Page Text
________________
सम्मत्त-लंभो णाम बीओ अवसरो तत्थ य सोमा-सोमसिरीण पुन्वभव-कहा
१५३
कुविय-कयंत-वयण-कुहर-विवरंतरवत्तिसयासन्निहियाणेगोवक्कम-निवाय-विहुरं व सयलजीवियं । खरखरं सुकर-नियरनिवायतावियकेसरि-किसोर-जीहा-चंचल-बहुविरायं च जोव्वणं । सुणिऊण इमं वयणं पन्नवियं सूरिणा सहा सयला । धम्माभिमही जाया भव-पडिबंध पमोत्तण ।।४।। भणियं च तीए-"भयवं ! तुह वयणामयनिसामणा इहि । निव्ववियं मे हिययं बहुदुहदंदोलिसंतत्तं ।।५।।
"ता पयच्छसु भयवं! जहारिहं धम्मोवएस।" सूरिणा वि दिण्णो केसि पि समणधम्मो, काण वि देसविरई, अण्णेसिं सुविसुद्धं समत्तं ।
एत्थंतरे संजायधम्माणुरागाहिं सविणयं जंपियं सोमा-सोमसिरीहिं-"भयवं ! सोहणं कयं जमिहागमणेण मोहनिद्दा-पसुत्तो पडिबोहिओ सयलकल्लाण-निबंधणेण धम्मोवएसेण अम्हारिसजणो । संपयं सहलं करेमो जणणि-जणए आपुच्छिय जिण-धम्मपडिवत्तीए भवसय-सहस्स-दुल्लहं इमं मणयत्तणं।" भगवया भणियं----"भवईओ जत्तमेयं भवारिसीण विवेग-सलिल-पक्खालिय-भव-पडिबंधाइ पावमलमाणसाणं जहावट्रियविण्णायदेवगरुतत्ताणं। अविग्धं भवउ मा कत्थइ पडिबंधं करिस्सह ।" तओ पणमिऊण सूरि-पायपंकयं उट्रियाओ ताओ गयाओ नियभवणं पणामपुरस्सरं विण्णत्ता जणणि-जणया।" अम्मताओ! निसूओ अम्हेहिं मेहनायसूरिसमीवे दयासारो जिणिदधम्मो रुइमारूढो य। जइ अणुमण्णह तो पडिवज्जामो।” तेहि भणियं--“को कल्लाणे विरोहो।" लद्धाणुण्णाओ हरिसवस-पुलइअंगीओ सूरिसमीवं गंतुण वंदिऊण य जंपियमेयाहि--"भयवं! दुल्लहदसणो तुम कहकह वि किलिकम्मविवरेण अम्हाण सण-गोयरं गओ।
हा सुलहा हवइ पइभवं जिणसासणे बोही ।" सरिणा भणियं--"देवाणप्पियाओ पुन्वभवे वि लहिऊण वयणमेत्तेण हारिया तुम्हेहिं बोही।" ताहि भणियं---"भयवं! एयं पि ता साहेसु कहमम्हेहिं पत्ता वि बोही हारिया ?" भगवया भणियं-'सुणेह' ।
"अत्थि इहेव भारहेवासे दक्खिण-दिगंगणामुह-तिलयभूयं मलयविसए मलयमंदिरं नाम नयरं। तम्मि य सावयकूलसंभवो चंदकंतो नाम सेट्ठी परिवसइ। चंदासिरी से भारिया विज्जप्पहा-विज्जकंताभिहाणाओ दो वि तुब्भे इमीए दुहियरो अहेसि । अण्णमण्णमणरत्ताणं सावय-धम्ममणपालयंतीणं वच्चइ कालो । अण्णया परिणीयाओ तत्थेव वत्थव्वएहि वीरदेव-वीरभद्दाभिहाणेहिं सावय-पुत्तेहिं । कमेण पवड्ढमाणाओ पत्ताओ जोव्वणं । अणिट्ठो पढमाए भत्ता । तस्स समागमदुक्खक्खिया पइदिणं चितेइ---"अहो! मे मणयभवे वि नरयावासो ता किमहं मंदभाइणी जाया। जइ जाया तइयच्चिय किं न मया जाया? ता किं न कूमारी चेव धरिया ? जइ परिणीआ ता किं न कोवि आसि अण्णो एत्थ महीमंडले जमेयस्स दिण्णा? अहवा कि निरत्थयखएण? जम्मंतरे निव्वतियअवस्सवेयणियासूहकम्मपरिणामो न अण्णहा काउं तीरइ। जओ-- जं जेण पावियव्वं सुहमसुहं वा वि जीयलोयम्मि । तं सो पावइ नियमा पडियारो नत्थि कणा वि ॥८६॥
परिणीया महमणेण अनिदिएण विहिणा निदिओ य मग्गो कुलकलंकभूओ मए न कायव्वो। अओ कहमेसजम्मो अइवाहियव्वो। पडिया चितासायरे ।
अण्णम्मि दिणे पुच्छिया विज्जुकंताए कणिभयणीए--"भयणि विज्जुप्पभे! कीस तुमं हिम-दड्ढ-कमलिणी व विच्छाया लक्खीयसि ? कहेसु जइ अकहणीयं न होइ ।" तओ मण्णुभिर]भरियमाणसाए जंपियमिमाए--"हला! विज्जुकंते ! नत्थि तुह कि पि अकहणीयं । सुणेहि जइ ते निब्बंधो विणडिया हं विहिणा अप्पिय-पिय-समागमकरणेण । जया जया हं वीरदेवं पेच्छामि तया दझंति मह लोयणाणि । वियंभइ अरई। सीयंति सयलंगाणि। दंसणपहमइक्कंते पुणो विसत्थी भवइ सरीरयं । ता तुम तायं तहा भणसु जहा न एस मह दसणगोयरे पडइ । नयणाणि दहइ दिट्ठो अवहितोइ दहइ पुण देहं । संभासितो सल्लमिव खिवइ मह हिययमज्झम्मि ।।८७।। रमणायत्तं सोक्खं रमणीणं सुयणु मणुयलोगम्मि । मह पुण विवरीयमिणं संजायं कम्म-दोसणं ।।८८॥
___Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |