Page Text
________________
संम्मत्त-बीय-लंभो बीओ अवसरो तत्थ य समुद्ददत्त सेट्ठीकहाए सम्मत्ते निक्कंखिए सुरदेव कंहा
निक्कंखिए सूरदेवउदाहरणं
अस्थि इव भारहे वासे कलिगविसयपहाणं पोलासपुरं नाम नगरं । तम्मि य सूरदेवो नाम परमसम्मदिट्ठी इब्भपुत्तो. परिवस । बीओ पुण अहिणवपडिवण्ण-जिणधम्मो केसवो नाम वणियपुत्तो । सोऊण पइदिणं समागच्छइ सूरदेवमंदिरं । करेइ तेण सह धम्मवियारं । न तारिसी चित्त-थिरया गच्छइ । अण्णतित्थियाण वि समीवे करेइ वंदण-धम्म-सवणाइयं । वियरs गिहागयाण असणाइयं ।
अण्णया सव्व-दरिसण-सवण-जणिय- कुवासणावसेण जाया केसवस्स सयल-दरिसण-गोयरा आकंखा । तव्वसेण चितिउ पत्तो । सव्वदरिसण-निराकरण-परायणं जिणसासणं मह पुण सुणमाणस्स सव्वाण वि संवित्तिमारोहंति । न मे कज्जं एगदंसण-परिग्गहेण सव्वाणि समायरिस्सामि । जं चेव सव्वं सग्गापवग्गसाहणं तं चैव तारिस्सइ । एवंविहवियप्पेण कहि पि दंसणे अबद्धलक्खो कालं गमेइ । समुप्पण्णा तस्स केसवस्स सूलवेयणा । समागओ पडियरणानिमित्तं सूरदेवो । तयंतिए पुच्छिया सरीर-कुसल वत्ता। केसवेण भणियं -- "वयंस! बाढं वाहेक मम सूल-वेयणा । तुट्टति सयलसंधिठाणाणि । न संवहंति अंगाणि । अओ वियर, कालोचियमुवएसं ।" सूरदेवेण भणियं -- " मा मित्त! कायरीभवसु । अवलंबेसु धीरतणं। मुंचसु सयल- दंसण- विसयमाकखं । अंगीकरेसु देवत्तणेण सचराचरजीव - निक्कारणबंधवे, संसार-कंतारनित्थारण-समत्थ-सत्थवाहकप्पे, संसारसायर- निवडंत-जंतु समूह समुत्तारण- वरजाणवते ससुरासुरमणय- पूइए परम-पूयारि अरहंते, पडिवज्जसु गुरुतेण समतिण-मणि-लेट्ठ-कंचणे सयलसंग विप्पमुक्के, अट्ठमयट्ठाण वज्जिए, पंचसमिए, तिगुत्ते, निम्ममे, निरहंकारे, कुच्छिसंबले, अपडिबद्धविहारे, भगवंते साहुणो सरणं । ते हवउ निरुवमदयासारनिव्ववियसयलजीवलोओ, खंताइगुणगणालंकिओ, अहरिय-कामधेणु - चिंतामणि- कप्परुक्ख - माहप्पो, कोहाइकसायानल - विज्झवण-जलहरो, उप्पहपयट्ट - कुत-पंचेदिय तुरिय-तुरय-निवारण-सारही, सवण्णुप्पणीओ धम्मो एस एयम्मि अवसरे तुह हिओवएसो, केसव एसो ।" केसवेण भणियं -- "वयंस! सुरदेव, साहियं सव्वदरिसणेसु परमपयं । परूवियं तस्स साहयं सयणुट्टाणं ।। कहिओ सयणुट्ठाण हे उभूओ रागाइ दोस-निग्गहो पण्णविओ पाणवहाइपाव- परिहारो । निंदिओ विसयसंगो । रुद्धाविओ इंदियाणं नियविसएसु पसरो । निवारिओ घर-घरिणि धण धण्ण- पिइ पुत्ताइसु पडिबंधो। एवमाइ जिणपवयण - सिद्धं सव्वं तेसु वि अत्थि, ता कहमहं तप्परिहारेण जिणसा सणमेव केवलं पडिवज्जामि । सव्वाणि वि सग्गापवग्गनिबंधणाणि, अओ सव्वाणि मे सरणं भवंतु।” सूरदेवेण भणियं - "केसव ! करेसु मह वयणं । अलमिमाए दुग्गइ-गमण - निबंधणाए सव्व-दरिसणाकंखाए । पुव्वावर विरुद्धाणि हिसालिय-चोरिक्क- मेहुणापरिमिय-परिग्गहारंभ-निरयाणि कहं सग्गापवग्ग- कारणं भवंति कुप्पवयणाणि ? जो पुण को वि तेसु वि गुण-लेसो दीसइ सो सम्वण्णु-सासण - महासमुद्द- बिंदु - निस्संद-तुल्लो परिभावियब्वो भवया ।" जओ-
मोत्तूण जिणं मोत्तृणं जिणमयं जिणमए थिए मोतुं । संसारकंतवारं,' चितिज्जंतं जगं से ।। ५९ ।। केसवेण भणियं--“भो वयंस! न एवं अज्ज वि मह परिणमइ ।"
तओ "अजोगो" त्ति काऊण उवेक्खिओ सूरदेवेण परिचत्तो तेण सह समागमो । वच्चति दिणाणि ।
अण्णया समागओ पोलासपुरं । गहिय- भिक्खु-लिंगो धम्मगुत्तो नाम सूरदेव - मामगो । गच्छइ लोगो वंदण निमित्तं । न गच्छइ सूरदेवो । वह चित्तेण खेयं धम्मगुत्तो ।
अणम्मि दिने उवालद्धा तेण सूरदेवजणणी जिणमई नाम नियइणी । "जुत्तं तु एयं संगयं जं सूरदेवो बहु दिणागयाण वि पडिवण्ण वय विसेसाण वि गुरुसिणेह उक्कंठुलाण वि संसारिय-संबंधमाणसाण वि तस्सेव दंसणत्थमागयाण वि दंसणं न देइ ? निष्फलं चैव ममागमणमेत्थ । अओ पभाए मए गंतव्वं ।" जिणमईए भणियं -- "चिसु ताव दिण-पंचगं जाव सूरदेवं संबोहयामि ।" पडिवण्णं धम्मगुत्तेण । गया जिणमई नियधरं । सद्दाविओ
१. सधम्मकम्मं धर्मरत्न प्रकरणे
Jain Education International 2010_04
१४९
पु.
४८ ।
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |