Page Text
________________
१६२
मणोरमा-कहा
कमलोवरि निसण्णो नहयले दंसेइ विविहरूवाणि । आणेइ आगरिसण-मंतेण दूरट्ठियाणि वत्थूणि । दळूण विविहाइसयसंपण्णं सिरिहरं हरिसिओ हियए हरहंसो कयत्थमप्पाणयं मण्णंतो आउयक्खएण मरिऊण सकम्म-फल-भोई जाओ। सो वि काऊण कइवयदिणाणि गुरुमरण-सोयं पच्छा जहिच्छाए वियरिउमारद्धो । विम्हावंतो मिलिओ सन्बो वि नायरजणो। के वि कयकरयल-संपुडा जयज[यारवेहि] बहिरियदियंतरा भत्तिभर-नमंतुत्तिमंगा पुणो पुणो पणामं करेंति । एगे धूय-कडुच्छुय-हत्था उड्ढमुहा धूयं डहति । अण्णे गयणंगणे पुप्फंजलीओ मयंति । अवरे वत्थंचलेण वीयंति । बहजणसंमदं दळूण पुच्छिओ राइणा समासण्णो पुरिसो--"भो किमेस लोगो संपिंडिओ दीसइ?" विण्णायवुत्तत्तेण कहियं तेण-जहट्ठियं । जायकोऊहलो गओ तस्स राया वंदण-निमित्तं । विम्हयउप्फुल्ललोयणेण वंदिऊण सबहुमाणं निमंतिओ नियघरे भोयणेण राइणा। पडिवण्णं सिरिहरेण। हरिसिय-चित्तो गओ सट्टाणं राया। काराविया भोयण-सामग्गी । पत्त-वेलाए पेसियं सिरिहराणणनिमित्तं नरिदेण जंपाणं । तमारुहिऊण उभय-पासढलंत-सिय-चामरो उवरि-धरिय-सियायवत्तो, वीहिमझमज्झेणं सयलणेगमजणेण सबहुमाणमब्भुट्टिज्जंतो पत्तो अरिहचंदसावयावणसमीवे । दिण्णा तयभिमुहं दिठी सिरिहरेण । अरिहचंदो वि अकयवंदण-प्रयणो अब्भदाणेण वि अकयपडिवत्ती तह ठिओ चेव ठिओ। दमिओ मणाग मणे सिरिहरो। पत्तो रायभवणं । भोयाविओ परमविणएण राइणा। भोयणावसाणे विलित्तो घणसारमीस-सारसिरिखंडेण । दाऊण पुप्फ-तंबोलाइयं वंदिऊण विसज्जिओ तेणेव विहिणा। समागओ अरिहचंद-हट्टसमीवे धरावियं जंपाणं । ठिओ खणमेगं तह वि वयणमेत्तेण वि अकयपडिवत्ती अरिहचंदेण विलक्ख-वयणो गओ-नियआवासं सिरिहरो। नियत्ता रायपुरिसा । चितिउं पयत्तो परिव्वायगो-पणओ मह तवेण सव्वो वि नरवइपमुह-नयरजणों । सो पुण अरहचंदो अच्चंतअवण्णापरो दीसइ। निरत्थओ मह एसह परिफंदो जावेस न नामिओ।" एवंविहचिंतासायर-गयस्स समागया रयणी। वंदणानिमित्तं समागया केसवनारायणाभिहाणा दोणि वणिगा । काऊण पणामं निसण्णा समासण्णपएसे। दिट्ठो य किंपि सविसायवयणाणि जपतो सिरिहरो। सविणयं पुच्छिओ तेहिं--"भयवं ! किं कारणं उब्विग्गो विय लक्खियसि ?" काऊण अणुग्गहं कहेसु जइ न होइ अकहणीयं ।" तेण भणियं--सुणेह, “अत्थि मे चिरपरिचिओ अरिहचंदो नाम सावओ। सो मं अवन्नाए पेक्खइ न सो रंजिज्जइ मह अइसएहिं ।" तेहिं भणियं--"भयवं! अलं गुणमच्छरिणिजणे अवमाणकरणेण । किं च चिरपरिचियमेत्तो सो अम्हाणं तहा भणिस्सामो जहा भयाइ भवओ पय-पंकयं ।" तेण भणियं"एवं करेह ।”
गया ते अरिहचंदमंदिरे दिण्णासणा पूच्छिया तेणागमणकारणं। भणियं कुसलेण नारायणेण तुह दंसणत्थमागया। जओ---"सयलनरामर-महिय-पायवीढो, दुक्कर-तव-चरण-माहप्प-समप्पण्ण-विविहाइसयरोहणगिरिवरो, पणइजण-दालिद्द-दोहग्गो, बहुपुण्णपावणिज्जदसणो, तुह घरं भोयणकरणेण पवित्ती काउमिच्छइ सिरिहरभट्टारओ। धण्णो तुमं सयल-कल्लाण-भायणं । अओ तह दसणत्थमागया । ईसि हसिऊण जंपियं अरिहचंदेण--"अलमिमाए संकहाए। नाहं तस्स परिव्वायगस्स भोयणं पयच्छामि ।" नारायणेण भणियं-“न सो छुहिओ तुह घरे भोयणं पयच्छेइ। संति तस्स नरवइपमुहा पहाणअहमहिमिगाए निमंतगा परं न सो इच्छइ । एसा पुण तुहाणुग्गह-बुद्धी। चिरपरिचियत्तणेण संभाविज्जइ। किं न दिट्ठो तए सूवण्ण-सयवत्त-संठिओ गयणंगणगओ बीया चंदो व्व सयलजण-पणमिज्जंतो।" सावएण भणियं--"जइ तेण तम्हाण विम्हओ न मज्झ । जा अप्पणा वि छज्जीवकाय-वह-पवह-पवत्तो एगघर-भोई पुफ-तंबोल-विलेवणासत्तो सो कहं ममाणुग्गहं करिस्सइ ? जओदुण्णि वि विसयासत्ता दुण्णि वि धण-धण्णसंगहपरा य । सीसगुरुसम दोसा तारिज्जाउ भणसु को केण ? ।। जह लोहसिला अप्पं पि बोलए तह विलग्ग-पुरिसं पि । तह सारंभो वि गुरू परमप्पाणं च बोलेइ ।।१३४।।
ता उठेह तुन्भे वच्चह नियमंदिरं । मा वायाडम्बरेण अत्ताणं किलेसेह।" नाऊण तस्स निच्छयं गया ते परिव्वायगसमीवं । साहिओ सव्वो वि वत्तंतो। गओ बीयदिणे सयमेव सिरिहरो अरिहचंदमंदिरं। अकयपडिवत्ती ठिओ खणमेगं । उद्घट्टिओ चेव तओ उवालद्धो तेण अरिहचंदो- “सावया ! केण तुम एरिसं विणयं गाहिओ?" न एसा धम्म-बुद्धी पत्त-बुद्धी वा सामण्णजणोवयारो एसो'त्ति भणंतेण दावियमासणं निसण्णो परिव्वायगो। अरिहचंद-विम्हावणत्थं मंतसा
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |