Page Text
________________
मनोरमा कहा
जरदंडिखंड - नियंसणा,
सडिय - कंथाखंड
बिल-सयसमुग्गय रेणु - पुंजरंजियसरीरा, फुं मासण्णविरइयजरतिणसत्थरा, पाउरणसीयवसमुप्पण्णकपंतदसणसंपुडकक्खडारावा, नवपसूयसारमेइया सूया इव वारंवारं कुणुकुणिता, परममाहेसरा इव सिउसिउझायंता, बहुजण पाऊय एग जुण्ण पड-कड्ढोवड्ढि कुणता, जम्मंतर - निव्वहिय- पावफलमणुहवंता कह-कह रर्याणि गमिति जहण्ण-जणा । ता पुत्ते ! उत्तम जण - पयमभिलसंतेण सयलसुह-निबंधणे जिर्णाभिणिय-धम्मे पयत्तो कायव्वो ।
१५८
धम्मेण धणं विउलं सुकुले जम्मो वि होइ धम्मेण । धम्मेण धरावलए वियंभए निम्मला कित्ती ।। १२१ ।। arra तत्थ गओ धम्मसहाओ न सीयई जीवो। इहलोए परलोए कल्लाणपरंपरं लहइ ।। १२२ ।। किंबहुना भणिएणं जं जं दीसइ समत्थजियलोए । इंदियमणाभिरामं तं तं धम्मप्फलं सव्वं ।। १२३ ।। ता धम्मम्मि माओ निमेसमेत्तं पि नेव कायव्वो । एसो मज्झवएसो तुम्हाण हिओ निओगेण ।। १२४ ||
एवं सुहकंतानिस्साए सोऊण नियकुडुंबस्स धम्मोवएस सकम्मसंपउत्तो जाओ जिणदत्तो सेट्ठी सरइ संसारो ।
एगया गिम्हसमए नरवम्मसत्थवाहेण सद्धि पुव्वदेसं पड़ पत्थिया जल्लमलाविलसरीरा, मल-मलिण-सव्वोवगरणा, दीह - रोम - नहंसिणो अपडिबद्धविहारेण विहरता समागय। तं पल्लि साहुणो । आवासिओ बहिया सत्थो । पविट्ठा साहुणो पल्लिए दिट्ठा आवणोवविट्ठेण जिणदत्तसेट्टिणा । वंदिऊण सबहुमाणं नीया नियघरं दंसिया वसही । समप्पियं पीढ़फलगाइयं । वंदिया सपरिवारेण निसुओ जिणधम्मोवदेसो । कया खणमेगं पज्जुवासणा । निमंतिया पणमिऊण असणाइणा । वक्खाणिया संखेवेण साहूहि पिडेसणा । जिणदत्तेण भणियं - " भगवं । अज्ज मह मंदिरे सुयाए पाणिग्गणमहूसो सहावसिद्धं चेव असणाइयं न भे संकप्पो कायव्वो ।" एवं भणिऊण कयत्थं अप्पाणं मण्णमाणो गओ सेट्ठी निय घरं । समाहूया सुहकंता । भणिया य-- “ वच्छे ! एग ताव तुमं बाला बीयं पुण धम्मसामग्गिवियला, अज्ज पुण अतक्किया अमयबुट्ठि व्व मरुत्थलीए कप्पस्क्खो व्व दालिद्दियघरे, रयणवुट्ठि व्व परमपुण्णोदएण समागया साहुणो परगरणं व तुह घरे वट्टइ । ता सहलीकरेसु साहुजण दाण-धम्मेण नियजम्मं । पडिवण्णमेइए । पत्तवेलाए समागया साहुणो सविसेसनेवत्थपच्छाइयसरीराए असणारणा पडिलाभिउमारद्धा मुणिवरे सुहकंता ।
एत्यंतरे गिम्हाणुभावेण निप्पडिकम्म सरीरत्तणओ समागओ मुणिसरीराओ विगंधो गंधो सुहकंताए । असुहकम्मोदयण चितियमिमाए - - " सोहणी भट्टारएहिं धम्मो दिट्ठो परं मणागमप्पडिपुण्णो जइ साहूणं फासूय-सलिलेणं हाणमणुणायं होतंतो ।” एवंविहपरिणामवसेण बद्धं तीए दुग्गंध-कम्मं नीयागोयं च । तम्मि दिवसे गया साहुणो । सा वि सुहकंता ताओ ठाणाओं अणालोइयअप्पडिक्कंता आउक्खएण मरिऊण रायगिहे नयरे अण गसेणाए विलासिणीए कुच्छिसि समुप्पण्णा दायित्ताए । तप्पभिई चेव संजाया अगंगसेणाए दारुणा अरई । समुच्छलिओ सरीराओ दुग्गंधगंधो। नायं तीए गब्भाणुभावो एस। तओ करेइ साडण- पाडणाइयं न य पडइ गब्भो । तओ सा अकामा चेव गन्भं वहमाणी कालं गमेइ ।
अण्णया पडिपुण्णेसु दीयहेसु पसूया अणंगसेणा । जाया साहुदुगुछाजणियकम्मदोसेण विगंध-भरियभवणोदरा दारिया । तं दट्ठूण सा समुप्पन्न -लज्जा अहोमुही ट्ठिया अणंगसेणा । चितियं च णाए -- “ अहो मे पावपरिणई जमेरिसं पाव पसूया । जावज्जवि न कोइ वियाणइ ताव पच्छण्णमेव नयरबाहि छड्डावेंतो मे मण निव्वुई । तओ भणिया समासण्णवत्तिणी उज्झियाभिहाणा दासचेडी" हला ! उज्झियपिंडए काऊण नयरबाहिरियाए उज्झिऊण इमं दारियं लहुं समागच्छाहि ।" सा वि 'जं सामिणी आणवेइ' भणिऊण गया । उज्झिऊण नयरिबाहि रायपह- समासपणे समा गया नियघरं | साहियं अगंगसेणाए । परितुट्ठा सा मणेणं ।
इओ चउरंगबल-परिवारिओ सेयणयगंध-हत्थिं समारूढो उवरि धरियसियायवत्तो उभयपासनिविट्ठि-वरतरुणिकर विge - सिय- चामरो सेणियनराहिवो भगवओ महावीरस्स वंदणवडियाए तेणोगासेण चलिओ । पत्तं अग्गाणीयं तम्मि पसे जत्थ सा दारिया । तओ दुग्गंध-भरिय- घाण-विवरं मोत्तृण पहं उप्पण पत्थियं अग्गसेण्णं दिट्ठ मगहाहिवेण । पुच्छिओ
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |