Page Text
________________
१५२
मणोरमा-कहा
मोत्तूण एवं अंगीकरेसु जिण-धम्म जेण खिज्जइ ते असेसंपि किलिट्र-कम्मं । संपज्जड सुह-परंपरा । सहलं भवइ मणुयत्तणं । भवियव्वयानिओगेण पडिवण्णमिमं धम्मगुत्तेण । नीओ साहसमीवं सुरदेवेण। कहिओ तेहिं केवलिपण्णत्तो धम्मो। परिणओ धम्मगत्तस्स गहिया देसविरई। वच्चंति दिणाणि । करेइ सावजणोचियं पडिवत्ति । सुरदेवो भोयावे पइदिणं नियघरे। निसुओ एस वत्तंतो केसवेण। सहाविऊण उवालद्धो तेणं सरदेवो-"अप्पणा परपासंडीणं भोयणबंदणाइयं विहेसि । मम पुण निवारेसि को एस परमत्थो?" सरदेवेण पेसिओ तयंतियं धम्मगत्तो जाओ ताण परोप्परं धम्मवियारो सव्वदंसणाणि पसंसइ केसवो। एवं पइदिणं धम्म-वियारं कुणताण वच्चंति वासरा।
अण्णम्मि दिणे असुहकम्मोदएण धम्मगुस्सस्स वि जाया देसाकंखा। सोहणं जिण-सासणं । भिक्ख-दसणं पि सोहणं चेव एत्थ वि करुणा वणिज्जइ ता भणियं न सो परपासंडिओ देस-विरइधारओ सो महाणभावो ।" केसवेण भणियं--"गिलाणो हंता सो मह समीवं पेसियन्वो" पडिवण्णं सुरदेवेण। इमं पि धम्मत्थिणा न मोत्तव्वं । बीयदिणे समागओ केसव-समीवं । भणिओ तेण केसवो--"भो! धम्मत्थिणा जिण-सासणं भिक्ख-दसणं च पडिवज्जियव्वं ।” केसवेण भणियं--"पुचि एग चेव जिणसासणं पसंसिंतो संपयं जहा बुद्ध-दसणं पडिवण्णो तहा सेसाणि वि पडिवज्जसु ।" धम्मगुत्तेण भणियं---"विवरीओ एस ते बोहो।" केसवेण भणियं--"तुज्झ वि विवरीओ।" विसंवइऊण उदिओ धम्मगुत्तो। गओ सटाणं । रयणीए मरिऊण विसूइया दोसेण समुप्पण्णो दसवाससहस्साऊ वाणमंतरो। केसवो वि तिव्व-सुलवेयणाभिभूओ मरिऊण समुप्पण्णो रयणप्पहाए पुढवीए जहण्णठिई नेरइओ। सूरदेवो पुण परिपालिऊण निक्कलंक सावयत्तणं पज्जते काऊण संलेहणं विहिऊण पउमासणं पंचपरमेट्ठि-पय-पंकयमेवं सरिउमाढत्तो-- नमिमो पारगयाणं ससुरासुर-मणुयनमियलणाणं । लोयग्गसंठियाणं नमो नमो सव्वसिद्धणं ।।८।। आयरियाणं च नमो आयारधराण उवइसंताणं । सुत्तं वज्झायाणं नमो नमो सव्वसाहणं ।।८१।। खामेमि सव्वसत्ते सयमवि खमिऊण सव्वसत्ताणं । सरिऊण देस-विरइं अणसणविहिणः मरेऊण ।।२।। बावीस सागराऊ अच्चुयकप्पे सुरो समुप्पण्णो । नाणामणिचिंचईए परमे पऽमत्तरविमाणे ।।३।।
तो भो देसाकंखाए निकंखियत्तणस्स य विवागं वियाणिऊण निक्कंखिएहि होयव्वं ।। संपयं वितिगिच्छाए वि दुगुंछाए वि य उदाहरणं भण्णइ--
अत्थि अवंती जणवयालंकारभूया निसा-समय-भमंत-भूरि-निसाय[र]-पिसा[य]-वेयाल-जोयणी-जण-जणियभय-दुस्संचार-तिय-चउक्क-चच्चरा-चिरकालपइट्रिया उज्जेणीनामनयरीए विण्हदत्त-जिणदत्ताभिहाणा मिच्छदिट्रिणो सेट्ठिणो परिवसंति । विण्हुदत्तस्स विण्डसिरिए सोम-सोमसिरिनामियाओ, दोण्णि दुहियाओ जायाओ। जिणदत्तस्स वि सुप्पहाभिहाणाए भारियाए सुहकता नाम धूया। कमेण पवडढमाणीणं सोम-सोमसिरिसुहकताण जाओ वयंसियाभावो। सहियाओ चेव आरामवावि-कव-तडागाइसू कीलंति न परोप्परं खणं पि वियोगमिच्छंति । एवं बच्चइ कालो ।
अण्णया समोसरिया तत्थ चउद्दस-पुव्वीओ चउनाणी सजलजलहर-गुहिरधम्म-देसणाविहुय-बहु-जणसंसया संसार-समुद्द-समुत्तरण-तरंड-तुल्ला मेहनायाभिहाणा सूरिणो । दत्ताभिहाणसेट्ठि-घरुज्जाणे अइसयनाणी भयवं समागओ पवाओ निग्गओ वंदणा निमित्तं नयरलोओ । सूहकता वि जणय-सहिया निग्गच्छंती पुच्छ्यिा सोम-सोमसिरीहि "पियसहि ! कहिं तुमं पत्थिया?" तीए भणियं--"भयवओ मेहनायसूरिचलण-वंदणानिमित्तं ।” ताहिं भणियं--"संहि ! विलंबसु खणमेगं जावम्हे वि घरं गंतूण समागच्छामो।" सुहकंताए भणियं--"एवं करेह ।" खणंतरेण ताओ वि समागयाओ। मिलिऊण गयाओ सुरिपायंतिए । पयाहिणी काऊण वंदिओ भयवं नयरलोगेण ताहि य जहदाणं निसपणसु पारद्धा भगवया संसार-कंदुक्कंदणकप्पा मोक्ख-तरुबीय-भूया धम्म-देसणा--
भो ! भो ! भव्वा, निसुणेह सावहाणा जम्म-जरा-मरण-रोग-सोगाइदुक्खपूरपउरो एस संसारो। अप्पं विसयासेवणजणियसोक्खं तं पि किंपाग-फलभक्खणं व दारुणविवागत्तणेण परमत्थओ दुक्खमेव । सुह-बंधणा वि लच्छी करिकलभकण्ण-चंचला, चोराइसाहारणा बहुअणत्थ-निबंधणा य । परपरिभवकारणाणि, महावइर-तरुबीय-भूयाणि कलत्ताणि ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |