Page Text
________________
मणोरमा-कहा संबलं विसज्जिओ रुद्देण कप्पडिओ। अप्पणा वि पविट्ठो नियघरं । पविसंतस्सेव 'मुटु' ति भणमाणी परुण्णा गरुयसद्देण गोरी। अयाणमाणेणेव पुच्छिया रुद्देण--"पिए ! किमेवं सदुक्खं रोविज्जइ?" तीए भणियं--"पुत्तगो पंचत्तमुवगओ।" तेण भणियं-“संसारसहावो एस न भे खिज्जियव्वं । जओसंसारसागरगया सकम्मकल्लोलपेल्लिया जीवा। उप्पज्जति चयंति य का किल परिवेयणा तत्थ ।।११।। जीयं मरणेण समं उप्पज्जइ जोव्वणं सह जराए । लच्छी करिकण्णचला हरिस-विसाओ न कायव्वो ।।११६।।
___ एयं पयडक्खरेहि भणिऊण चितिउं पयत्तोजेणं विणिम्मियाओ विहिणा सो चेव जइ परं मुणइ। ज महिलाण मणं बहुकूड-कवड भरियं दुरवगाहं ।११८। विरलो सो को वि जणो ससुरासुरमणुयमज्झयारम्मि । जो महिलाहिं न नडिओ माणं मलिऊण लीलाए ।।
एवं विहं चिंताउलो भणिओ रुद्दो गोरीए “अज्जउत्त! करेसु भोयणं ।” उवविठो भुंजिउं रुद्दो। गोरीए वि नियंतस्सेव तस्स सयलथालीहितो गहिऊण अग्गकरो मुक्को थडोवरि। रुद्देण भणियं-"पिए ! कस्स पुरओ एस को बलि दिण्णो ? न दीसइ को वि देवया पडिमा ?" तीए भणियं-"अज्जउत्त! तुह गामंगयस्स ठाणमेयं सारयंतीए उद्विया अमाणुसी वाया खेत्तवालो अयं एत्थ ठाणे बुद्धरुई संवसामि लहुं थडयं करेसु अग्गकूरेण पइदिणं पूएसु अण्णहा नत्थि भे घरवुड्ढी। न कयं मए तव्वयणं । बीए दिणे उवरओ पुत्तगो। तओ भीयाहं थडयं काऊण अग्गकूरं पयच्छामि ।" रुद्देण भणियं-"किमभिहाणो खेत्तवालो?" तीए भणियं-"न मए नामं पुच्छियं ।” तेण भणियं-“अहं पुच्छिस्सामि ।" समागया रयणी सयणवेलाए उग्गाहिऊण धूयं पूइऊण कुसुमेहि कयं पणिहाणं-'भो जइ सच्चो तुम खेत्तवालो एत्थ ठाणे निवससि ता नियनाम मह कहेज्जसु ।" एवं भणिऊण पसुत्तो सयणीए। पुच्छिओ गोरीए--"सिद्धं ते नामं?" खेत्तवालेण भणियं-'आमं ।' तीए भणियं-'केरिसं?' तेण भणियं--"खंदिलो।" तओ संकिया हियएण कि एएण अकज्जमेयं समायरियं ?” एत्यंतरे पुच्छिया रुद्देण-"पिए ! कयाणि ते मयकिच्चाणि तणयस्स ?" तीए भणियं--"तुमं पडिवालयंती ठिया संपयं तुम करेसु।" कयाणि तेण ।
अण्णम्मि दिणे थडगोवरिए एक्कियं कुणंतो दिवो रुद्दो गोरीए । दुक्खिया चित्तेण । जाओ विणिच्छओ जहा इमिणा एस मारिओ। मारेमि एवं दुरायारं केण वि उवाएण। एवं चिंतयंतीए समागया रयणी। णुवन्नो भवणभंतरे सयणीए रुद्दो । समागया निद्दा। उट्ठिया कोवानलपूरिया गोरी। पज्जलियं दुवारदेसाओ भवणं । ठिया मोणेण ताव जाव सव्वओपलग्ग। तओ कओ अलिय-कोलाहलो। मिलिया लोया। जंपियं महया सद्देण रुयमाणीए गोरीए-- "भो भो लोया ! बंभणो मज्झे दज्झइ । जइ अत्थि कस्स वि दया तो कड्ढिउ ।" एवं भणमाणीए दड्ढं घरं। रुद्दो वि मज्झिमगुणजोगओ मरिऊण उप्पण्णो वीरदेवो । गोरी वि तीए चेव रयणीए कसिणाहिणा दट्टा मरिऊण समुप्पन्ना विज्जप्पहा। गिंधारी वि देसंतरागएण भत्तुणा असुद्धसीलाए सत्तिसवक्कि-वयण-समुप्पण्णतिव्वकोवानलेण अवियारिऊण वत्थ परमत्थं दढं कयत्थिया । तओ ताए चितियं--"अहो एस अणज्जो। एगं ताणुकुलाए वि पडिकलो। बीयं पुण मम उवरि परिणिऊण समागओ। तइयं अकलंकाए वि कलंकमारोविय कयत्थणं करेइ। ता करेमि कये पडिकयं । मारेमि केणइ उवाएण एवं जं न अण्णहा मे मणनिब्बुई। एवं चितिऊण लद्धावसराए पक्खित्तं तीए भोयणम्मि विसं । अच्चुक्कडयाए विसस्स मरिऊण रुद्दसोमो समुप्पण्णो वीरभद्दो। गंधारी वि समुप्पण्णपच्छायावा तं मोहिआहि हिययसंघट्टेण मरिऊण समुप्पण्णा विज्जुकंता। विहिवसेण जाओ इमाण परोप्परं संबंधो। तओ पुव्वभवब्भासेण अणिट्ठो वीरदेवो विज्जप्पहाए। इट्टा इमा वीरदेवस्स । तहा वल्लहो वीरभद्दो विज्जुकंताए न वल्लहा विज्जुकता बीरभहस्स । एवं सुणिऊण मुच्छावसविह- लंघओ पडियाओ धरणियले विज्जुकंता-विज्जुप्पहाओ। सित्ता ससंभमेहि जणणि-जणएहिं सलिलेण । विजियाओ वत्थंचलेण । खणंतरे लद्धचेयणाहिं को आसणबंधो। ताहिं पुच्छियाओ जणणि-जणएहिं"वच्छाओ! किमयं ?" ताहि भणियं--"सोऊण केवलि-वयणं समुप्पण्णं अम्हाण जाई-सरणं । सुमरि अगभयं सव्वं पि जह केवलिणा भणियं तमम्हेहि। तओ विम्हयवस-समुफुल्ल-लोयणाण निवडिया सयल-परिसाए ताणवरि दिट्ठी। गहिय सविसेसनियमा- भिग्गहा वंदिऊण केवलीं सट्ठाणं गया परिसा । विज्जुप्पभ-विज्जुकंताओ वि पडिवज्जिऊण
__Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |