Page Text
________________
सम्मत- लंभो णाम बीओ अवसरो तत्थ य समुद्ददत्तसेट्ठीकहा
राणा भणियं - "जइ एवं तो रक्खगपुरिसवेढिया बच्चह सघरं । मुद्दियाणि मूलमंदिराणि । एवं नरदत्तसेट्टिणा सद्धि विसंवयंताण वच्चति वासरा ।
सो वि समुद्ददत्तो जलनिहि- निवडणाणंतरमेव पउमासणनिसण्णो रायहंसो व्व नरनाहलहरीहि हिरंतो दिट्ठो वेलाविलासविज्जाहरेण । उप्पाडिऊण नीओ रयणायरमज्झ संठिए सुवेलगिरिवरे । पवेसिओ कणय - रयण - विणिम्मविय रणथंभ-सय-सोहिए सत्तभूमिए पासाए । निवेसिओ मणिमय-पवर-पल्लंके । भणिओ य पणय- पुब्वं समुद्ददत्तो - " महाभाग ! वेलाविलासो नाम विज्जाहरो हं । एसा पाणप्पिया रइसुंदरी मह धूया । पुच्छिओ य मए विमलप्पहो नाम केवली -- "भयवं रइसुंदरीए को भत्ता भविस्सइ ? कहं वा अम्हेहि नायव्वो ?" भयवया भणियं -- " जो जलनिहिपडिओ वि अनिमज्जमाणो पउमासणोवविट्ठो रायहंसो व्व तरंगेहि हीरिज्जतो पिच्छिहसि सो ते धूयाए वरो होही ।" पण मिऊण केवल समागओ हं सुवेलपव्वए । करेमि पइदिणं समुह - निरूवणं । अज्ज पुण जहाइट्ठो दिट्ठो तुमं, आणिओ य एत्थ । पुरेसु मह मणोरहा । करेसु पाणिग्गहणं रइसुंदरीए ।" समुद्ददत्तेण भणियं - "तुमं चेव वियाणासि ।" दिण्णा पसत्थ वासरे रइसुंदरी समुहृदत्तस्स । वित्तं पाणिग्गहणं । तीए सह सिणेहसारं विसयसुहमणुहवंतस्स वच्चंति वासरा ।
१४३
अम्मि दिणे उव्वेयमुव्वहंतो दिट्ठो समुद्ददत्तो रइसुंदरीए पुच्छिओ- "पिययम ! किं कारणं उव्विग्गो विय तुम लक्खीयसि ? कहेसु जहट्ठियं जेण तप्पडियारं चितेमि । " समुद्ददत्तेण भणियं - "अत्थि तुह जेट्ठा भइणी तारावली नाम । तीए गुणविसरं सरंतस्स संजाया मह मणागमनिव्वई ।" तीए भणियं -- " थेवमिणं न संतप्पियव्वं अज्जउत्ते ! " एवं भणिऊण गया जणय-समीवे । कहिओ सब्वो वि वइयरो । तेण भणियं - " जइ ते रोयइ ता तए सहेव विमाणमारोविऊण तत्थेव पराणेमि समुद्ददत्तं ।" पडिवण्णं इमिए । सद्दाविओ समुद्ददत्तो विज्जाहरेण भणिओ य - “ बच्छ ! गच्छ समं रइसुंदरीए नियद्वाणं ।” निम्मवियं वरविमाणं विज्जाहरेण । भरियं सुवण्ण रयणाण । समारोविओ समं रइसुंदरीए । तमि समुद्ददत्तो निण्णो मज्झभाए सयमेव रइसुंदरी पियाए । गंतुं पयट्टं गयणमग्गेण तं विमाणं । खणद्वेण पत्तं समुद्ददत्तमंदिरं । विज्जाहरपरिवारिओ समं रइसुंदरीए उत्तिष्णो विमाणाओ समुद्ददत्तो । तं दट्ठूण भयभीया पलाणा दुसला - दुम्मा | अहिट्ठियं नियघरं सेट्ठिनंदणेण । सद्दाविया असोगसिरी । समागया । साहिऊण पुव्वसमागमं नरदत्तसेट्टिणा समं तारावलीए पणमिया सविणयं समुद्ददत्तेण । हरिसवसुल्लसिय-वयण - कमलाए चुंबिओ मुद्धाणदेसे निवेसिओ निययअद्धासणे । तओ ठिया पुरओ रइसुंदरी नाम तुह वहुया एसा पायवडणं करेइ । "वच्छे ! अविहवा भवसु" भणrite अहिदिया तीए । निवडिया चलणेसु तारावलीए रइसुंदरी । साहिऊण सव्वं वइयरं असोगसिरीए भरिऊण भवणं सुवण्णरयणाणं संभूसिऊण समुद्ददत्तं भणिओ - "वच्छे! कायव्वा गुरुजण सुस्सूसा । पियसहिओ इव दट्ठव्वाओ सवत्तीओ। दक्खिणपराए भवियव्वं । नियपरियणा अवराहपए कहि पि पर निन्भच्छियाए वि रुसिऊण न एगागिणीए चैव पियहरमणुसरियव्वं । पइपसायं पाविऊण न गव्यो कायव्वो ।
1
एवं कुणमाणीओ चेव घरिणीपयं पावेंति कुलबालियाओ । विवरीओ पुण नियकुलपीडा कारिणीओ ॥ ८ ॥ किंच-
ts जियते सुइ सुतम्मि परियणे सव्वे । पढमं चिय पडिबुज्झइ घरस्स लच्छी न सा घरिणी ॥। ९ ॥ कि बहुणा
अथिरे जीए विहवे असासए पुत्ति ! केत्तियं भणिमो । धवल कुले कलंक न होइ जह तह करेज्जासि || १० || "
एवं सिक्खा गाहिऊण रइसुदर रयणीए चेव गओ सट्ठाणं वेलाविलास - विज्जाहरो । पहाय समये गहिऊण पहा - पाहुडं गओ समुद्ददत्तो नरवइ समीवं । दिट्ठो राया । समप्पियं पाहुडं । नमिऊण रायाणं निसण्णो दंसियासणे । सम्माणिऊण तंबोलाइणा पुच्छिओ कुसलोदंतं नारदेण । समुद्ददत्तेण भणिय - " सव्वत्थ कुसलं देवपायाणुभावेण ।" एयम्मि अवसरे समागओ नरदत्त सेट्ठी । पणमिऊणं रायाणं निसण्णो उचियासणे । पुच्छिओ रण्णा समुद्ददत्तो- "केण तुमं समुद्दे पक्खित्तो ! "
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |