Page Text
________________
मणोरमा-कहा
जोगसाराए चितिय-लंघिओ एस सिणेहाणुबंधेण । ता तीए विरागपयडणेण उत्तारेमि एयस्साणुरायं । निग्गया परिव्वाइया गया सामला समीवे। साहिओ तीए सव्वो वि सिरिहर-वइयरो। सा वि पयडिय-मयण-वियारा बाहजलभरियलोयणा विमक्क-दीहण्ह-नीसासा निरुद्धसह रोविलं पयत्ता । एसा वि मयणसरसल्लियंगी दढाणरागा सिरिहरे वराइ त्ति विभाविऊण अलियाणकलवयणेहि समासासिऊण सामलं गया परिव्वाइया सिरिहरसमीवे, भणिओय सो गया हं तीए समीवं । भणिया य सा मए एगते जहा-"तुह समागम समीहइ सिरिहरो। तओ निम्भिऊण जंपियमिमाए"किं निट्ठिया पुहईए पुरिसा? जेणाहं तेण सह समागमं करिस्सामि । तुम पि असंबद्धभासिणी न पुणो वि इमिणा वइयरेण मह समीवमागंतव्वं"ति भणिऊण निद्धाडिया नियमंदिराओ। अहं पत्ता तुह समीवं। संपयं जमुचियं तं करेहि । एवं भणिऊण निग्गया जोगसारा । सिरिहरो वि गाढयरं मयणानलजणियसरीर-संतावो विलविउमाढत्तोहा हियय ! अव्यवस्थिय अगणिज्जतो वि तं जणं महसि । कंडं व सिलावडियं अलद्धलक्खो नियत्तिहिसि ।। हा हियय ! हीण साहस ! वियलियमाहप्पचत्तलज्जोसि । जत्थ गओन गणिज्जसि तम्मि जणे कुणसि अणुरायं ।। हा हियय ! किं किलम्मसिदुल्लहजणअलियसंगमासाए। हरिणो व्व मूढमायण्हियाहिं दूर हरिज्जिहिसि ।। हा हियय ! लज्जावज्जियदुल्लहलभं जणं वि मरगतो । आयासएएहि भमंतपावपडिऊण भज्जिहसि ।। हा हिहय ! विरागिल्ले रागिल्लं हवसि तं न तुह जुत्तं । अह वारियं न थक्कासि भुंजसु ता मूढ ! दुक्खाई ।। हा पाणपिए ! सुहए मुंच मणं सामले ममेदाणि। मा फुट्टतेण समं तुम पि इमिणा विणिस्सिहसि ।।१५०।।
एवं सदुक्खा विलवंतो निययपओयणागएहि दिट्ठो अरिहचंद-नारायणेहि । पणमिओ नारायणेण । सिरिहरेण भणियं--"सुयणु सामले ! सागयं ते चिराओ दिट्ठासि?" मुणियमयण-वियारेणं जंपियं अरिहचंदेण-न एसा सामला पिया जा सुपत्त-परिग्गहेण सग्गं गमिस्सइ। तओ विलक्ख-वयणो निग्गओ नारायणो पिटुओ अरिहचंदो। गया निय-नियभवणेसु । सिरिहरो वि कामगहगहियमाणसो उम्मलिणीभूओ 'सामला सामले'त्ति समुल्लवंतो बहुडिभपरिवारिओ छारंगारकयवरेसु लोट्टतो कत्थइ गायंतो कत्थइ किलि[कि]लसइं कुणंतो नयरस्स तिय-चउक्क-चच्चरेसु परियडतो दिट्ठो निज्जहनिसण्णेण राहणा। पुच्छिओ समासण्णपुरिसो। “को एस एवं गह-गहिओ ब्व परियडइ ?" सुविणिच्छियं काऊण साहियं तेण जहट्टियं नरवइणो। चितियं च रण्णा एवंविहा वि कामपिसाएण नडिज्जति जंतुणो। अहवाताच्चिय धम्मपरो ताव सलज्जो य पंडिओ ताव । ताविदियाण वसगो जाव न मयणो वियंभेइ ॥१५१।।
सामला वि तम्विओयानल-दज्झमाणमाणसा असंठवियनियंसणा विलुलतकेसपासा विगलंतुत्तरिज्जा काम-गहिया 'सिरिहर मह माणसं हरिऊण कहिं गओ देहि दंसण' ति भणमाणी नयरमज्झेण हिंडंती आसवाहणिया निग्गएण दिट्ठा राइणा पुट्टा य “का एसा?" साहियं आसण्णवत्तिणा। मुणिय पुव्वावर-वुत्तंतेण पुरिसेण चिंतियं राइणा-'एसा वि वराई धम्मणेहेण विणडिज्जइ एवं संविग्ग-माणसो गओ नयरबाहिरियाए। वाहिया तुरंगमा ।
एत्यंतरे तिलयनंदणुज्जाणे आवडियसुक्क-झाणस्स वियलिय-घणघाय-कम्मगंठिणो अपुव्वकरणमारूढस्स समुप्पण्ण खवगसेठिणो उल्लसियजीववीरियस्स पबद्रमाणसुह-परिणामस्स समुप्पण्णं केवलनाणं विमलजससाहुणो। कया अहासन्निहियवंतरेहि केवलिमहिमा-सोहियं उज्जाण-मज्झाओ तिण-सक्करकंटयाईयं वुटुं गंधोदयं मुक्का दसद्धवण्णाकुसुमवुट्ठी । समागया वंदणवडियाए नायरया । दळूण बहुजणपूरपूरियं उज्जाणं पुच्छ्यि राइणा-"किमेयम्मि उज्जाणे महूसवो? को वि जेणेस लोगो मिलिओ दीस?" मंतिणा भणियं-"महाराय ! कलिंगाहिवस्स विमलजस-राइणो पडिवण्ण-समणलिंगस्स तीयाणागयवट्टमाणवत्थ-वियाणगं केवलनाणं समप्पण्णं । तस्स बंदणनिमित्तं एस लोगो मिलिओ।" रण्णा भणियं"अम्हे वि वच्चामो।" गओ राया वंदिओ केवली। पारद्धा केवलिणा धम्मदेसणा। छिण्णा जणाण अणेगे संसया ।
एयम्मि अवसरे सो सिरिहरो डिभविंदपरिवारिओ आगओ तमुज्जाणं । संजायकारुण्णेण पुच्छिओ केवली राइणा"भयवं! किं कारणं एस सिरिहरी नारायण-सेट्ठि-दुहिय। सामला य अण्णमण्णनामग्गहणं कुणंताणि गह-गहियाणीव नयर-मज्झे परियडंति ?" केवलिणा भणियं--"सूणेह ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |