Page Text
________________
मणोरमा-कहा
सोदाहरणा य तस्स गुणा जहा-एगम्मि नयरे एगो राया। तस्स दो पुत्ता बाहत्तरि-कलाकुसला सूरसेण-वीरसेणा। ताण पढमो अंधो सो सद्दवेही य। बीओ पुण सज्जक्खो संगामवियक्खणो य । अण्णया पारद्धो [जुद्धो] ताण पिया-सत्तु नरिदेण वेढियं नयरं । निरुद्धा निग्गमपवेसा। विण्णत्तो सूरसेणेण राया--"ताय विसज्जेसु में जेण पराणीयं पराजिणेमि।" अणुमण्णिओ राइणा। सहाय सहिओ पत्तो पराणीयं । जत्थ जत्थ सई सुणेइ तत्थ तत्थ पढम पाउसो व्व निरंतरं नारायधोरणीए वरसिउमाढत्तो। इओ तओ विसंठुलं वयंतो समरंगणे वियाणिओ विपक्ख-नरिंद-जोहेहिजह एस अंधो सद्दबेही य । तओ भरं काऊण अवयणा चेव तद्वरि निवडिया।
एत्यंतरे जणयाणुण्णाओ पदरकरिवरारूढो समागओ समरसीसं वीरसेण कुमारो। तहा जुज्झिउ पवत्तो जहा खरपवणपणोल्लियं व मेहविंदं दिसोदिसि पणठं सत्तु-बलं । मोयाविओ सूरसेणो । पाविया जय-पडाया । पसंसिओ सयललोएण। परितुट्ठमाणसेण राइणा ठाविओ जुवरायपए। कुणमाणो वि य किरियं परिच्चयंतो वि सयण-धण-भोए । देतो वि दुहस्स उरं न जिणइ अंधो पराणीयं ।२१॥ कुणमाणो वि निवित्तिं परिच्चयंतो वि सयण-धण-भोए । देंतो वि दुहस्स उरं मिच्छट्ठिी न सिज्झइ उ॥ तम्हा कम्माणीयं जे उ मणो दंसणम्मि पयएज्जा । सणवओ हि सहलाणि हुंति तव-नाण-चरणाणि ।।२३।।
राइणा भणियं-"भयवं ! कइ-भेयं, कहं लब्भइ, कि-सरूवं, किं-फलं वा एयं सम्मत्तं ?" सूरिणा भणियं"सोम ! सुणएगविह-दुविह-तिविहं चउहा पंचविह-दसविहं-सम्मं ।' मोक्खतरू-बीय-भूयं संपइराया व धारेज्जा ॥२४॥ एग विहं सम्मरुई निसग्गाभिगमे हिं तं भवे दुविहं । तिविहं तं खइयाई अहवा वि हु कारगाईयं ॥२५॥ समत्तमीस-मिच्छत्त-कम्मक्ख यओ भणंति तं खइयं । मिच्छत्त-खओवसमा खाओवसमं ववइस्संति ॥२६॥ मिच्छत्तस्स उवसमा उवसमायोतं भणंति समयन्नू । तं उवसमसेढीए आइमसमत्तलाभे वा ॥२७॥ विहियाणुट्ठाणं पुण कारगमिहरोयगं तु सद्दहणं । मिच्छदिट्ठी दीवइ जं तत्ते दीवगं तं तु ॥२८॥ खइयाई सासायण सहियं पुण चउव्विहं मुणेयव्वं । तं सम्मत्तभंसे 'मिच्छं तु अपावमाणस्स ॥२९॥ ३वेयग सहियं एवं पंचपयारं तु होई विण्णेयं । सम्मत्तचरमपोग्गल-वेयणकाले य तं होइ ॥३०।। एयं चिय पंचविहं निस्सग्गाभिगमभेयओ दसहा । अहवा वि निस्सग्गरुई इच्चाइ जमागमे भणियं ॥३१।। जीवाइ नव पयत्थे जो जाणइ तस्स होइ सम्मत्तं । भावेण सद्दहंते अयाणमाणे वि सम्मत्तं ।।३२।। तत्थ सद्दहणं सम्मत्तं तम्मि जीवस्स गंठिभेयम्मि । खयओवसमाइ भेयं सुहा य परिणाम-रूवं तु ॥३३।। सम्मदिट्ठी-जीवो विमाणवज्जं न बंधए आउ। जइ न वमियसम्मत्तो अहव न बद्धाऊओ पुचि ।।३४।। सम्मत्तम्मि उवलद्धे ठइयाइं नरय-तिरिय-दाराई । दिव्वाणि माणुसाणि य मोक्ख-सुहाई सहीणाई ।३५।
रण्णा भणियं--"भयवं! पडिवण्णो मए अज्जप्पभिइ अरहंतो देवो, गुरु साहूणो, रुइयाणि जीवाइणि नवतत्ताणि, भाविओ जिणागमेण अप्पा।" सूरिणा भणियं--"सोम्म ! एत्तियं चेव सम्मत्तं। एसा चेव जिण-दिक्खा। धण्णो तुमं । पत्तं तए पावियव्वं । सहलो ते मणुय-जम्मो। तिण्णो ते भवोदही। परित्तीकओ संसारो। सुलहाओ तुह नरामरपवर १. दव्वाई कारगाई उवसमभेएहि वा सग्गं २. मिच्छत्ता आपत्तिरूवं तु-प्रवचनसारोद्धारे। ३.. वेययसंजुत्तं पुण एवं चिय पंचहा विणिद्दिढें:-प्र.-सारोद्धारे । ४. जर विन समनटो-शाटदिनको 0001
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |