Page Text
________________
सम्मत्त-लंभो णाम बीओ अवसरो तत्थ य समुद्ददत्तसेट्ठीकहा सुरदेवकहा
१५१ पत्तो निय-आवासं, दिट्ठा जणणी निरूविया घरिणी । दंडीखंड-निवसणा वाहाविल-लोयणा दीणा ।।७३।।
पुच्छिया मए--"अंब ! किमेवं सदुक्खी दीससि दीहं नीससिअ ?" जंपियमिमाए--"वच्छ ! तुह जणय-विओगे पत्तं । अम्मेहिं जं पणियव्वं तुमए पुण लेसो वि न पडिवण्णो । तमपसरो वि न रुद्धो रवि-ससि-विगने सनिच्छरबुहेहिं । 'वंसे जाएहिं वि निग्गुणेहिं कि कीरइ सुएहि'७४।
सव्वं वियंतए एयं वियक्खणक्यणं । विणासिओ नियजणयसंविढिओ अत्थो, पाविया असंभावणा सयणजणमझे, तिणतुल्लो कओ अप्पा घरं घरेण देहबलियाए भामियाणि अम्हे, तुम चेव परमत्थेण सयलदुक्खनिबंधणं ।
एवं सुणिय संजाय-विसाओ निग्गओ हं घराओ । पत्तो तलायतडसंठियं वडियायणं । उवविट्ठो एगम्मि सिलायले चितिउं पयत्तो--"अहो मे अहण्णया! अहो मे निहीणत्तणं ! जाव मए कोडी-कणयस्स न विढत्ता, न ताव घरे पविसियव्वं ।' काऊण पइण्णं निग्गओ पुव्वदिसाभिमुहं । हिंडियाणि नाणागामागर-नगराणि । विहिया विविह-ववसाया परं न पुज्जइ पइण्णालेसो वि।
अण्णया इओ तओ अबद्धलक्खं परियडतो पत्तो नम्मयातीर-संठियं भरुयच्छ नाम नयरं। ठिओ तत्थ कइवयदिणाणि । एगम्मि दिणे बहियाचरिया परियडतेण दिट्ठो विलासकित्ती नाम भिक्खू । ‘मा एसो कि पि वियाणइ' त्ति पणमिऊण पुच्छिओ सो मए--"भयवं ! कहिं तुम्हाण आसमो?" दंसिओ तेण । अहं पि खणमेगं विलंबिऊण पविट्ठो तहिं । वंदिओ विलासकित्ती। दिण्णासीवाओ तेण निसण्णो उचियासणे। संभासिओ तेण कोमलवयणेण--"वच्छ ! कुओ तुमं? किमभिहाणो य ? केण वा कजण इहागओ?" तओ साहिओ मए सव्वो वि नियवइयरो । समागमणकारणं च । “भयवं ! जइ जाणिज्जइ दविणसाहणोवाओ ता काऊण अणग्गहं कहिज्जउ अम्हारिसजणस्स ।" तओ दीऊण्हं नीससिय जंपियं भिक्खुणाखण-नस्सरे सरीरे करिकण्णचले य अत्थसंघाए । जं पत्थिएहि दिज्जइ जम्मफलं एत्तियं चेव ।।७।। ता कि काहमहण्णा धणविवज्जिओ निरारंभो । परघरभिक्खा भोइ धणत्थिणा पत्थिओ भवया ।।७६।। तह विह सज्जो अहयं सरीरमित्तेण निच्चकालं पि । मा काहिसि संखोहं जं कायव्वं तयं भणसु ।।७७।। मए भणियं-- चंदणतरु व्व सुयणा फलरहिया जइ वि निम्मिया विहिणा। तह वि कुणंति जणाणं उवयारं निय सरीरेण ७८। धण्णोसि तुम सुपुरिस ! कयनुओ अतिहि-वच्छलो धणियं । तुह संभमेण भरियं भुवणं किं मज्झ दविणेण ।७९।
___एत्यंतरे अत्थगिरिमुवागओ दिणयरो। कयं संझाकरणिज्जं भिक्खुणा । सद्दिओ अहयं । गओ तयंतियं । वंदिऊण निसण्णो समीवे। सिणेहसारं जंपियं विसालकित्तिणा--"वच्छ ! अत्थि मेधाउब्वाय-विसए उवदेसो । रंजिज्जइ इयरजणो परं न तेण मह अप्पा रंजिज्जइ कहं वच्छस्स उवइस्सामि ?” मए भणियं--"एवंविहा चेव महापुरिसा हवंति । जओजण जणियचमक्कारा पुरिसा महिमंडलम्मि सव्वत्तो। नियमण-परिओसकरा विरलचिपय के वि सप्पुरिसा ।८०।
तओ तेण दिण्णो उवएसो। कया मए सामग्गी। पारद्धो धाउव्वाओ। पयडियं सुवणयं । पइदिणमेवं कुणतेण संपिडिया मए सुवण्णस्स दस-लक्खा । एत्थंतरे तक्खणुप्पण्ण-सेरीरकारणेण पंचत्तमवागओ विलासकित्ती । पडिपुण्णविहिं पउंजमाणस्सावि न पडइ मे सुवण्णयं । तओ हं अपडिपुण्णपइण्णो कह नियघरे बच्चामि ? पेसिऊण जणणि-घरणीण पडियसुवण्णयं पव्वइओ तत्थेव विसालकित्तीसीससमीवे । कमेण हिंडतो तुम्हाण दंसणनिमित्तं एत्थ समागओ । ता एवं मे इमस्स पासंडस्स गहणकारणं।" सरदेवेण भणियं--"असोहणं तए कयं जमचित-चिंतामणिकप्पं सयलजग-जीव-सुहावहं पुव्व-पुरिसकमागयं मोत्तूण जिणिंद-धम्म मिच्छत्तवल्लरी-कंदकप्पं कुप्पवयणमेयमंगीकयं । अज्ज वि न कि पि नट्ठ ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |