Page Text
________________
१६०
मणोरमा-कहा
उण्णयपीण-पयोहर परिणाहि नियंब-बिंब रमणीया। मिड-मणहर-तण -फासा पुण्णिम-पडिपुण्ण-ससि-वयणा।। कमल-दल-दीह-नयणा निसग्ग-रत्ताहरा य तणुमज्झा। लायण्ण-सलि पूरिया नाहीदहरेहिरा बाला ।१२५। सूमाण-सरल-कोमल-ऊरुजुयं मणहर परिवहती। मयमत्त-काम-करिणो संजमणालाणखंभ व्व ।।१२६।। करिकरसमाणजंघा कुम्मुण्णइ चलण-चंगिमसमेया। ईसीसि निरिक्खंती दिट्ठा सा नरवरिदेण ॥१२७।।
तओ मयणसरगोयरंगेण उत्तारिऊण अंगुलीए नियनामंकियं मुद्दारयणं अलक्खियं चेव तीए बद्धं वत्थंचले। ठिओ खणमेत्तं सुण्णमाणसो । पच्छा कत्थ वि रइमलभमाणेण भणिओ अभयकुमारो राइणा-“सिसिर-पवण-संवलियसीय-संगेण बाढं वाहइ मं सिरोवेयणा गम्मउ सट्राणं ।" भणियं अभयकुमारेण--"जं ताओ आणवेइ ।" गया पविट्ठा पच्छिम-दुवारे । ठिओ वासभवणपल्लंके राया । काऊण पणाम पत्थिओ अभयकुमारो । ससंभमं सद्दिण भणियं राइणा--"वच्छ! पेच्छ केरिसं जायं?" अभयकूमारेण भणियं-"कि केरिसं?" रण्णा भणियं--"कोऊहलाक्खित्तमाणसस्स नयरमज्झे परियडंतस्स अलक्खियं चेव मए गहियं केणा वि पहाणमुद्दा-रयणं । जावज्जं वि एस लोगो न निग्गच्छइ ता चितेहि कि पि उवायंतरं एस । चितेमि' भणिऊण निग्गओ अभयकुमारो । सद्दाविऊण भणिओ दंडवासिओ---"अरे! आसवाहणियाए पडिनियत्तस्स महारायस्स रायपह-मज्झे महारयणं निवडियं तमवस्सं केणइ लद्धं हवेज्जा । अओ पोलिस मोत्तण थाणंतराणि एक्केक्कं माणसं जहा सुगविठं निग्गच्छइ तहा कायव्वं ।" तेण वि तहेव कयं । तओ पइमाणुसं धम्मेलं धम्मेल्ल वत्थंचलमुह-कक्खाइसु कीरइ गवेसणा पच्छा विसज्जिज्जइ । एवं परिवाडीए नीहरतेसु लोएसु पत्ता नयर-दुवारं नंदाए समं उज्झिया । वत्थाणि निरूवयंतेहिं दिलो उज्झियापिट्ठि-पएसे उत्तरीय-वत्थंचले गंठी । दंडवासिय-पूरिसेहिं पूच्छिया तेहिं--"किमेत्थ गंठीए ?" तीए भणियं--"न याणामि" नीरूवयंतेहि दिळं रायनामंकियं मुहारयणं । साहियं गंतूण अभयकुमारस्स जहा लद्ध मुद्दारयणं । अभयकुमारेण भणियं--"दंसेह मे तक्करं । गओ तहिं चिय । दंसिया उज्झिया । अभयकुमारेण भणियं-“कहिं मुद्दियं पत्तं?" तेहिं भणियं“पयडमेव पुट्ठट्ठियवत्थ-गंठीए ।" तओ सुइरं निरूविऊण उज्झियं चिंतियं अभएण--'एस ताव असंभवो चेव जमंगुलीए
हारयणं न मणिज्जड । एयं पि करेज्ज को वि निरूढसाहसो परिसो वा इत्थी वा एसा पुण बाला सरल-सहावा लक्खिज्जइ । अह इमीए कयं होज्ज तो कहं पयडमेव धरेज्जा । दीसइ पढम जोव्वणं रूव-संपई एसा कयाइ समुप्पण्णाणुरागेण पुत्तो त्ति काऊण पयडमेव कहिउमचयंतेण ताएण कवडमेयं कयं भवे । हवउ संपाडेमि ताव एवं पि तायस्स । एयं नियमणे संपहारिऊण अलियकयभिउडि-भासुर-वयणेण जंपियमभएण-"अरे! एवं तक्करदारियं वज्झ-ठाणं नेऊण विगयकन्न-नासं काऊण देसनिद्धाडियं करेह । एवं सूणिय परुण्णवयणाए जंपियं नंदाए--"गिण्ह सव्वं पि घर-सारं मयह कूसलिणी वच्छमज्झियं ।" अभएण भणिय-नरवइमदारयणं चोरिऊण न घरसारण छट्रिज्जइ ।” नंदाए भणियं--"जेण छट्रिज्जइ तंसाहह ।" अभएण भणियं--"सेवेउ रायचलणं ।” पडिवणं तुट्रचित्ताए मयहरीए । राया वि मयणानल-ताविय-तणू किं सेविज्जमेयं न व? त्ति संदेह-दोलासमारूढो । चितेउमारद्धो-- हे हियय ! विसयलंपड ! ज पेच्छसि तम्मि तम्मि रज्जतो। मंजिट्ठ व्व' अथाणुय घणरागो सहसु दुक्खाई ।। भणियं च-- कंदुक्खणणं निय देस छड्डणं कुट्टणं च अइ कढणं । अइ रत्त मंजिट्टे कि दुक्खं जं न पाविहसि ? ॥१२९।। जइ कह विन सिझेज्झा कज्जमिणं दिव्व परिणयवसेण । तो मज्झिऊण मरिहिइ तुमं वि किं बहु वियारेण ?
एवंविह चिंताचक्कारूढे नरवरे गहिऊण दारियं संपत्तो अभयकुमारो । पणमिऊण विणत्तो राया--"ताय ! लद्धो तक्करो ।" राइणा भणियं--"केरिसो?" दंसिया अभयकमारेण उज्झिया । रण्णा वियसिय-माणसेण भणियं-- "को दंडो निव्वत्तिओ नीइ-वियक्खणेण भवया ?" अभएण भणियं--"महंता एसा चोरिया । न य घरसारगहणमेत्तेण सुज्झइ । सारीर-दंडो वि 'इत्थिय'त्ति काऊण न तीरइ काउं एस चेव इमाए दंडो जं देवस्स चलण-पक्खालण करिस्सइ ।” राइणा भणियं--"जं तुमं वियाणसि ।" पभाया रयणी विवाहिया गंधव्व-विवाहेण। छूढा अंतेउरे दुख
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |