Page Text
________________
१५०
मणोरमा-कहा
सूरदेवो। भणिओ य पणय-पुरस्सरं--"वच्छ ! वंदिओ तए नियमामगो धम्मगुत्तो?" तेण भणियं-"न वंदिओ।" सीए भणियं-"किं कारणं?" सूरदेवेण भणियं-“पच्चक्खायं मए निक्कारणं परपासंड-वंदण-पूयणाइ-करणस्स।" जिणमईए भणियं-“वच्छ ! एवं लोयववहारो खंडिओ होइ।" तेण भणियं--"किं मह लोगेण?" जणणीए भणियं--"एसो वि पढम धम्मंग 'धम्मत्थिणा लोयविरुद्ध धम्मविरुद्धं च परिहरियव्वं' ति, जिणाणा । अम्हाण वि तत्थ गच्छताण नत्थिधम्मबुद्धी। तुम पि लोगववहारमणुसरंतो गंतूण दव्व-वंदणेण वंदाहि जेण तस्स वि मण-निव्वुई भवइ ।” 'जमंबा समाणवेइ' भणिऊण तयगुरोहण गओ सूरदेवो तयंतियं । धरिऊण माणसम्मि सिद्धिसुह-साहण-पच्चले सुसाहुणो पणओ सूरदेवो धम्मगुत्तस्स । दिण्णासीवाओ तेण निसण्णो उचियासणे। संभासिओ धम्मगुत्तेण--"निरामयं ते सरीरयं?" सूरदेवण भणियं--"जरा-मरण-रोग-सोग-संपाय-पीडियाणं परमत्थ-विण्णाणरहियाणं केरिसं निरामयत्तणं संसारसमावण्णगाणं पाणिण ? धम्मगुत्तेण भणियं--"कि कारणं चिराओ दंसण कयं?" सूरदेवेण भणियं--"घरपओयणवाउलयाए।" भिक्खुणा भणियं--"जाव अहमेत्थ चिद्रामि ताव तए पइदिणं समागंतव्वं ।" पडिवण्णं सूरदेवेण । गच्छइ पइदिणं तस्स समीवे । संवड्ढइ परोप्परं कहारसो ।
अण्णया लद्धावसरेण जंपियं सूरदेवेण--"माउल ! कहं तुम विसुद्धसावगकुले उववज्जिऊण मिच्छत्तमुवागओ?" धम्मगुत्तेण भणियं--"भद्दमुह ! निसुणसु-"पंचत्तमुवगए सुगहियनामधेये जिणपुत्तत्ताए सयण-सुहिजणेण मिलिऊण निवेसिओ हं तस्स पए । कइवयदिणावसाणे वियारबहुलयाए जोन्वणस्स पविट्ठो कामलयाभिहाण-गणियामंदिरं । कया तीए ण्हाण-भोयणाइया सविसेसपडिवत्ती। हाव-भाव-सिंगाराणुकूल-वयणेहि समावज्जियं तीए मह माणसं । न तं विणा खणं पि रइं लभामि । पयच्छामि जं मग्गियं तीए दविणजायं। अइ वल्लहो बाइयाए । गच्छइ कालो। एवं पइदिणं दिज्जती कसिण-पक्ख-ससिलेह व्व किसा जाया घरसिरी। पुव्वपवाहेणेव पइदिणं मग्गेइ दविणजायं बाइया। मया वि वाया-दविणेण । गमियाणि दो तिण्णि दिणाणि । तओ 'निद्धणो' ति कलिऊण मंदायरा जाया अक्का। भणिया तीए कामलया--"पुत्ति ! निप्पीलियालत्तय-सरीसो एस कामुओ। ता तहा करेसु जहा न तुह भवणे समागच्छइ । पडिवण्णमेईए। पडिवत्तीए णट्ठो पणओ मंदायरा ण्हाण-भोयणाइ कज्जेसु। पयंपइ सुणंतस्सेव बाइया कडुय-वयणाणि ।। जह जह न दमि दविणं तह तह कडुआणि कुट्टणी भणइ । आमाइ पच्छ एसो न य मरइ न मंचयं देइ ।।६१।। ताहे ण्हाणम्मि सीय-सलिलं भोयणवेलाए भोयणं विरस । सयणम्मि सडिय-मंचं पलोयणं कुरुल-दिट्ठीए ।६२। इमाइ माणभंगं कुणमाणी जणइ दारुणं दुक्ख । तह वि न मुयामि भवणं तीसे हं नेह-पडिबद्धो ॥६३।। अह अण्णया कयाई काऊण विणिच्छयं नियचित्ते । मह निक्कासणहेउं वक्का अक्का न भुंजेइ ।।६४।। कामलया वि हु तत्तो म ठुनिठुरं पयंपेइ । छिडणगोणो व्व गवत्तयम्मि लुद्धो न मं मुयसि ॥६५॥ एयं निसामिऊणं चिता मह माणसे समप्पण्णा । सच्चं वयंति विउसा वेसा धणवल्लहा धणियं ॥६६।। जओ-- वेसत्थियाओ' आलत्तयं व निप्पीलिऊण मुंचंति । रइगुण २ वियक्खणं पिहु धणहीण-नरं सुरत्तं पि ॥६७।। वेसं पि रमेइ नरं पियजंपिरी हरइ अत्य लोहेण । वेसाए को अण्णो पिओ न अप्पा वि जीए पिओ ।।६८।। एग खायइ मडयं बीयं पि कडक्खियं धरइ चेव । तइयं अहिलसइ मणे मसाण-सिव-सन्निहा वेसा ॥६९।। न गणइ जाइ-कुलाइं न य पंडिच्चं न चेव विण्णाणं । वेसा वानरिसरिसा जत्थ फलं तत्थ संकमइ ।।७०।। चंचलचित्ता नियकज्जतप्परा गुण-परंमुहा ल द्धा । बहु नड-भड-परिभुत्ता धण्णा वेसा वि वज्जति ।।७१।। एवं विभाविऊणं दळूण य माणखंडणं परमं । रयणीए अकहितो विणिग्गओ हं घरा तीसे ।।७२।। १. याओ पुण । २. वियड्ढयं-कहाकोश प्रकरणे पृ. ६४ ।
___Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |