Page Text
________________
१४८
मणोरमा-कहा
धणदेवेण भणिय--"भयवं! दारुण-संसार-कारणं संका-जिणमय-विसया भवतो भणंति । कहमम्हारिसेहिं मंदमइहिं परिहरियव्वा ।" सूरिणा भणियं--"भद्दमुह ! जं ताव सुणिज्जतं नियय-संवित्तीए समारुहइ तं तहेव । पडिवज्जियव्वं । सेसं पुण एवं सद्दहियव्वं । रागेण व दोसेण व मोहेण व अलिय-वाइणो होति । जस्स य इमे न दोसा तस्सालियकारणं नत्थि ॥४१॥ जियरागदोसमोहेहि भासियं जिणवरहिं एयं तु। तम्हा निस्संदिद्धं न होइ संकाए विसओ त्ति ।।४२।। भणियं चकत्थ य मइदुब्बलेणं तविहायरियविरहओ वा वि । न य गहणत्तणेण य, नाणावरणोदयेणं च ।।४३।। हेऊदाहरणा संभवे य सइ सुठ्ठ जं न बुज्झेज्जा । सवण्णुमयमवितह, तहावि तं चितए मइमं ।।४४।। एवं विहिपरिणामा संका दूरेण होइ परिहरिया। निस्संकस्स नरामरनेव्वाणसुहाइं सुलहाई ॥४५।। सुणिऊण सूरिवयणं तह त्ति पडिवज्जिऊण गयसको। धणदेवो सामण्णं अकलंक काउमाढत्तो ।।४६।।
इओ य सोहम्मदेवलोए सोहम्माए सहाए सोहम्मसीहासणयसंठिएण सुहम्माहिवइणा जंबुद्दीवं विउलेणं ओहिणा आभोगयंतेणं दिवो भारहालंकारभूए कोसंबिपुरे आयावंतो धणदेवमुणिवरो। पसंसिओ सुरसंघ-समक्खं । जहा"न वत्थेत्थ देवो वा दाणवो वा जो धणदेवस्स जिणभासियपयत्थेसु संकं संजणइ।" तं सुणिय मुणिय-जिणवयणभावत्थो विहिय-वुड्ढमाहण-वेसो परिक्खवण-निमित्तं धणदेव-समीवमागओ एगो देवो। वंदिओ धणदेवो । दिण्णासीसओ निसण्णो उचियासणे। दिण्णो संखेवेण साहणा धम्मोवदेसो। अवसरं लहिऊण जंपियं बंभणेण "भय ! पभूओ कालो मम जिणसासणं पवण्णस्स । संपयं पूण कम्ममले विमक्कस्स जंतुणा समएण लोयंतगमणं सोऊण संकियं मे माणसं । जओ"गम्मइ त्ति गइ" गमणस्स सयारंभ एव । असंखेज्ज समया गच्छंति तम्हा न दिसि गच्छइ ।।४७।। न विदिसं गच्छइ न अहो न उड्ढं। विज्झाय दीवकप्पो मोक्खो, मण्णिज्जउ जियाण ।"॥४८॥ अहवा-- समय बहुत्तं सुत्तम्मि निवारियं मुहा चेव। अप्फुसमाणगई विहु न घडइ गमणम्मि जीवरस्स ।।४९।। अंजण-चुन्ननिरंतरभरियसमुग्गयसमम्मि लोयम्मि । अफुसंतो कह गच्छउ, जीवो अइ ठड्ढसं एयं ।।५।। एयम्मि अविण्णाए, धम्मम्मि थिरं न होइ मह चित्तं । ता संका पंकमिणं नियवयणजलेण अवणेहि ।।५१।। अह एयं पि न जाणसि निरत्थओ एस ते वयारंभो। होउं गिहासमरओ पूयहि पासंडिणो सव्वे ।।५२।। जो चेव एत्थ धम्मो होही सो तारिही न संदेहो । एयं सोउं भणिओ मुणिणा सो बंभणो एवं ।।५३।। कम्म भरक्ता वि हु तरतमजोगेणं सिग्घ सिग्घयरा। दीसंति एत्थवि जिया पच्चक्खेणं पि कि बहुणा ।।५४।। कम्मभरविष्पमक्को अणंतवीरिओ अचिंतमाहप्पो। समएण वि जाइ जीओ मोक्खं को विम्हओ एत्थ ॥५५।। फुसण्णो पोग्गलो धम्मो अपोग्गलो कम्मविरहिओ जीवो। जइ जाइ संफुसंतो न चिरेण विपावए सिद्धि ।। ५६।। भद्द ! दढं मह चित्तं जिणिदवयणम्मि संसओ नस्थि । तुज्झ वि न होइ जुत्तो संदेहो दुःखसयहे ॥५७।। परहिय-निरया गयरागदोसमोहा य जिणवरा सव्वे । तेसि वयणे संका बहुदुक्ख-निबंधणा भणिया ।।५८)
तओ तस्स निच्छ्यं नाऊण पयडिऊण नियरूवं साहिऊण सक्कपसंसावइअरं बंदिऊण गओ सट्टाणं सूरो। धणदेवो वि पालिऊणनिक्कलंक सामण्णमणण्णं, काऊण मासियं संलेहणं मरिऊण समप्पण्णो सब्वटसिद्धे सुरवरो। तओ चुओ होऊण सिरिकत-नरवरो काऊण जिणमए पव्वजं सिज्झिहिस्सइ एवं निस्संकसमत्तपरिपालणं कायव्वं ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |