Page Text
________________
सम्मत्त-लंभो णाम बीओ अवसरो तत्थ य सोमा-सोमसिरीण पुव्वभव-कहा
१५५
दइओ?" तीए भणियं-"न याणामि।" जणएहि भणियं-"अप्पडियारमेयं पओयणं ता पुत्ति न तए संतप्पियव्वं । कुणह दो वि भयणीओ इहट्ठियाओ चेव धम्मं । पूएह परमपूयाविहीए वीयरायं । पडिलाहेह कप्पणिज्जेण असणाइणा मुणिजणं । करेह तयंतिए आगमसवणं । पडिवज्जह पव्वदियहे सुपोसहं । आसेवह पइदिणं सामाइयं । भावेह अणिच्चाई भावणाओ। कुणह पयत्तं अपुब्बपढणे। विहेह सज्झायवावडमाणसं जेण न पुणो वि एवंविहदुक्खाण भायणं भवह।" 'जं ताओ समाणवेइ' भणिऊण तहेव कुणमाणीण वच्चइ कालो।
अण्णया समागओ तत्थ विमलप्पहो नाम केवली। समोसरिओ नयरबाहिरुज्जाणे । निग्गओ बंदणवडियाए नयरलोओ। चंदकंतसेट्रि वि सपरियणो चेव गओ केवलि-समीवं । तीयाणागयवट्रमाण-संसय-वोच्छेयं कुणमाणं दळूण केवलि लद्धावसरेण पुरओ काऊण धूयाओ पुच्छ्यिं चंदकंतसेट्ठिणा-“भयवं ! कि कारणं इमाण बालियाण एगा इट्ठा भत्तुणो न उण इमीए भत्ता। बीयाए वल्लहो भत्ता न ऊण एसा भत्तारस्स?" केवलिणा भणियं-“सोम सुण एत्थ कारणं ।"
अत्थि इहेव भारहेवासे सुरक्षा-विसए बारवई नाम नयरी। तम्मि य वेयमुहो नाम माहणो परिवसइ विसिट्ठा तस्स भारिया । इमाओ दो वि पुव्वभवे गोरिगंधारिनामियाओ तीसे दुहियाओ अहेसि । कमेण वड्ढमाणीओ पत्ताओ जोव्वणं । दिण्णाओ तत्थेव वत्थव्वाणं रुद्दसोमाभिहाणमाहण-पुत्ताण इट्ठा पढमा रुद्दस्स न इमीए रुद्दो । अच्चंत-वल्लहो बीयाए रुद्दसोमो न तस्स सा। विडंबणापायं विसयसुहमणुहवंतीए अणिच्छिओ चेव जाओ पुत्तो गोरीए । सो य पुण जायमित्तो वि वाहिणा गहिओ। रुयंतो न चिट्ठइ पालेइ पिया पयत्तेण ।
अण्णया पओयणवसेण गओ नियमाउलगपाहुणगो रुद्दो। संघडिया खंदिल-माणेण गोरी । समागच्छइ पइदिणं खंदिलो रयणीए । भोयाविऊण परमायरेण संवसइ तेण सह गोरी।
____ अण्णया समागओ रयणिसमए दक्खिणावहपडिनियत्तो गोरिघरे एगो कप्पडिओ। मग्गिओ तेण वासओ। दंसिया गोरीए घरासपणे कुडी। वसिओ सो तत्थ । खणंतरेण समागओ खंदिलो । कया भोयण-पुप्फ-तंबोलाइया पडिवत्ती गोरीए। निसण्णो तेण सद्धि पल्लंके। पारद्धा सिंगारसारा कामकेली। इओ अ सो दारओ विरसमारसंतो मुहत्तगं पि न चिट्ठइ। सा वि वारंवारं उट्ठिऊण संठावेइ, तह वि न विरमइ रोइयव्वाओ । तओ 'निरंतराय रइ-सुह-विग्घ कारगो एसो त्ति, उट्टिया गोरी गया दारयसमीवं । मुहेण "पुत्त! वच्छ!" एमाइ कोमलवयणाणि समुल्लवंतीए गले अंगट्टयं दाऊण पंचत्तं पाविओ। पुणो वि समागया खंदिल-समीवे । दिवो सो सव्वो वि वइयरो कप्पडिएण विम्हिअ-माणसेण अइवाहिया रयणी। पभाए उट्ठिऊण ठिओ रत्थामुहे। पुच्छिओ तेण एगो पुरिसो--"को इमस्स घरस्स सामिओ ? कि नामा संपयं एत्थ वा चिट्ठइ अणत्थ वा गओ?" तेण भणियं-"रुद्दो नाम माहणो । बीओ मासो सुहावास-नयरे नियमाउलसमीवे गयस्स वदृ।" कप्पडिएण भणियं--"केरिसो तस्स वण्णो? किं वा वाहणं?" पुरिसेण भणियं“कप्पडिय ! [किमत्थं पुच्छि]ओसि ?" तेण भणियं--"पओयणेण पुच्छामि ।" पुरिसेण भणियं-“गोरवण्णो ईसि पिंगलच्छो सिय-कसिणगो जत्तभंडी वाहणो।" 'सिवं भवउ' त्ति भणिऊण विसज्जिओ पुरिसो। कप्पडिएण चिंतियं पवत्तो-'दुस्सीला एसा पावा परपुरिस-पसत्ताए मारिओ नियदारओ । मा कयाइ भत्तारं पि एवं चेव मारिस्सइ ता साहेमि तस्स गंतूण इमीए चेट्ठियं ।' संचलिओ कप्पडिओ सुहावासाभिमुहं । मग्गेण गच्छंतस्सेव मिलिओ रुद्दो । सुइरं निरूवंतो पुच्छिओ पहिओ रुद्देण-“भो कि कारणं चिरं निरूवेसि?" चिंधसंवायओ जंपियं तेण--"रुद्दो भवसि तुमं?" तेण भणियं-'आमं ।' साहिओ तेण सव्वो वि वइयरो। अपत्तियं तेण । भणियं रुदेण--"जइ सच्चमेयं तो सयमागंतूण दाएहि ।” पहिएण भणियं-‘एवं करेमि ।' समागया दो वि मोत्तूण बाहिं भंडं अलक्खिया चेव पविट्ठा रुद्दमंदिरं । रइकीलापरिस्संतं निब्भर-निदाए सयमाणं दि8 तं मिहुणयं रुद्देण। समुप्पण्णकोवाणलेण गहिऊण असि-धेणु वावाइओ खंदिलो। ठिया पच्छण्णमेव निरूवयंता ।
___ एत्यंतरे रुहिरफंसेण पडिबुद्धा गोरी । दिट्टो तयव]त्थो खंदिलो । सुइरं सोइऊण उट्ठिया सयणिज्जाओ खणिऊण घरंगणे खड्डु पक्खित्तं खंदिलकलेवरं। कयं तदुवरि [थ] डयं पुणो वि पसुत्ता । निग्गया रुद्द-कप्पडिगा दाऊण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |