Page Text
________________
१४७
सम्मत्त-लंभो णाम बीओ अवसरो तत्थ य समुद्ददत्तसेट्ठीकहाए सम्मत्तसरूव संकाए धणदेव-कहा संपयाओ। परं निस्संकियाइ-अट्ठगुणपरिसुवं समत्तपरिपालणे पयत्तो कायव्वो।" राइणा भणियं--"के इमे निस्संकियादओ अट्ठगुणा?" सूरिणा भणियं--"सुणेहि, निस्संकिय, निक्खंकिय, निव्वितिगिच्छा, अमूढदिट्ठी य । उबवूह, थिरीकरणे, वच्छल्ल, पभावणे अट्ठ ।३६।
__ संका दुविहा-देससंका सव्वसंका य। देससंका--"किमसंखेज्जपएसो अप्पा होज्जा न वा।" सव्वसंका-- "सव्वे विधमत्थिकायाईए जिणपण्णत्ते भावे संकई"। विहा वि संका परिहरियव्वा विसुद्धसम्मत्त-धारगेण । जहा धणदेवेण परिहरिया।"रण्णा भणियं-"भयवं! को एस धणदेवो?" संकाए धणदेवकहाणयं
अत्थि इहे भारहेवासे सयलजय-पसिद्धं चंपावासं नाम नयरं। तम्मि य दो वणिय-दारया वयंसया परिवसंति धणदेवो धणमित्तो य ।
अण्णया निसुओ तेहिं सुहंकरायरियसमीवे सव्वण्णु-पणीओ धम्मो। संजाय-संसार-निव्वेएहिं जंपियमणेहि-- "भयवं! सोहणो धम्मो। पुच्छिऊण जणणी-जणए पडिवज्जामो एयं ।" सूरिणा भणियं--"अविग्धं देवाणप्पिय! मा पडिबंध करेह ।" तो ते वंदिऊण सुहंकरायरिय-पयपंकयं पविट्ठा नयरं । गया निय-नियघरेसु। विण्णत्ता जणणोजणया । नाऊण निच्छ्यं विसज्जिया तेहिं । निक्खंता सुहंकरायरियसमीवे । गहियदुविहसिक्खा चरण-करणपरिपालणरया कालं गमिति ।
अण्णया वक्खाणिज्जंते आयारंगे, जीवत्तेण परुविज्जमाणेसु छसु जीवनिकायेसू, अजीवत्तेण पण्णविज्जमाणेसु धम्माधम्मागासपोग्गलत्थिकाएसु गहण-पयत्थ-सवणुप्पन्न-संकेण भणियं धणमित्तेण--"भयवं! जइ पुढवी जीवा ता कि तवरि संचरिज्जइ ? जइ जलं जीवा ता कि पिज्जइ? जइ तेजजीवा कि तेहिं रद्धं भुजइ? वाऊ वि जइ ते भिक्खायरियास् भमंताण पइदिणं ताण विराहणा? वणस्सइ जीवपरिकप्पणे पुण भोयणं पि न कायव्वं । तव्वहपरिवज्जगेण धम्मत्थिकायाइ पयत्था पुण अचक्खुगोयरा कहिज्जमाणा वि को सद्दहेज्जा। ता निउणपयावइकरक्य
-चक्कमत्थयत्थमिउपिंडो ब्व डोलाअइ मे हिययं।" सूरिणा भणियं--"मित्त! मा एवं भणसु । तित्थंतरिएहि वि इमे जीवा पडिवण्णा" "आपो वै देवता" इत्यादि श्रतिवचनश्रवणतः । साहवो पुण दुपय-चउप्पय-समइक्कताए पुढवीए परिअडंति। जलं पि जलणाइ विद्धसत्थं गिण्हति । तेउ समारंभो वि रंधणाइ कज्जेसु अप्पणा चेव गिहत्था कूर्णति । महावायाइ सचेयणावाए वायंते अवस्सगंतव्वे वासत्ताणावरिया चेव गच्छंति । अकयमकारियमसंकप्पियनवकोडी. परिसुद्ध पिडं । गिहिताण वणस्सइ विघाओ नत्थि मुणिवराण । धम्मत्यिकायादओ वि आगमाओ चेव सद्दहेयव्वा ॥३७।। जओआणागेज्झा अत्था आणाए चेव सद्दहेयव्वा। दिट्ठता दह्रतिय-गहणविहि वि सद्दहणा इहरहा ॥३८॥ अन्यैरप्युक्तं पुराणं मानवो धर्मः सांगो वेदश्चिकित्सितं । आज्ञासिद्धानि चत्वारि न हंतव्यानि युक्तिभिः ।।३९।।
धणमित्तेण भणियं-भयवं ! जइ एवं निरंतरसिनेहा-सुयणा पडिवज्जिस्संति । तओ अजोगो त्ति काऊण उवेक्खिओ सूरिहिं । पवड्ढमाणसंको चेव परिवडियसम्मत्तो मरिऊण सागरोवमाऊ पढम-पुहवीए नेरइयत्ताए उववण्णो । तओ उवट्टिऊण पावभर-पणोल्लिओ तिरियाइ दीहसंसार-भायणं संजाओ। जओपयमक्खरं पि एक्कं पि जो न रोएइ सुत्तनिद्दिळं । सेसं रोयंतो वि हु मिच्छद्दिट्ठी जमालि व्व ॥४०॥
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |