Page Text
________________
सम्मत्त-लंभो णाम बीओ अवसरो दुगंछाए सहकता कहाँ
१५७
केवलिसमीवे अणव्वयाइयं धम्म गहिऊण नाणा वि अभिग्गहे वंदिऊण भयवंतं केलि समं जणणि-जणएहिं गयाओ नियभवणं । सया सामाइय-पोसहोववासाइ-पढण-गुणण-दाणाइधम्मनिरयाओ गमिति कालं ।
अण्णया पुण्णिमासिणीए पडिवण्णपोसहाहिं पारद्धे धम्मवियारे जंपियं विज्जुप्पहाए--"कीरइ ताव दुक्करं तवचरणं । पालिज्जइ घोर-बंभचेरं। दिज्जइ दीणाण असणाइदाणं । कि एअस्स फलं अत्थि नस्थि वा न सम्म मणिज्जइ।" विज्जताए भणियं--"एवमेयं । फलं पड़ संदेहो चेव सुंदरो न निच्छओ। एवं विचिगिच्छाए फलं पड़ संदेह-समाउलमाणसाओ पालिऊण नियमाऊयं अणालोइय-अपडिक्कंताओ वमिऊण सम्मत्तं इह सम्मुप्पण्णाओ पढमा सोमा बीया सोमसिरी। ता भो देवाणप्पियाओ, पत्ता वि बोही तुब्भेहिं एवं हारिया। तं सुणिय समुप्पण्ण-जाई-सरणाओ पडिवज्जिऊण भावओ जिण-धम्मं वंदिऊण सूरि-पय-कमलं सभवणं गयाओ सोमासोमसिरीओ। परिपालिऊण अकलंक सावय-धम्म समाहि-मरणेण मरिऊण समुप्पण्णाओ सोहम्मकप्पे मज्झिमाउयदेवत्ताए । तओ चूयाओ निव्वाणं गमिस्संति । विउस ! दुगंछयाए सुहंकता उदाहरणं-- दुगुंछाए वयं सिया जिणदत्तसेट्ठिदुहिया सुहकता उदाहरणं
__ जम्मंतरनिव्वत्तियासुहकम्मोदएण पविरलीभया संपया जिणदत्तस्स उज्जेणीए अनिव्वहंतो गओ अवंती जणवयसीमा-संठियविसम-पन्वयउबरिसंठियं भिल्लपल्लि । 'वणिओ' ति काऊण सम्माणिओ भिल्लेहि। समप्पियं घरं । दंसिओ हदो। समप्पिया मिलिऊण ववहारनिमित्तं मलनिहिया। पारद्धो ववहरिउं जिणदत्तो। अयाणया भिल्ला हरिऊण गामाइयं जं कि पि किस-दूसाइयं आणिंति तं समग्घयं चेव जिणदत्तस्स दिति । एवं पइदिणं ववहरंतो पूणो विमाणसीहओ जिणदत्तो वहइ खेयं माणसे-"अहो! मे जहण्णत्तणं, अहो परलोगनिरवेक्खया ! जं जिणमंडियं साह
य-सावियासमाउलं मोत्तण उज्जेणि निव्वाहमेत्तमालंबिऊण सया सयाचार-विवज्जियं, पणटू-धम्म-ववहार पिसियासणलोल-भिल्लपच्चंत-गोधमाउलं, धम्मिय-जण-वज्जियं, अणज्ज-कज्ज-करण-परायण-परमाहम्मिय-सरिस-खट्टजण-निसेवियं, सच्च-सोय-दया-दानविवज्जियं, दुग्गइ-नयरागमण-पउण-पयवीकप्पं-सग्गापवग्ग-पुर-दुवार-दढग्गला-सरिसं, सविब्भमिव अपुण्णरासि इमं पल्लि अणुपविट्ठो हारिओ सयलगुणगणो। बहुपुण्ण-पब्भारपावियं अहलीकयं मणुयत्तणं, पणट्ठा सुसाहुसेवा, पहुठं जिणवयणं । जओजत्थ न दीसंति गुरू पच्चूसे उट्ठिएहिं सुपसण्णा । तत्थ कह जाणिज्जइ जिणवयणं अमथसारिच्छं ।।११९॥ हद्धि अहं अहण्णो कम्मभरपणोल्लिओ महापावो। अण्णह कह जिणसासणसामग्गी विहडिया मज्झे ॥
एवंविह सुभ-भावणा भाविओ गमेइ कालं । अण्णया संपण्णे सिसिरागमे [...] पुत्तदेसाओ उज्जेणी पइ पत्थिओ। पब्भद्रसत्थिओ दंडीखंडनिवसणो सिसिर-पवण-पेसिय-सीय-संदोह-कंपत-दसणो तीए पल्लीए देहवलियाए पइभवणमडंतो पविट्ठो जिणदत्तसेट्रिमंदिरे एगो कप्पडिओ। दिटठो सुहकंताए समुप्पण्णकरुणाए दाऊण भिक्खं विसज्जिओ। पुच्छिओ जणओ-"ताय ! कहमेयस्स वरायस्स सीयत्ताणं पि न संपज्जइ ?" जिणदत्तेण भणियं--“वच्छे ! तिविहा पाणिणो भवंति । उत्तमा मज्झिमा जहण्णा य । जम्मतरोवज्जियसुहफलसालिणो मय-णाहि-सणाह-पवर-कुंकूममुवट्टियसरीरा, मिउ-महग्घलहु-पम्हल-दुगुल्ल-नियंसणा, जहासमीहियसंपज्जंतसयलपओयणा, संपडतमणेच्छिय-पाणभोयणा, जय-जीवनंदइच्चाइभिच्च-वयण-सवण-जणिय-मणतोसा दिवसं गमंति, सयसहस्सलक्खपागाइ तेल्लभंगिया, रय-रूव-रमणीयनव-जोव्वणुम्मत्ताणुरत्तकंता-बाहुलया संजमियविग्गहा संवाहणुव्वट्टणकुंकुम-विलेवणा, रूव-पूरियवरपड-पाउया रयणीं गमंति सिसिर-समए उत्तमजणा। मज्झिमा पूण मज्झिमविहि संपज्जत-दियसनिसोवियवत्थाहरण विलेवण-पुप्फ-तंबोल-सयणाइपरिभोगेण सिसिरसमए दिवसं निसिं च गर्मिति । तहा वि परघरकम्मकरणकिलेसियसरीरा ईसरजणसमाराहणकए मुहमंगलाणि जपंति पए पए फरुसवयणनिभच्छिया पज्जुसिय-कूर-तुस-मीसरव्वाए सत्तुससोगराइयं भोत्तूण अणवरयछूहा-वेयणाए चेव महया किलेसेण गमेऊण वासरं कुहियकुडीरकोणे कोल-कुल-खणिय
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |