओ सिरीए विगलिओ विह्वो सिरिदत्त-सेट्रिणो। अप्पणा वि पाविओ पंचत्तं । संगमी वि अवमाणणीओ दरिदं त्ति कलिय परिभविओ सयणपरियणेण। करितस्स वि व[व]सायं कम्मदोसेण विहलं संपज्जइ। दुत्तरीहूयं नियपोट्टं पि । गहिओ विसाएण । वियंभिओ रणरणओ। पवड्ढिया अरई। तओ चितियमणेण-"किमिह चिरपरिचियजणमझे अत्ताणय-विडंबणकरणेण । गच्छामि देसंतरंजओ-- पुरिसेण माणधणवज्जिएण परिखीणभागधिज्जेण । ते देसा गंतव्वा जत्थ सवासा न दीसंति ।।१५२।।
तओ असाहिऊण परियणस्स विणिग्गओ पयट्टो पुन्वाभिमुहं । गओ थेवं भूमिभागं । मिलिओ चिरपरिचिओ समंतभद्दो नाम भिक्खू । पच्चभिण्णाओ संगमो, तेण चलणेसु पडिऊण परुण्णो संगमो । कहकहवि पच्चभिण्णाओ भिक्खुणा। पुच्छिओ य तेण--"वच्छ संगम ! कहं ते ईइसी अवत्था? कहं वा तं पत्थिओ?" संगमेण भणियं--
पर-विरुद्ध-कारिणं देव्वं पुच्छसु । जेण ताय-पुत्तो भविय विणावराहेण ईइस अवत्थं पाविओम्हि ।" भिक्खणा भणियं--"वच्छ ! अवि कुसलं ते तायस्स?" संगमेण भणियं--"भयवं ! परिपालियसुपुरिसमग्गस्स सुरलोयमणुगयस्सं वि कसलं तायस्स। असलं पूण ताय-वंस-विडंबगस्स पुरिस-संखा-पूरगस्स अजागल-थण-तुल्लनर-जम्मस्स उभयलोय-फलसाहणासमत्थस्स संगमस्स।" समंतभद्देण भणियं--"वच्छ ! अवि अत्थमिओ सो बंधुजण-कुमयायरविबोहण-सरय-ससी। अहो ! दारुणया संसारस्स, अहो ! निरवेक्खया मच्चुणो, अहवा सयल-सुरासुरनर तिरिय-साहारणो अप्पडियारो खु एसो ता किमेत्थ परिदेविएण? धम्मो चेव एयस्स ओसहं । उभयलोय-फल-साहणसमत्थो ते वच्छा पुरिसयारसझं फल-विवेगउच्छाहमूलो य पुरिसयारो । उभयसंपण्णो य तुमं पयइनिगुणे संसारे परलोय-फल-साहणं चेव सुंदरं । जोगो य
मिण भणिय--"भयव ! जइ जोगो ता आइसह कि मए कायव्वं?" भिक्खुणा भणियं--"वच्छ ! इमं चेव भिक्खुत्तणं ।” साहिओ संखेवेण नियकिरियाकलावो परिणओ एयस्स । अइक्कता केइ दिअहा। दिण्णा य से दिक्खा। करेइ विहियाणुट्ठाणं ।
इओ य सा रविसिरी पव्वइओ मे पिओ कुओ वि अवगच्छिऊणं भत्तारदेवया नारि त्ति धम्मपरा जाया । विसयविमुहा वि तइंससुया विरहदुब्बलंगी. कालं गमे [६] । कइवयकालाओ गहियभिक्खु-लिंगो समागओ तण्णय रपच्चासण्णं तवोवणं संगमओ । निसुओ एस वृत्तंतो रविसिरीए । अणुण्णविय जणणि-जणए गया वंदणनिमित्तं । दिट्ठो य अणाए सहयार-किसलयनिविट्ठो संगमो । अमयसंगमेण व सित्ताई से लोयणाई। समप्पण्ण सज्झस-वेवियाई अंगाई। संभमाइसएण मच्छिया एसा। परित्तायह ! परित्तायह ! भणंतीहिं अक्कंदियं सहीहि कारुण्णपहाणयाए उढिओ संगमो। 'किमेय'ति पुच्छ्यिमणेण । साहियं से सहीहिं 'एसा खु रवितेअ-सेट्ठि-दुहिया रविसिरी नाम कण्णया ।' गुरुविदिण्णं भवंतमेव भत्तारं एयावत्थमवलोइऊण मोहमुवगया । सुमरियपुववृत्तंतेण चिंतियमणेण-“अहो ! मे पिययमाए दढाणुरागया। गहिओ सो वि सोएण । वियलिओ सुहपरिणामो । उल्लसिओ सिणेहाणुबंधो। आणिऊण समासण्ण सरसीओ नलिणी-दल-पुडएण पाणियं सित्ता सव्वंगेसु रविसिरी। लद्धा चेयणाए उम्मीलियं लोयण-जुयलमिमाए। सज्झस-पवेविरंगी उट्ठिया एसा । हरिस-विसायगब्भिणं नीससियमिमीए । फुरियं बिबाहरेण । पुलइयाई अंगाई ईसियलियतारयं पलोइउमारद्धा।
एत्थंतरम्मि दुज्जयाए मयणस्स, सयलाणत्थ-निबंधणत्थ-निबंधणयाए जोव्वणस्स, रम्मयाए विलासाणं, विचित्तयाए काणणस्स, आवज्जिय से चित्तं । चितिउं च पवत्तो 'हंत ! किमेत्थ जुत्त'त्ति। एगतो वयभंगो अण्णत्तो अणुरत्तजणपरिवज्जणं उभयं पि महंत । सुयं च मए गुरुसमीवे-'जहा अखंडिय-वयाणं जम्मतरे धुवो अत्थि य लाभो। हिययइच्छिओ य मे इमीए समागमो । ता अखंडियवओ काऊण पणिहाणपुरस्सरमणसणं परिचएमि जीवियं जेणोभयलोगाराहणं कयं हवइ । साहेमि इमीए निययाभिप्पायं। किमेसा पडिवज्जइ त्ति न वा?" चितिऊण भणिया सा तेण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |